Aclaria na pueblo ken ta e compania priva cu lo beneficia di miyones di proyecto cu e ley di Serlimar

 In Uncategorized

Fraccion di AVP preocupa y atento riba situacion actual den Parlamento di Aruba pa loke ta e ley di maneho di sushi. Un ley cu kier introduci cueste loque cueste cu ta treciendo division y discordia entre pueblo mes como tambe esnan den Parlamento cu ta sostene gobierno.

Reunion den Parlamento cu mester a tuma luga dialuna mainta riba Ley di Serlimar a keda cancela y ta pa es motibo aki a puntra Parlamentario Arthur Dowers kico ta su opinion riba e cancelacion aki. “ E Ley aki no mester ta ni den parlamento”, no ta ni cuestion cu el a keda cancela. Un ley cu ta bay endueda e pueblo aki sin precedente ta un abuso, ta palabranan di Parlamentario di fraccion di AVP Arthur Dowers

Dowers ta remarca cu e manera cu e reunion a keda yama y cu e ley a keda presenta ta un berguensa. Prome cu e ley a yega Parlamento a manda alrededor di 150 pregunta cual niun dia a haya contesta riba nan, cual ta un falta di respet enorme pa Parlamento. Un falta di respet cu sigur tin cu pone un stop na dje. Partido MEP complaciente na e tipo di actonan aki solamente djis pa keda den Gobierno y pa keda eherce poder, ta keda permiti pa un minister abusa continuamente di e pueblo aki.

Mientrastanto e Minister aki a anuncia di ta tuma su retiro.

Arthur Dowers ta cuestiona fuertemente ta ki beneficio e minister aki por tin cu e ley aki mientras el a tuma su retiro, por laga e otro minister atende/trata cu e ley aki den tur trankilidad, pero ta opta pa keda forsa esaki cu tur consecuencia. Tin tur indicacion cu ta un compania lo bay cobra miyones di e pueblo, sin lubida cu e ley aki no ta na beneficio ni di pueblo ni di Serlimar. Na momento cu placa drenta Serlimar esaki lo tin cu pasa pa e compania nobo cu ta bay keda lanta pronto poniendo asina Serlimar na berguensa. Tambe ta alerta cu segun calculacion di expertonan y di miembronan di AVP, manera De Meza cu experticio amplio, cu e idea aki lo no ta algo cu por keda logra y/o lo keda como gasto enorme riba e pueblo.

Parlamentario Arthur Dowers ta menciona e parti cu lo bay kima sushi, pero si placa no yega lo tin opcion pa aumenta esaki pa asina acomoda gastonan manera entre otro auto/departamento pa director, riba lomba di e pueblo. E Pueblo ta bay drenta un aventura sin final!

E proyecto no ta un proyecto di Pueblo, ta locual Dowers ta bisa. Esaki ta un proyecto di hendenan priva cu ta habri tur cuestion riba ken ta esun cu lo bay beneficia di ley aki, cu den tur pura y ansha tin cu keda pasa pa algun hende bay gana placa. 

Tin varios scenario cu tin cu bay studia hopi miho y den Dowers su opinion e ley aki no por pasa ni dialuna di cancelacion, ni diaranson ni ningun otro dia tanten cu tur pregunta keda contesta y sali na cla ta ken lo beneficia di e proyecto aki awo y den futuro. Mas ainda sin studia tur posibilidad pa un miho opcion ( cual tin riba mesa ) pa e pueblo aki pa asina evita e peso aki riba su lomba. “Locual nos por mira aworaki ta algo manera Mafia, y esaki ta algo cu nos tur tin cu ta consciente y atento pa e no tuma luga.”

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search