fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 “Aprecio y Gratitud” pa tur obrero riba nan dia

Jennifer Arends – Reyes, Parlamentario di pais Aruba y alavez, candidato riba e lista Partido di Pueblo Arubano, AVP kier a uni su mes na felicita tur obrero riba nan dia. Un dia di obrero kisas poco scur debi na e pandemia pero no mester descarta e trabao duro di cada obrero cu ta trahando pa hiba Aruba dilanti, pues awe mester duna nan e elogio y empuhe pa sigui traha duro pa hiba Aruba como tambe nan famia dilanti, algo sigur pa aplaudi y duna aprecio.

Sra Jennifer Arends – Reyes kier a para keto un rato pa felicita y gradici tur obrero, esnan trahando como tambe esnan na cas cu pa un of otro motibo a perde nan trabao pa motibo di e pandemia. No ta kita e esfuerso y sacrificio cu cada un obrero a realisa prome cu e pandemia aki a yega Aruba. Pa esnan na cas, pa no perde FE y Speransa cu tur cos lo mester mehora. Un obrero ta un parti importante den nos economia, sin trabao y sacrificio nos no ta logra. Nos pilar economico di mas grandi cu ta nos Tursimo ta unda cu Jennifer kier pone enfasis; pa cada un obrero cu ta trahando den e sector aki, pa keda semper e obrero cordial, esun cu un sonrisa grandi riba su cara y semper cortes cu cada un bishitante cu yega Aruba. Turismo ta e sector cu mas a wordo afecta, no solamente cu menos turista a bishita Aruba pero ta e sector cu mas obrero a bai cas debi na cortamento di gasto. E aña aki Tursimo a lanta cabes un poco y e cifrasnan ta mustrando potencial pa mehora, cual sigur un bon noticia di Speransa pa e obrero cu por recupera su trabao y salario 100%.
Recientemente Sra. Jennifer hunto cu lider di partido AVP Sr. Mike Eman a sinta na mesa cu directornan di AHATA y ATIA pa dialoga riba e progreso di pais Aruba su sector di Turismo y Hotelero y con esaki ta mustra pa 2021 y pa e sigiente añanan nos dilanti. Sigur un dialogo cu mester continua cu Sra. Tisa La Sorte (AHATA) y Herrick Henriquez (ATIA) pa por yega na un solucion sostenibel y balansa pa desaroyo di Pais Aruba. Den e plan di campaña di Jennifer sigur turismo tin su atencion, den pasado Jennifer a ocupa su mes cu varios reunionan di sumo importancia tanto riba nivel nacional como internacional den su rol como Presidente di comision di Turismo di Parlamento. Tambe recientemente a yuda organisa y participa den dos sesion dedica na e industria di Turismo den Renaissance Convention Center cu varios stakeholders. Jennifer no lo para keto pa duna su aporte na e progreso di turismo y economia en general di Aruba. Pabien na tur obrero riba nan dia!