Noord ta importante pa AVP y nan ta sigui apoya e partido berde

Ultimo simannan lider di partido berde, AVP, Mike Eman tabata di bishita den districto di Noord y a haya un cantidad grandi di peticion pa bolbe. Ciudadanonan di e districto a yama y manda mensahe for di tur skina di Noord pa representantenan di Partido di Pueblo Arubano por bishita nan.3030

Den consulta cu miembronan di partido y team di campaña a dicidi cu ta bay dedica e fin di siman cu a pasa completamente na Noord, prome cu sigui pa San Nicolas, cu ta otro districto cu semper a y ta sostene AVP fuertemente. Diasabra, for di tempran caba, candidatonan cu nan team, a cuminsa bishita ciudadanonan di districto di Noord. Mike Eman a bishita sostenedor, amigo y conocinan rond di Pos Abou, Cunucu Abou, Bubali (un parti), Palm Beach (un parti) y Montserat. Candidato nobo riba lista di AVP, e dinamico Maurits Malmberg, a bishita ciudadanonan na Esmeralda, Opal, Safir, Rubi, Topaz, Rooi Santo y Westpunt.

Otro hoben candidato Gerlien Croes a bishita ciudadanonan na Calabas y Kudawecha alabes invitando nan pa su evento diadomingo. Arondino Croes, cu receientemente a uni su mes na Partido di Pueblo AVP, a bishita ciudadanonan di Sabana Liber y Alto Vista. Un otro hoben politico energetico, Clayton Croes, a recore Semeleerstraat y un parti di Montserat. Arthur Dowers, na Matadera, Tanki Flip y Tanki Leendert a combersa extensamente cu bisiñanan.

Carlos Bermudez, un otro candidato nobo di AVP y bon conoci den Noord, a cuminsa cana den su bario Boegoeroei y a sigui pa Montaña y Bubali. Benny Sevinger cu su team a bishita Keito y Koyari, Jennifer Reyes a recore Kamay y Saliña Serca, mientras cu Jeffrey Kelly tabata na Bakval y Palm Beach hunto cu lider di partido. Mientras cu Rene ‘Baba’ Herdé y Norman Roos tabata den Tanki Leendert y Moko, Paul Croes y su team a bishita Sabana Liber.

Partido di Pueblo Arubano, AVP, tabata hopi druk e fin di siman na Noord, pero otronan candidatonan di AVP tabata ocupa pariba di brug. Mike de Meza y Desiree de Sousa-Croes tabata dunando oido na preocupacion, opinion y sugerencia di ciudadanonan di pariba di brug for di Pos Chiquito te na San Nicolas.

Lider di partido AVP bishitando casnan na Noord a wordo compaña pa Jeffrey Kelly y Carl Giel. Na final di anochi Mike Eman, hunto cu sostenedo y amigonan a bishita e wela di su amigo di Carl Giel, na ocasion di su fecha natal su wela. Eman a wordo compaña tambe pa Giovanni Arendsz, conoci den mundo di deporte.

Makinaria berde si no ta descansa y e siman aki atrobe nan lo ta bishitando barionan rond di Aruba.