Contenido

 

 

 

mission1010

mission
AVP ta para pa un comunidad solidario, sigur, harmonioso, firme y sostenibel.

Ta nos mision pa percura pa:

  • Prosperidad y bienestar ta den balansa;
  • Derechonan humano ta wordo respeta;
  • Anda cu otro y cu nos medio-ambiente di un forma respetuoso y sostenibel;
  • Cero discriminacion y trato igual pa ciudadanonan den nos comunidad
  • Reparti beneficio y obligacion di un manera honesto;
  • Promove iniciativanan economico prometedor y stimula empresarionan pa inverti y inova;
  • Hobennan crece den un ambiente cu ta encurasha nan pa desaroya nan talentonan optimalmente;
  • Tin un balansa entre sentido comunitario y libertad individual;
  • Utilisa optimalmente e balor adicional cu Reino tin pa nos;
  • Gobernacion sostenibel y seguridad hudicial ta garantisa;
  • Gobierno actua di forma integro y pone su mes na servicio di su pueblo.

mission1

AVP ta considera como su tarea pa laga Aruba den un estado miho y mas fuerte pa nos yiu- y nietonan, cu locual e isla a ricibi di e generacionnan nos dilanti. Pa e motibo aki, AVP kier haci di Aruba un comunidad sostenibel den cual logronan esencial ta hancra, manera:

  • Prosperidad y bienestar ta den balansa;
  • Derechonan humano ta wordo respeta;
  • Anda cu otro y cu nos medio-ambiente di un forma respetuoso y sostenibel;
  • Cero discriminacion y trato igual pa ciudadanonan den nos comunidad
  • Reparti beneficio y obligacion di un manera honesto;
  • Promove iniciativanan economico prometedor y stimula empresarionan pa inverti y inova;
  • Hobennan crece den un ambiente cu ta encurasha nan pa desaroya nan talentonan optimalmente;
  • Tin un balansa entre sentido comunitario y libertad individual;
  • Utilisa optimalmente e balor adicional cu Reino tin pa nos;
  • Gobernacion sostenibel y seguridad hudicial ta garantisa;
  • Gobierno actua di forma integro y pone su mes na servicio di su pueblo.

Na 2009, Gabinete Mike Eman I a hereda un pais debil y dividi. Falta di inversion y mantencion, introduccion di medidanan pesimo pa pueblo y pa comercio y un debe nacional explosivo, a pone cu e crisis mundial a dal nos pais extra duro. Cu un caída di 15% di nos economía den 2009 y 2010, e restriccion di e economia tabata uno mas pisa den e region Caribe y Latino America.

Gabinete Mike Eman 1 a scoge concientemente pa no solamente hala faha mara, sino pa di biaha embarca riba reactiva nos economia. E ultimo aki a sosode entre otro cu renovacion urbano, y e programa di embeyecimento di bario “BoAruba”, cu na mes momento a eleva e calidad di bida pa cada ciudadano riba nos pais, dunando tambe un impuhe na nos producto turistico. Cu Aruba su posicion excelente como Green Gateway entre

 


to Top

 

mission2

 

Europa y America Latino, un fundeshi solido a keda estableci pa un pilar economico nobo, cu tin cu percura pa un incremento substancial di oportunidad pa empleo.

E Gabinete den e mesun rosea a introduci reformenan drastico pa sigura e sistema social pa futuro, cu tabata bou presion grandi. Gabinete Mike Eman-1 a engrandece e compromiso di su partnernan social, sindicato y dunadornan di trabou, como tambe organisacionnan comunitario. E lasonan di comprension cu e institutonan di supervision y control, a mehora. E relacion cu e otro paisnan den Reino y cu otro actornan cu ta importante pa desaroyo di Aruba, tambe a keda reinstitui.

Hopi atencion a wordo duna den e periodo di gobernacion aki sin perhudica e forsa di compra pa haci finansa publico manehabel atrobe. Pa haci e pais financieramente saludabel un bes mas, mester a baha e preshon riba e presupuesto di gobierno
pa loke ta e debe nacional. Tambe a tuma pasonan importante pa mehoracion di seguridad, salubridad, enseñansa, cuido hubenil y di nos grandinan. Cabinete Mike Eman-I a haci loke AVP a priminti e votador den 2009. Pa tur e motibonan aki, Aruba
awe ta mucho mas miho para cu cuatro aña pasa. Sinembargo, e trabou no ta cla ainda. Pesey nos lema: Bon trabou, ainda falta!

Den eleccion di 27 di september nos ta haci nos mes e pregunta: nos ta bay para keto un rato, of kisas asta haci un paso atras of nos ta sigui cu e lucha y sigui desaroya nos dushi Aruba? Ta na e votador pa dicidi si den e añanan nos dilanti, nos
ta bay cosecha e fruto di e maneho di recuperacion y reforme. AVP un bes mas ta pone e lata halto, mescos cu cuatro aña pasa, manera por deduci di e programa di campaña aki, pa por sigui construi

riba e fundeshi solido cu nos a pone den e periodo di gobernacion actual. E tema central den e periodo nos dilanti ta pa AVP: sostenibilidad den tur cos cu nos haci. E añanan venidero, AVP lo entama un desaroyo sostenibel di economia Arubano, unda incremento di prosperidad den grado importante ta wordo converti den bienestar pa cada Arubiano. Tur esaki mester wordo realisa dentro di un cuadro financiero sostenibel. Crecemento economico duradero lo wordo realisa dor di:

  • Continua cu turismo di calidad. Un nivel di calidad mas halto, y di e forma aki un rendimento mas halto pa cada bishitante;
  • E accento ta keda riba amplia y reforsa nos economia dor di sigui concretisa e concepto Green Gateway; aloca un Green Zone na Eagle, e zona franca ta muda bay Barcadera y ta bin un Special Zone na San Nicolas
  • E programa “BoAruba” ta drenta su di dos fase di cual proyectonan grandi di infrastructura, manera entre otro: drecha caretera, construccion di un waf pa container etc., ta parti di dje
  • E cambio di combustibel fosil caro y dañino pa medio-ambiente pa energia limpi y renobabel, ta sigui su curso. Pa cu esaki ta inicia cu construccion di un di dos parke di molina di biento, ta caba di construi e parke di panelnan solar na aeropuerto, y ta continua cu e proyecto di haci uso di awa di lama pa refrigeracion
  • Eleva e bienestar di cada ciudadano ta haya tur atencion den e periodo nos dilanti
  • Ta ehecuta programanan existente pa mehora seguridad, salubridad publico, enseñansa, maneho di cultura y otro proyectonan social-comunitario

 


to Top

 

mission3

Pa loke ta trata gobierno, AVP ta sali di e punto di bista di un cuadro financiero firme, dirigi riba realisacion di un presupuesto balansa:

  • E deficit presupuestal ta bay bek pa cero den 2016 pa despues – pa prome biaha den existencia di pais Aruba – e debe nacional por wordo reduci gradualmente y tur placa cu los dor di esaki, ta wordo inverti bek den nos pueblo
  • Pa garantisa un maneho financiero saludabel riba termino largo, e necesidad pa tin un presupuesto balansa, lo wordo hancra den ley
  • Relaciona cu esaki tambe, e reforme di e Sistema di Seguridad Social ta wordo finalisa, y modifica pa ta firme pa futuro, conforme palabracion den Dialogo Social
  • Ademas, e aparato gubernamental ta wordo structura y utiya pa eleva calidad di servicio na pueblo y comercio y na mes momento, reduci gasto.

Na momento di ehecuta e programa ambicioso aki, e principionan fundamental ya menciona di Partido AVP, ta conta como guia. Danki na dedicacion di hopi, Aruba awe ta den un posicion glorioso pa realisa e imagen ideal pa trece un comunidad sostenibel den tur su aspectonan, mas cerca. E ultimo 4 añanan, gobierno di AVP bou guia di Prome Minister Mike Eman, a traha cu alma y curpa cu hamas a mengua, cu dedicacion y integridad, pa drecha Aruba y pon’e unda e ta awe. Aruba awor ta bon para atrobe. Pesey nos lema ‘Bon Trabou’ ta asina na su lugar. No obstante cu nos a registra un adelanto enorme, ainda e trabou no a caba; pesey nos ta bisa den nos lema di campaña:

‘Ainda Falta’.

8b

 


to Top

 

vision1

vision

1.1 E principionan fundamental di AVP
Fe den e forsa di Aruba; esey ta un punto di salida importante den e vision di AVP. Cu hopi cuidou y inteligentemente, haciendo uso di e rikesanan material y inmaterial di nos isla, cu ta strategicamente situa dilanti costa di Latino America, Aruba, yen di confiansa, por tuma futuro den su propio man. Ta e fe den loke nos mes por, ta locual a hiba Aruba na tanto exito asina, entre otro como destinacion turistico importante. Ta cu e mesun fe aki, AVP kier sigui construi na un miho futuro pa tur hende na Aruba.

AVP ta manifesta den su programa di campaña un bes mas un vision positivo pa e periodo di gobernacion nos dilanti, basa riba principionan fundamental di partido.

  • Responsabilidad comparti: Desaroyo ta luci miho si tur hende por carga responsabilidad pa nan mes y pa nan prohimo y di tal forma, crea espacio pa haci nan propio escogencianan, unda gobierno ta limita su mes na su tareanan esencial
  • Derecho publico: Un gobierno honesto mester por ofrece cada ciudadano, a base di balornan fiho, e seguridad di estado di derecho y delinea limitenan transparente
  • Solidaridad: Ta pidi participacion entre generacionnan y entre pober y rico, como tambe un maneho di entrada husto y consistente unda e schoudernan di mas fuerte ta carga e gastonan di mas pisa, unda capacidad di carga den nos hogarnan ta sirbi como punto di salida
  • Pater Familias: Solamente si nos cuida e medio-ambiente confia na nos, manera un berdadero Tata di famia (lesa: responsabel), pues nos naturalesa y tur cos rond di nos, nos por percura pa bienestar sostenibel, tambe pa generacionnan cu ta bin

1.2 Sostenibilidad y solidaridad
AVP ta convenci cu nos tin cu trata nos isla cu masha cuidou. Den tur cos cu nos pensa, dicidi y finalmente ehecuta, nos tin cu haci escogencianan conciente. Sostenibilidad ta conduci na mas calidad, mas union social, mas participacion di ciudadano den comunidad pa consecuentemente yega na un miho Aruba. Sostenibilidad ta conduci tambe na un Aruba unda bishitantenan di afo ta yega cu placer pa gosa di un vacasion di calidad y tambe un Aruba unda, of for di unda empresanan internacional kier haci negoshi. Sostenibilidad ta stimula progreso economico di Aruba, su prosperidad y bienestar.

Den añanan venidero, Aruba ta bay piki e frutonan di e inversionnan cu e Gabinete mes a efectua, of a duna inicio na nan den e ultimo 4 añanan. Den e vision di AVP, e prosperidad nobo cu ta resultado di esey ta wordo converti den bienestar pa cada ciudadano. Dor di reformenan bon pensa, y invirtiendo den un gran cantidad di proyecto riba e isla, AVP a saca Aruba for di un crisis profundo.

Colabora ta e palabra clave aki: Colabora cu otro manera den ultimo añanan a sosode exitosamente den Dialogo Social, pero tambe cu nos partnernan den Reino y pafo di esaki.

Solidaridad y union ta haci Aruba fuerte. Esey nifica tambe cu AVP semper lo sali na vanguardia di esnan vulnerabel den nos comunidad. Hunto nos ta responsabel pa nos futuro. Esey tambe ta e motibo cu nos semper ta en busca di un plataforma hancho – entre otro den e Dialogo Social- pa decisionnan cu tin un impacto social grandi.

Pa AVP e resultadonan di e ultimo añanan y e perspectiva cu a crea pa e añanan venidero, ta e prueba cu consulta cu otro, solidaridad y un lucha conhunto pa un miho futuro, ta e condicionnan

 


to Top

vision2

 

primordial pa continua riba e caminda pa un Aruba cu ta un luga (mas) miho ainda pa biba ainda.


1.3 Prosperidad y bienestar pa tur ciudadano mediante smart growth
Den e vision di AVP, mester expande Aruba den e siguiente 4 añanan di un manera sostenibel, no solamente pa yega na un di e destinacionnan turistico di mas atractivo na mundo, pero tambe pa haci Aruba un gateway comercial for di y pa e continente di Latino America. Cu conocemento di Europa como Latino America y specialisacion riba tereno di sostenibilidad en general y en especial energia sostenibel, AVP kier atrae empresanan nobo pa Aruba y asina crea 1.800 empleo nobo den e periodo te cu 2020. Esaki lo percura pa un crecemento ingenioso di nos economia (Smart Growth). Finalmente den e vision di partido AVP, e prosperidad nobo cu ta resulta for di e actividad nobonan aki, mester wordo converti den bienestar pa cada ciudadano.

bontrabouw1.4

 


to Top

 

bontrabou

bontrabouu

2.1 E herencia
E periodo di gobernacion tras di lomba bou Gabinete Mike Eman-1, den hopi aspecto, tabata un inversion den futuro di Aruba. Na su inicio e Gabinete a keda confronta cu efectonan enorme di e crisis mundial cu a dal Aruba hopi duro y e pobreza cu a tuma luga den e periodo 2001-2009. E cantidad di empleado den servicio di gobierno a incrementa den e periodo aki cu mas cu 30%. E primanan di penshiun pa funcionarionan publico y

bontrabouw1.1

e gastonan consumptivo– entre otro na gastonan di huur extra di edificio, propiedad di famianan di e gobernantenan – di gobierno, a sali completamente for di man. Banda di esaki, e gobierno di e tempo ey a laga e debenan di interes te na 2001 subicu AWG. 76 miyon pa aña. Placa cu no a wordo inverti den enseñansa, cuido, seguridad, ambiente social ni den infrastructura, di forma cu riba e erenonan ey a surgi retrasonan grandi.

Un cantidad di partner strategico den sector di petroleo y turismo, a perde confiansa den Aruba cu perdida di trabou como consecuencia.

Na 2009-2010 economia a cay den otro cu mas cu 15%. Entrada di gobierno for di belasting a baha cu casi 30% y un buraco financiero enorme a surgi exactamente na momento cu economia tabata den mal estado caba. E consecuencianan di esey por wordo sinti, te dia di awe.

E deficit presupuestal a desemboca na 2010 te -9.5% den comparacion cu e BBP1. De facto, e deficit structural tabata mucho mas grandi. Ta asina cu e gobiernonan anterior a scoge concientemente pa no para e deficiencia cu tabata menasa penshiun di ambtenaar y e penshiun di biehes di nos grandinan. E gobierno di AVP, ora nan a sinta dia 31 di october 2009, a scoge concientemente pa no busca e solucion den hisa belasting, sino pa structuralmente limita gastonan di gobierno y na mes momento stimula nos economia.

 

bontrabouw1.3

 


to Top

 

bontrabou2


2.2 Maneho di crisis y construccion: Scoge pa confiansa di nos mes forsa
Den su maneho di crisis, gobierno na 2009 a utilisa dos posibilidad fundamental: Of dirigi riba sanea finansa di gobierno pa medio di hala faha mara y hisa belasting manera ta haci na Hulanda; of busca e balansa entre stimula crecemento di economia y gradualmente baha e deficit presupuestario dor di limita gasto y bin cu reformenan structural. Aruba, den su 27 aña di existencia semper por a crece economicamente. Ora di contratiempo, semper e isla a recupera. Esey ta inculca confiansa den loke nos mes por. Basa riba e confiansa ey, AVP a scoge concientemente pa busca e balansa entre stimula crecemento y limita gasto.

Gabinete di AVP bou liderazgo di Mike Eman, a dirigi su mes despues cu el a sinta, na prome luga pa haci e efectonan di e crisis, manehabel. Pa no laga e isla cay completo, tabata necesario pa mantene e forsa di compra local na bida, y unda tabata posibel, drecha esaki pa esnan mas vulnerabel den nos comunidad. Di biaha Gobierno a corta BBO na mita, a hisa onderstand y a introduci compensacion pa muchanan di scol.

Banda di esey tabata imperativo pa den futuro, restaura e confiansa bou nos ciudadano y empresarionan. E Gabinete a logra convence Valero pa habri e refineria atrobe y cu sosten di Reino, companianan manera KLM, American Airlines y Carnival Cruiselines, a bolbe Aruba bek.

Ademas, e Gabinete a drecha e relacion cu institutonan di supervision importante cu ta garantisa democracia, manera Controlaria General di Aruba [Algemene Rekenkamer van Aruba], Raad van Advies, Banco Central di Aruba y Ministerio Publico. E institutonan aki a aporta di forma positivo na diferente proceso den e periodo

cu a pasa. Tambe Parlamento di Aruba a bay cu pasonan grandi padilanti, specialmente den comunicacion cu pueblo.

Finalmente na 2011, Valero a para tur actividad di refineria despues cu un buskeda den cooperacion estrecho cu Gobierno di Aruba pa haya un posibel partner of cumprado, no a duna fruto. Afortunadamente, gobierno si por a logra sigura e actividadnan di transborde pa Aruba. Den futuro cercano, Valero lo tuma un decision riba kico ta bay pasa cu e refineria. Esaki ainda por ta benta, reapertura of un interpretacion nobo di actividad riba e tereno na San Nicolas. AVP ta di opinion cu den tur caso mester keda traha estrechamente cu Valero, pa defende interes di Aruba optimalmente.


2.3. Reformenan structural dor di Dialogo Social
Pa por pone ordo atrobe den administracion di gobierno, tabata necesario pa introduci cierto cantidad di reforme structural importante. Gabinete Mike Eman-1 a logra cera un Acuerdo Social historico cu dunadornan di trabou y empleadonan, den cual un gran cantidad di palabracion a keda hancra pa e añanan venidero. Crucial den esaki tabata e echo cu Gabinete Mike Eman-1 mes a duna e bon ehempel dor di corta grandemente den nan mes penshiun como politico.

E pakete total di palabracion a encera incorporacion entre otro di e sistema di penshiun di ambtenaar cu a cambia di un “salario final” pa un sistema di “salario promedio”, e edad di penshiun cu a hisa, como tambe un franchise den edad di biehes. AOV –penshiun di biehes- a wordo individualisa, e basico di “zuiver” (entrada final) a cambia pa “onzuiver” (entrada bruto) y a hisa e limite di e prima. Ademas, e prima di AZV a subi y palabracionnan a keda haci pa baha e gastonan operacional di AZV.


to Top

 

bontrabou3

Seguidamente, como compensacion di e perdida di forsa di compra den e periode prome cu 2010, a introduci un suplemento di recuperacion. Tambe e posicion huridico di ambtenaarnan a keda honra y e perdida di forsa di compra, compensa. Pa mehora e clima di inversion aki na Aruba, e deduccion di inversion pa comercio, a keda re-introduci. Finalmente a establece un base den e Dialogo Social, pa un refuerso considerabel di e sistema di seguridad social manera e – unico den e region aki – introduccion di Penshiun General dia 1 di januari 2012


2.4. AVP ta inverti den futuro di Aruba
Banda e restriccion den gastonan di gobierno, AVP a pone como meta tambe pa stimula nos economia y na mes momento mehora e ambiente di bida di tur ciudadano, di forma cu e calidad di e producto turistico Aruba, haya un impulso nobo tambe. Esaki a sosode mediante un programa di inversion riba escala grandi – yama “BoAruba” – den renobacion urbano y embeyecimento di Bario, poniendo e base asina pa un pilar economico nobo, basa riba entre otro tecnologia berde y conocemento.


2.5 Programa BoAruba: Renobacion Centro di Ciudad y Embeyecimento di Bario
Riba 24 di december 2012, e tram nobo a core pa prome biaha dor di Caya Grandi renoba, e caya historicamente conoci como e “caya di compra” mas importante na Oranjestad. Entrega di e proyecto di tram ta para como simbolo di hopi proyecto den cuadro di e programa di renobacion urbano y embeyecimento di bario “Bo Aruba”, cu ta canando keto bai. E tram ta hunga un rol importante den mehora mobilidad den centro di ciudad y pa hiba nos turistanan crucero di e terminal pa curason di Playa. Florida Caribbean Cruise Association a anuncia cu e embeyecimento di centro di ciudad na 2013, a conduci cu nan a bin

bontrabou4

cu 140.000 extra turista crucero pa Aruba.

E programa “BoAruba” di un banda tin como meta pa trece Aruba fisicamente bek riba e nivel desea despues di un periodo largo di inversionnan di mantencion y profundidad y di otro banda pa duna un empuhe fuerte na nos economia local. Centro di ciudad di Oranjestad y San Nicolas ta haya un facelift drastico y den un gran cantidad di bario, ta bin cu renobacionnan na infrastructura y facilidadnan di bario.

E programa ta encera tambe construccion di un ‘green corridor’ entre Oranjestad y San Nicolas, un ringweg rond di Oranjestad, construccionnan nobo den y rond e centro historico, construccion di parkenan, muda waf di container y e renobacion y restauracion di edificionan existente. Pero “BoAruba” no ta drei solamente rond di construi y renoba; su meta sigur ta pa haci nos barionan mas agradabel pa biba, pa expande y mehora tratamento di desperdicio y eficiencia den reduci


to Top

bontrabou5

 

gasto di awa y coriente. Den barionan manera Madiki, Yuana Morto, Jara, Brazil, Primavera y Siribana, no solamente e careteranan a keda drecha, pero tambe a pone hopi atencion na calidad di bida den comunidad. Den total ta trata di un inversion di un Afl. 1.3 biyon. Di esaki solamente mas o menos Afl. 100 miyon ta financia for di e presupuesto di Pais Aruba. Mayoria parti ta wordo paga for di fondonan di FDA y dor di Public Private Partnerships (PPP) manera ta den caso di e careteranan. Cu e inversion aki den renobacion di e producto Aruba, gobierno di AVP a pone un fundeshi firme pa un futuro nobo y miho pa tur hende.


2.6 Turismo: Motor di nos economia
Den añanan anterior caba, AVP a expresa su intencion pa bin cu turismo di calidad na luga di traha mas camber. Construccion di hotelnan nobo, ta solamente permiti ora dicho proyecto, realmente tin un balor adicional pa nos isla. Mas camber di hotel di balor standard, ta duna menos resultado pa e comunidad Arubano cu locual ta costa pa bin cu infrastructura, scol y salubridad.

Pa medio di un maneho consistente, dirigi tanto riba termino corto – benta y accionnan di mercadeo – como di termino largo – inverti den producto di calidad- a yega di cosecha exitonan importante den colaboracion cu e sector y a pone un base solido pa un desaroyo positivo di nos turismo pa futuro. Independisacion di Aruba Tourism Authority (ATA-SG) tabata esencial den esaki. Compara cu 2009, den 2012 e cantidad di turista cu ta hospeda, a incrementa cu 11%, e ‘tourism receipts’ cu 15%, e grado di ocupacion cu 9%, e prijs di camber promedio pa dia (ADR) cu 13% y e volumen di benta pa camber disponibel (RevPAR) cu 24%. Specialmente e ultimo cifra aki ta indica cu e esfuerso di e gobierno di AVP riba turismo di

calidad, pues no mas camber pero un rendimento mas halto pa camber, a duna su frutonan.

Dia prome di september 2010 a keda estableci e Tourism Product Enhancement Fund (TPEF) cu tin como meta pa inverti den proyectonan turistico pa eleva experencia di nos bishitantenan. Te cu december 31 2012, TPEF a inverti casi Afl. 9 miyon den proyectonan pa mehora e producto riba tereno di seguridad, higiena, medio-ambiente, patrimonio cultural, infrastructura y informacion.

Tambe e maneho riba turismo crucero tabata tremendo exitoso. Na 2013 ta spera un incremento di 20% di e cantidad di turista crucero, compara cu 2012.


2.7 Un gobierno pa Arubiano
Den e ultimo cuatro añanan, AVP a para fuertemente pa interes di pueblo. Si tabata trata di facilidadnan social manera suplemento di reparacion, extra placa pa scol, extra suplemento pa nos grandinan; tocante busca un plataforma cerca pueblo pa introduccion di cambionan drastico pa medio di Dialogo Social; tocante adaptacion di seguridad social pagabel den futuro, cuminsando cu e reglamentonan di penshiun pa gobernante of tocante comunicacion directo cu e ciudadano individual, AVP semper ta scoge pa interes di pueblo na luga di interes di famia y amigo.

E gobierno di AVP a busca contacto constantemente cu e hendenan den casi tur bario aki na Aruba. Cu regularidad a tene anochinan di informacion pa topa cu pueblo, cu tabata hopi bon atendi, e asina yama “Townhall-Meetings” na diferente luga y tur caminda riba nos isla. Banda di esey, den e periodo di 2009 – 2013 semper tabata posibel pa haya un cita cu un di nos
gobernantenan.


to Top

 

5

 

Consulta cu e partnernan social den e Dialogo Social, pa awor ta bon conoci den nos comunidad. Buscando un concensus pa medio di deliberacion, a preveni hopi intrankilidad social den e periodo di 2009-2013.

Gabinete Mike Eman-1 den e proceso aki semper a duna e bon ehempel. Pa cuminsa nan mes a reduci nan propio reglamento di penshiun, prome cu el a pidi algo semehante na su ambtenaarnan. Den e periodo cu ta bin, si AVP bolbe sinta como gobierno, e maneho aki lo wordo continua.


2.8 Perspectiva Nobo pa Reino
AVP semper a kere den e balor agrega di nos miembrecia den Reino Hulandes. Ademas di e relacionnan historico cu Hulanda, y e otro islanan y e relacion cu Cas Real, AVP ta considera e seguridad hudicial, e proteccion internacional y e sosten eventual den tempo di calamidad,como cosnan grandi. E partido semper a lucha exitosamente pa mentene e lasonan den Reino Hulandes, entre otro dor di a logra revoca e scenario di independencia.

E relacion entre Aruba y Hulanda den e periodo te cu 2009 tabata tremendamente malo. Den otro partinan den Reino – no na ultimo luga Hulanda mes – abiertamente tabata duda den existencia di Reino. AVP a haci tur su esfuerso den e ultimo cuatro añanan pa crea un perspectiva nobo pa Reino Hulandes di modo cu nos miembrecia ta ofrece un balor agrega na cada un di e otro paisnan pa medio di colaboracion. E posibilidadnan pa yega na esey ta innumerabel y ta bay bek na e origin di e laso entre Hulanda y e islanan den Caribe: nos posicion dilanti e continente di Latino America. E posicion strategico aki nunca no a cambia; su importancia den ultimo añanan, a incrementa solamente dor di e desaroyonan democratico y economico den Latino America. Ta e mensahe

aki cu AVP a bin ta anuncia exitosamente den e ultimo cuatro añanan, cu a resulta entre otro den un acuerdo di cooperacion entre Aruba y Hulanda pa hunto, desaroya un gateway economico entre Europa y America Latino.


2.9 Economia berde: pa un pilar economico nobo
Durante e conferencia di Rio+20 den juni 2012, e gobierno a anuncia pa yega na un suministracion di energia 100% sostenibel na Aruba, no mas tarda cu na 2020. Cu e combinacion di 2.500 ora di solo y 5.000 ora di biento, Aruba ta e ambiente ideal pa uso di tecnologia berde na beneficio di necesidad di coriente y awa. E Gabinete a desaroya un plan ambicioso pa haci e suministro di energia na Aruba sostenibel y pa desacopla produccion di coriente di e prijs halto di combustibel dor di traha entre otro un di dos parke di molina di biento (2014), un proyecto waste-to-energy (2014) y un proyecto di refrigeracion pa medio di awa di lama (2015). Ademas, ta studia aplicacion di tecnologianan manera almanesa coriente, genera energia geotermico (mediante calor di mundo) y uso di biodiesel.

Dor di un plan di transicion ambicioso, yegada di TNO riba nos isla y organisacion di e conocido “Green Aruba International Conference”, como tambe e prome conferencia “Europe meets the Americas”, nomber di Aruba na e momentonan aki, ta haciendo fama den Europa como den Latino America, di ta un isla berde. Investigacion y estudio conduci pa oficina di Ernst & Young, a mustra cu den e economianan cu ta creciendo rapido den Latino America, tin interes enorme pa solucionnan sostenibel pa procesonan di produccion, specialmente den agricultura y mineria, construccion di caretera, puertonan maritimo como aereo y den expansion di sector turistico.


to Top

 

6

 

Aruba kier, como parti di e pilar economico nobo, bira e ‘show-case pa sostenibilidad’ den region. Den cooperacion cu Hulanda, gobierno di AVP, a desaroya plannan pa posiciona Aruba internacionalmente como ‘green gateway’, un pia den porta di Latino America, basa riba tecnologia sostenibel y conocemento.


2.10 Aruba ta bon para atrobe
Aruba ta bon para atrobe y na caminda pa un nivel di prosperidad y bienestar mas halto riba termino na medio plazo. Un sector turistico cu den e crisis economico mundial, a sa di demostra su forsa, acopla na actividadnan economico nobo, dirigi riba Latino America y demas inversion den economia di Aruba, lo percura den e añanan nos dilanti, pa prosperidad nobo. Pa e motibonan aki, AVP ta desea di continua firmemente cu e maneho manera e Gabinete a eherce den e periodo di gobernacion cu ta tras di lomba. Un maneho cu a keda caracterisa pa desaroyo economico sensato y sostenibel (Smart Growth) y un maneho financiero solido di gobierno.

7

to Top

 

8


2.11 Resultadonan importante 4 aña AVP

1. Controla e crisis y trece confiansa bek

  • 1.1 Baha BBO
  • 1.2 Reparatietoeslag
  • 1.3 Subi Onderstand
  • 1.4 Aumenta salario minimo
  • 1.5 Trece bek KLM, Carnival Cruise Lines, American Airlines y reapertura di Valero
  • 1.6 Recupera bon relacion dentro di Reino y crea un perspectiva nobo pa Reino-balor agrega pa tur hende
  • 1.7 Buskeda intensivo pa posibel candidato pa tuma over Valero Aruba. Esaki tabatin como resultado cu e refineria a keda habri hopi mas largo y 600 yiu di tera a keda na trabou.
  • 1.4 Aumenta salario minimo
  • 1.4 Aumenta salario minimo
  • 1.4 Aumenta salario minimo

2. Durabilidad di Finansa Publico

  • 2.1 Baha e deficit den presupuesto di gobierno cu 30%
  • 2.2 Restructura Seguridad Social
  • 2.2.1 Crea plataforma pa cambio dor di introduci Dialogo Social
  • 2.2.2 Renobacion sistema di penshiun pa gobernantenan
  • 2.2.3 Renobacion sistema di penshiun pa ambtenaarnan
  • 2.2.4 Introduccion di Ley pa Seguro General
  • 2.2.5 Renobacion di penshiun di biehes/ AOV
  • 2.2.6 Supervision den AZV
  • 2.2.7 Corta den deduccion di hipoteca
  • 2.2.8 Introduci medidanan inspirador pa fiscus manera Zona Special, modernisa Zona Franca y restructura e regimen di IPC
  • 2.2.9 Introduccion regulacion pa Ex-pats
  • 2.2.10 Consulta bilateral cu Hulanda en cuanto regulacion nobo di Impuesto den Reino
  • 2.2.11 Convence Hulanda pa participa den refinanciamento di nos debe nacional na interes faborabel
  • 2.2.12 Clasificacion di Pais Aruba ta keda manteni den temponan sumamente dificil, mientras paisnan grandi manera USA, Francia, Spaña, Portugal, Italia, a keda devalua /li>
  • 2.2.13 Recupera retrasonan den Raportnan Financiero di Pais Aruba
  • 2.2.14 Logra prestamonan for di exterior.

3. Inverti den producto Aruba; na mes momento stimula nos economia

  • 3.1 Programanan grandisimo pa Renobacion Urbano y Embeyecemento di bario cu entre otro:
  • 3.1.1 Restauracion y expansion di edificio di corte
  • 3.1.2 Renobacion completo di Caya Grandi y adkision di un tram pa Oranjestad
  • 3.1.3 Renobacion centro di San Nicolas
  • 3.1.4 Construccion di Lineair Park
  • 3.1.5 Construccion di Bestuurskantoor nobo y renobacion di esun bieu
  • 3.1.6 Restauracion di e Watertorennan den Oranjestad y San Nicolas
  • 3.1.7 Construccion “Dr. Edward Cheung Center of Innovation”
  • 3.1.8 Restauracion di hopi scol
  • 3.1.9 Construccion di un cantidad grandi di rotonde: aeropuerto, Banco di Caribe etc
  • 3.1.10 Restauracion di gran cantidad di bario: Madiki, Juana Morto, y mas bario den Sanicolas
  • 3.1.11 Instala luz pa canchanan deportivo den diferente bario
  • 3.1.12 Kita modelo Suiso

to Top

 

4. Aumento turismo

  • 4.1 Aumento di turismo “stay-over” cu 11%
  • 4.2 Entrada mas halto pa turista
  • 4.3 Aumento enorme turista crucero
  • 4.4 Aumenta entrada pa camber cu 24%
  • 4.5 Aumento den mercadonan na Latino America
  • 4.6 Belasting riba promocion di Turismo
  • 4.7 Aumento prijs promedio pa camber cu 13%
  • 4.8 Aumento porcentahe di ocupacion cu 9%
  • 4.9 ATA sui Generis
  • 4.10 Crea fondo di reserva pa temponan di crisis
  • 4.11 Fondo pa Eleva Turismo pa mehoracion di seguridad, higiena, patrimonio cultural, infrastructura y informacion
  • 4.12 Mehoracion Airlift
  • 4.13 Linear Park, Coredo na Paradera

5. Sostenibilidad di salubridad di pueblo

  • 5.1 Prevencion: enfoke activo riba Obesitas
  • 5.2 Organisa Pan American
  • 5.3 Conference riba Obesitas (PACO)
  • 5.4 Inicia expansion y renovacion Hospital Dr. H. Oduber

6. Agenda di Energia Berde

    6.1 Reduci ‘Cost of Living’

  • 6.1.1 Reduccion structural di e tarifanan di coriente y awa
  • 6.1.2 Inicia proyecto LNG pa WEB
  • 6.2 Apertura Parke di Molina di Biento na Vader Piet
  • 6.3 Establece construccion di un di dos parke di molina
  • 6.4 Apertura Solar Parking AAA
  • 6.5 Smart Community

7. Pone Base pa actividad economico nobo

    7.1 TNO ta habri oficina na Aruba

  • 7.2 Desaroya y organisa Conferencia Berde
  • 7.3 Desaroya y organisa e conferencia “Europe Meets the Americas” den colaboracion cu Hulanda
  • 7.4 Desaroyo di e di 3 pilar economico: Green Gateway pa y di Latino America

8. Desaroyo Gubernamental

  • 8.1 Gobierno a yega mas cerca di pueblo:
  • 8.1.1 Dialogo Social
  • 8.1.2 Town-Hall meetings
  • 8.2 Responsabilidad y reportahe financiero mehora considerabelmente
  • 8.3 Investigacion di WODC
  • 8.4 TIOS task force
9. Enseñansa

  • 9.1 Drecha un gran cantidad di scol, e.o. Maria Mavo College, La Salle College, Dominicus College, Abraham de Veerschool, Colegio
  • Cristo Rey, John Wesley College, Scol Basico Mon Plaisir, Juliana Mavo, Scol Basico Washington
  • 9.2 Cuminsa construccion di Havo VWO na Nort
  • 9.3 Facilidad pa Investigacion y Estudio pa energia solar pa EPI
  • 9.4 Mehora resultadonan di examen den enseñansa secundario poniendo atencion special riba base individual pa studiantenan
  • 9.5 Stimula pa actornan importante; (departamento di Enseñansa, Inspeccion di Enseñansa, Directivanan di Scol) bolbe tuma Enseñansa bou nan encargo.
  • 9.6 Aumenta motivacion di docentenan
  • 9.7 Mehora e conexion entre e diferente tiponan di enseñansa
  • 9.8 Introduci proyecto: ‘Scol Multi-lingual’
  • 9.9 Constitui e centro Multidisciplinair Centrum (MDC) pa sosten sicologico, didactico y optico y duna guia den enseñansa preparatorio y basico
  • 9.10 Acceso na enseñansa pa medio di proyecto ‘Middag Mavo’ y ‘Havo Trayecto Largo’
  • 9.11 Introduccion di Formacion Social pa hoben

10. Seguridad & Husticia

  • 10.1 Refuerso di organisacion interno di e cadena huridico completo
  • 10.2 Compilacion maneho hubenil integral
  • 10.3 A introduci Codigo Civil nobo
  • 10.4 Reforme Corte di Husticia Comun
  • 10.5 Solucion pa falta di personal na Ministerio Publico
  • 10.6 Aplicacionnan di contenido den KIA implementa
  • 10.7 Cuido Detenido mehora poniendo resocialisacion central
  • 10.8 Listramento preventivo como medio contra narcotrafico, a keda introduci
  • 10.9 Procedura skerpi pa otorgamento di permiso pa arma

11. Asuntonan Social

  • 11.1 Ley riba calidad di cuido pre-escolar
  • 11.2 Revision di ley di asistencia social; [bijstand]
  • 11.3 Introduccion penshiun trahadonan di SABA
  • 11.4 Introduccion 24 ora cuido di esnan menosbalido
  • 11.5 Aumento ayudo financiero asistencia mucha di scol
  • 11.6 Aumento ayudo financiero pa esnan menosbalido cu Afl. 100,-
  • 11.7 Renobacion di Imeldahof
  • 11.8 Conferencia prevencion maltrato/abuso di mucha. Dia internacional Derechonan di Mucha
  • 11.9 Investigacion UNICEF riba situacion muchanan na Aruba

to Top

 

  • 11.10 Funda Plataforma demencia
  • 11.11 Ehecuta recomendacion tratado pa
  • proteccion di mucha
  • 11.12 Programa mama teenager
  • 11.13 Programa Mayornan
  • 11.14 Programa Bon nochi, drumi dushi
  • 11.15 Renobacion Maris Stella, renoba vivienda di apoyo [aanleunwoning] y apertura Centro di Cuido
  • 11.16 Rechtspositie personeel SVGA
  • 11.17 Posicion huridico personal SVGA
  • 11.18 Celebracion Dia Internacional di Hende Muhe
  • 11.19 Weekendopenstelling Imeldahof
  • 11.20 Sondeo Autoestima
  • 11.21 Ayudante Alpha (hende grandi)
  • 11.22 Mi Ruman Grandi
  • 11.23 Apoyo y expansion Financiero personal NGO-nan
  • 11.24 Apoyo Educacional Team di Prevencion
  • 11.25 SoZA

12. Transporte

  • 12.1 Sosten pa administracion maritimo mediante Proyecto Twinning, den cooperacion cu Ministerio Hulandes pa Infrastructura y Medio Ambiente
  • 12.2 Compra di 15 bus grandi y 16 bus chikito
  • 12.3 Barionan social incorpora den trayecto di bus
  • 12.4 Intensifica Supervision riba cumplimento di ley y reglamento pa titularnan di permiso di taxi dor di firma protocol cu centralnan di taxi
  • 12.5 Desaroyo “masterplan ‘Mehoracion Transporte Publico’

13. Labor

  • 13.1 Funda DPL
  • 13.2 Introduccion ordenansa nacional na nivel di ehecucion administrativo riba regulacion laboral
  • 13.3 Introduccion ordenansa nacional pa ora pone empleado na disponibilidad di gobierno

14. Cultura

  • 14.1 Seminar Happy Community riba relacionnan duradero den nos comunidad y participacion di ciudadano
  • 14.2 Contacto cultural
  • 14.3 Expedicion Rescate
  • 14.4 Sosten na diferente festivalnan cultural:
  • 14.5 Carubean Festival
  • 14.6 Filmfestival
  • 14.7 Aruba Jazz Festival
  • 14.8 Soul Beach Festival
  • 14.9 Pianofestival
  • 14.10 Protocol di Colaboracion entre Aruba, Boneiro y Corsou riba tereno di cultura
  • 14.11 Proyecto di colaboracion cu hubentud Hulandes “Gang di Arte”
  • 14.12 Introduccion di shoco como simbolo nacional
  • 14.13 2013 aña di Papiamento
  • 14.14 Organisa y facilita diferente exposicion cultural na Hulanda, Washington y Aruba
  • 14.15 Introduccion di un premio di cultura “Padu” cu ta wordo entrega dos bes pa aña
  • 14.16 Renoba Plaza Betico Croes; dak, podium etc.
  • 14.17 Publicacion di 6 buki den cuadro di 25 aña status aparte
  • 14.18 Reforme Parke Nacional Arikok, proyecto junior park rangers
  • 14.19 Miembrecia UNESCO
  • 14.20 Coloca cierto partinan di Aruba riba lista di patrimonio mundial
  • 14.21 Celebracion Dia di Paz
  • 14.22 Proyectonan pa stimula lesamento na scol
  • 14.23 Apertura museo na San Nicolas
  • 14.24 Renobacion Cas di Cultura
  • 14.25 Introduccion beca pa artista
  • 14.26 Introduccion Bon Bini festival Nobo
  • 14.27 Reforme FDEC
  • 14.28 Organisa festividadnan riba dianan special manera Dera Gai.
  • 14.29 Durante vacansi grandi trece arte den bario mediante bus
  • 14.30 Restauracion Fort Zoutman
  • 14.31 Identifica 23 monumento riba nos isla
  • 14.32 Desaroya pakete di les special pa scol riba cuido y mantencion di naturalesa na Aruba
  • 14.33 Colaboracion Rietveld Academie

to Top

 

9

aindafalta

3.1 Confiansa den 2013 -2017
Den e periodo 2009 – 2013, bon trabou a keda realisa pa Gabinete Mike Eman I. E perspectivanan ta positivo, sinembargo, AVP ta bon conciente cu ainda un gran cantidad di reto ta warda nos. Basa riba e confiansa grandi den nos propio forsa, AVP pa e periodo 2013-2017, ta bolbe enfoca riba crecemento economico. Den esaki, partido ta scoge deliberadamente pa sostenibilidad y calidad. Dor di scoge pa turismo di calidad sostenibel y desaroyo di un pilar economico nobo, basa riba tecnologia berde, AVP kier laga e economia di Aruba crece na un manera firme y controla, unda finalmente lo realisa oportunidadnan pa trabou completo. E principionan fundamental pa e maneho di gobierno, manera propone pa AVP pa e periodo di gobernacion 2013-2017, ta:

  • Trata futuro di Aruba di un manera inteligente y duradero
  • Di dos fase di renobacion urbano y embeyecemento di bario den cuadro di e programa “BoAruba”
  • Crecemento cualitativo di turismo
  • Ampliacion y diversificacion di economia
  • Crea e tres zonanan economico: Special Zone San Nicolas, Free Zone Barcadera, Green Zone Eagle
  • Crea sostenibilidad den abastecimento di energia, finansa publico y seguridad social
  • Realisa un impulso di eficiencia dentro di e aparato gubernamental
  • Promove bienestar di Aruba dor di preserva salubridad publico, enseñansa, vivienda, maneho di cultura y medio-ambiente
  • Aumenta seguridad
  • Stimula empresa chikito y mediano/li>

3.2 Sigui inverti den Aruba
Den e cuatro añanan cu ta bin, e di dos fase di e programa di inversion “BoAruba”, ta keda realisa. Hunto cu esaki, entre otro, e problemanan di trafico den y rond di Oranjestad ta keda resolvi (ringweg y garashinan di parkeo).


12

Lo crea un espacio publico den e area unda awor tin e waf di container. E waf mes ta muda pa Barcadera. E conexion nobo cu San Nicolas (green corridor) ta stimula actividadnan nobo economico den San Nicolas (Zona Special). Na Eagle ta bin un Zona Berde, cu meimei, e edificio supermoderno “Green-Aruba”, utiya cu tecnologia inovativo. Green Zone ta reforsa e desaroyo di Green Gateway, e pilar economico nobo. Pa di un banda, preserva e derecho riba vivienda di cada ciudadano y di otro banda, stimula economia den nos pais, AVP ta aloca 4.000 parcela pa construccion di cas den e cuatro añanan nos dilanti.

 


to Top

 

13


3.3 Promove crecemento economico duradero

3.3.1 Continuacion turismo di calidad
Turismo ta y ta sigui keda e motor mas importantedi economia di Aruba. Aruba a conkista un posicion unico riba mercado mundial. E meta ta pa reforsa e posicion aki. AVP ta keda enfoca den e periodo benidero pa completa e transicion pa turismo di calidad. Efecto di e escogencia aki ta, cu den caso di un incremento limita na camber, e rendimento pa cada camber tog ta sigui aumenta, locual a keda practica den e periodo nos tras cu hopi exito. E cambio pa calidad ta bin cu su exigencianan pa e hotelnan, y tambe pa e producto Aruba den su totalidad. Asina ta cu e inversionnan den centro di ciudad di Oranjestad y San Nicolas, ta di suma importancia for di punto di bista turisticoeconomico.

Merca y Europa tradicionalmente, ta mercadonan fuerte pa Aruba. AVP ta para riba e punto di bista cu den e periodo nos dilanti, mercadonan Latino Americano den expansion manera Brasil, Venezuela, Chili, Colombia y Panama, merece un luga halto riba agenda. E mercadonan aki ta relativamente cerca y e Latino Americanonan aki tradicionalmente ta gasta mas cu turistanan di Europa of di Merca.

E conocemento y experencia cu Aruba a construi riba tereno di turismo, por wordo utilisa tambe pafo di nos isla dor di activamente ofrece e knowhow aki na paisnan manera Latino America, unda e sector turistico ta menos desaroya. Esaki ta coincidi cu e vision di AVP pa laga Aruba funciona tambe como un centro di conocemento.

E obhetivonan mas principal pa e maneho di turismo cu mester wordo hiba den e periodo 2013-2017 ta:

  • Reforsa turismo como actividad economico mas importante, cu enfasis riba durabilidad y calidad
  • Garantisa cu e bentahanan economico di turismo no keda limita na sector hotelero so, pero ta na bienestar tambe di henter comunidad y den tur sector comercial
  • Mehora servicio den sector turistico, for di un angulo holistico entre e pueblo profesional
  • Institutonan di enseñansa – dunadornan di trabou den horeca
  • Traha na un nivel halto di servicio y concientisacion
  • Sectornan sutil, manera agricultura, arte y cultura, merece un rol mas prominente y un luga den e portfolio turistico
  • Mas atencion pa crea un conexion entre inovacion y desaroyo di producto pa medio di e.o. promove investigacion
  • San Nicolas ta sigui wordo desaroya pa un ‘Centro di Herencia Cultural’ cu atencion special pa mantencion di e cultura Caribense y participacion di pueblo
  • Implementacion di proyectonan den cuadro di e programa: ‘Mehoracion di Calidad, Playa y Areanan Costal’
  • Pa por vigila e moratorio riba e hotelnan y na mes momento aumenta e bentahanan economico pa comunidad, ta implementa programanan pa stimula inversionnan den “boetiekhotel”, bed & breakfast y otro nichenan

 


to Top

 

  • Mercadeo ta dirigi riba bishitantenan cu un forsa di compra relativamente halto. E nichenan mester wordo diversifica, pa keda den liña cu trendnan internacional, y refresca cu potencialnan nobo riba tereno di por ehempel deporte, cultura, bienestar, eco y generacionnan hoben, banda di e nichnan tradicional manera e MICE (Meetings Incentives Conventions Exhibition) lucrativo
  • Realisa un aumento cualitativo y cuantitativo di turista crucero, particularmente durante e temporada abou, ta para central den e maneho. E maneho hiba for di fin di 2009 lo continua den liñanan grandi, den e periodo 2013-2017 y unda mester, intensiva
  • Señalnan ta indica cu e prestacion riba maneho di turismo crucero, lo mehora dor di e revitalisacion di centro di Oranjestad. E ‘shopping experience’ lo drecha considerabelmente. Tambe e Lineair Park y e tram ta incentiva turistanan crucero pa gasta mas tempo y placa den y rond e centro di Oranjestad
  • Riba tereno di aviacion lo inverti considerabelmente den e periodo di 2013-2017 den expansion di e aeropuerto y becindario cu e meta final pa duna e aeropuerto un ambiente mas agradabel, orienta riba e cliente. Banda di esaki lo sigui traha pa desaroya Aruba den un hub y/of gateway pa y for di Noord-America, Latino America y America Central y e region Caribense

3.3.2 1.800 trabou nobo di calidad halto den e pilar economico nobo

Na 2011 a pone e base pa institui un acuerdo di cooperacion bilateral cu Hulanda pa hunto crea un ‘Green Gateway’ entre Europa y Sur-America pa desaroya un pilar economico nobo. Un gobierno di AVP, lo sigui traha riba e pilar aki den e periodo 2013 te cu 2017, locual den un ehecucion consistente lo crea aproximadamente 1.800 empleo nobo di calidad halto, na 2020.
E Investigacion Strategico, encarga pa Gabinete Mike Eman I na Ernst & Young, pa studia un posibel posicionamento di Aruba den Latino America, a confirma cu tin un demanda grandi pa “solucionnan sostenibel” pa agricultura, mineria, infrastructura manera pa aeropuerto, waf, maneho di awa, logistica y turismo. Pa tal motibo, den e vision di AVP lo mester sigui elabora riba e siguiente puntonan:
a. Sigui duna interpretacion di e rol di Aruba Investment Agency (ARINA) cu sosten di “Nederlands Centrum voor Handelsbevordering”. (Centro  Hulandes pa Promove Comercio);

b. Fortifica e lasonan cu embahadanan di Reino den diferente pais di Latino-America;

c. Conclui tratadonan di intercambio cu mas tanto pais posibel, y unda posibel, cera tratadonan di impuesto cu posibel partnernan comercial;

d. Construi un red di representacion den Union Europeo (Den Haag/Brussel), Merca (Miami) y Latino America (liña San José – Panama – Medellin –  ogota – Manaus – Belem – Recife) 


to Top

 

15

 

e. Traha na un red di informacion comercial pa Europa y Latino America cu sosten di e Centro Hulandes pa Promove Comercio;
f. Construi representacion pa medio di ARINA di gruponan di comercio Europeo cu ta bay direccion Latino America, y di gruponan di companianan Latino Americano direccion pa Europa;
g. Sigui traha riba e concepto ‘one-stop-shop’ pa por duna guia optimal na inversionistanan di afo;
h. Construi y completa Green Zone

Den desaroyo di e Green Gateway, e Green Zone den e area di e rotonde di Eagle, ta bay hunga un papel importante. Rond di e edificio “Green-Aruba”, cu mester wordo construi ainda, cu ta bay ta super moderno, positivo den energia y airecondiciona cu awa friu di lama, den cual mas cu 50 compania green high tech por ricibi alohamento, laboratorionan di investigacion, y oficinanan principal regional por bin establece nan mes den un paisahe exotico.


3.3.3 ‘Maneho di 3- zona’
Pa facilita crecemento di un pilar economico nobo den e periodo 2013 – 2017 y promove prosperidad dor di crea 1.800 funcion nobo, AVP tin un ‘maneho di tres-zona” na bista. Dor di institui tres area cu ta separa di otro dor di nan posicion fisico, combina cu un pakete di estimulo specifico, partido kier atrae tanto empresarionan local como internacional.


3.3.4 Pre-clearance
Den bista di e concepto “Green Gateway”, ta imperativo pa desaroya un facilidad di ‘preclearance’ pa Union Europeo pa persona y carga na aeropuerto, manera ya ta existi caba pa buelonan pa Merca. Na e momentonan aki, gobierno –den cooperacion cu gobierno Hulandes, Schiphol y KLM- ta trahando riba e plan. E proyecto aki lo inicia na 2014 como proyecto piloto.


3.3.5 Desaroya un centro di conocemento
Den e ultimo añanan, e demanda pa conocemento y estudio di nivel halto, a subi grandemente den casi tur mercado den Latino America. AVP kier anticipa riba esaki pa den cooperacion cu Universidad di Aruba, manda busca of yuda institui algun instituto academico specifico. Gabinete Mike Eman 1 ya a inicia establecimento di un Centro di Excelencia den Turismo den cooperacion cu Marriott Hotels, Haagse Hogeschool y Universidad di Aruba. E Centro aki mester facilita curso pa formacion di gerente di hotel for di entre otro Latino America y region Caribense di un banda, y di otro banda provee servicionan di conseho na gobiernonan y empresanan turistico.

Tambe tin un demanda grandi pa enseñansa tecnico, construccion civil y maneho di awa, maneho portuario y aereo. AVP ta propone pa den colaboracion cu Universidad di Aruba y institutonan selecta for di Europa (incluso TNO) y Latino America, institui un Instituto Tecnico Pa Enseñansa Avansa.


3.3.6 Amplia registracion di avion
E ambicion pa redobla e cantidad di avion registra den e añanan venidero, ta pa asina generamas entrada. Pa cu esaki, un Cost Recovery Methodology (CRM) lo wordo introduci pa por cubri e gastonan relaciona cu e servicionan cu ta brinda pa registra avion.


3.3.7 Stimula sector primario
Pa medio di un maneho condicional, e sector primario lo wordo stimula di tal forma, cu e lo sigui desaroya den un sector economico importante y no solamente ta aporta na substitui importacion, sino ta orienta riba exportacion tambe. Empresanan den e sector aki, por, bou cierto circumstancia, haci uso di e facilidadnan di e zonanan economico di modo cu e gastonan di produccion por wordo reduci. Aplicacion di tecniconan inovativo, eficiencia y faborabel pa medioambiente den sector agrario manera “permaculture”, “seawater greenhouse” y “hydrophonics” tambe lo wordo stimula.


3.3.8 Stimula inversionnan local y empresa chikito y mediano
Mescos cu tur otro luga, e empresa chikito y mediano, (MKB) ta un pilar di sosten importante pa nos economia local. E ultimo aña, e sector aki tabata bou hopi preshon. Den areanan unda MKB a haya conexion cerca e programa di inversion di gobierno, manera esun di Caya Grandi, e resultadonan ta positivo. AVP tin como un di su prioridadnan mas importante pa e cuatro añanan nos dilanti, pa incorpora MKB explicitamente den su proyectonan. E crecemento mas leu di turismo crucero y renobacion di centro di Oranjestad, ta habri posibilidad pa empresarionan local (tambe esnan cu ta cuminsando). Construccion di e rondweg rond di Oranjestad ta genera locacionnan comercial di balor pa empresanan. Institui zonanan economico special y apertura di mercadonan den Latino America, tambe ta hopi interesante pa empresarionan di Aruba. Como estimulo special pa MKB, ta recomenda pa gobierno, den e añanan benidero, ofrece mas proyecto pa medio di destaho publico. Banda di esey, un gobierno nobo di AVP, lo sigui su maneho pa duna extra refuerso na e MKB pa medio di programanan manera “Empresario Prepara” y microfinanciamento. Aparentemente, ta dificil pa MKB recluta personal califica. Pa e motibo ey tambe, MKB ta haya un trato mas eficiente ora


to Top

 

14

 

di busca permiso. AVP ta di opinion cu gobierno tin di haci tur su posibel pa MKB haya miho entrada den e crecemento economico den e añanan cu ta bin.

Relaciona cu esey, e posibilidadnan financiero pa companianan local, tambe lo haya extra atencion di gobierno. AVP ta sostene e punto di bista di Banco Central cu e tasa di interes riba mercado local, mester keda riba e mesun nivel abou manera e ta den otro partinan den region. Den e ultimo cuatro añanan a papia den extenso riba e topico aki cu e banconan local. AVP ta conciente cu den caso cu financiamento local no bira mas interesante pa empresarionan local, esaki por forma un obstaculo serio pa e crecemento economico duradero na Aruba.


3.4 Promove Bienestar

3.4.1 Converti prosperidad den bienestar
AVP ta haci un escogencia conciente pa un desaroyo economico conciente cu finalmente mester por conduci na bienestar duradero pa pueblo. Gobierno di un banda, mester crea e condicionnan dentro di cual comercio y industria Arubano por crece, y di otro banda laga tur hende experencia un calidad halto di bida. Gobierno mester desaroya iniciativanan cu por conduci na mehoracion. Relaciona cu esey un aumento den prosperidad ta faborabel, ya cu esey ta genera e medionan cu gobierno mester pa por inverti den bienestar di su hendenan.


3.4.2 Seguridad: prioridad number uno
Pa bienestar di cada ciudadano, un sentimento di seguridad y proteccion ta esencial. Ademas, ta importante pa bishitantenan for di exterior experencia Aruba como un isla sigur. Seguridad y proteccion ta prioridad number uno pa AVP.

Pueblo mester por sinti su mes sigur riba caya, den bario, ora e sali keiro y na cas. Polis y husticia mester por actua eficaz y cu autoridad contra molester, intimidacion, agresion, atraco, kiebro y violencia. Gruponan vulnerabel mester por conta cu gobierno den esaki.

Seguridad ta mas cu solamente mantene ordo. Seguridad ta inclui henter e medio social bou cua mester compronde infrastructura fisico manera vivienda, medio ambiente, garantia di proteccion y trankilidad. Ta bay duna realce explicito den e añanan cu ta bin na e vision aki, den cual ehecucion di e acuerdo fecha 13 di augustus 2013 como resultado di e Dialogo Social tocante Seguridad, lo gosa mayor prioridad.

Maneho di seguridad tin dos dimension. Den e periode di gobernacion 2013-2017 enfasis ta wordo poni riba prevencion y poder di dominio. Pa por drecha e situacion di seguridad di forma duradero, ambos aspecto mester haya atencion. Prevencion ta esencial pa por preserva seguridad. Ora Husticia mester drenta accion despues di delictonan violento, ya e ora ta laat caba. No solamente den combatimento di droga mester actua preventivo, sino tambe den casonan manera posesion ilegal di arma. Pa cu esaki, mester eleva nivel di e personal di KPA. E metodonan di investigacion y tecnicanan policial, mester wordo mehora.

Dor di bon colaboracion entre comercio y industria, mayornan, enseñansa, cuido hubenil y polis, por señala actitud di riesgo na tempo, y asina preveni un bida criminal. Tambe ta importante cu tin un sintonisacion optimal cu otro sectornan gubernamental manera enseñansa, proteccion di medio ambiente y salud publico. Un solucion pa seguridad riba termino largo por wordo realisa


to Top

 

16

 

base di actitud criminal, den cooperacion mutuo. Bareranan cu ta obsticula trabou efectivo di polis y husticia, mester wordo elemina unda cu ta posibel. Pueblo mester wordo mas envolvi den maneho di seguridad den bario. AVP ta na fabor di un programa special – Bo Seguridad – cu ta dirigi riba duna extra informacion y eherce otro esfuersonan necesario pa ataca e problemanan den e barionan y reduci criminalidad den forma efectivo. Pueblo mester wordo mas envolvi den mantencion di seguridad y trankilidad mediante enfoke via radio y television, SMS, email, Facebook, programanan den bario etc. AVP ta boga tambe pa programanan special di television manera e programa Hulandes, Opsporing Verzocht.

E maneho multipista pa KIA lo duna su frutonan den e periodo nos dilanti. Banda di castiga hende pa echonan castigabel, e posibilidad mester por wordo ofreci pa resocialisacion, pa asina preveni reincidencia.

Finalmente, e topico di Seguridad mester haya atencion special na nos scolnan.


3.4.3 Enseñansa como base pa desaroyo duradero
Enseñansa tin un rol central den Aruba su afan pa yega na un comunidad sostenibel. Pa por yena e rol importante aki, enseñansa lo tin cu haya e siguiente caracteristicanan:

  • Punto di salida y obhetivo di enseñansa ta e comunidad Arubano y e ciudadano.
    E caracteristicanan di e comunidad Arubano ta e puntonan di salida mas importante den maneho di enseñansa. E caracteristicanan personal di e Arubiano – su ambicion, amabilidad, su mentalidad cosmopolito y perseverancia – semper ta wordo usa como blokinan creativo den enseñansa. E meta final di enseñansa, ta promove bienestar permanente
  • di e pueblo Arubano y comunidad. E meta aki ta presenta e exigencianan di un construccion cultural, organisatorio y moral di enseñansa Hende y sociedad ta
  • duna e exigencianan di calidad na cual enseñansa den su obhetivonan, su manera di funciona y su resultadonan ta wordo midi. Na mes momento e realidad di e mundo rond di nos cu su inovacionnan, oportunidadnan y influencianan, continuamente ta un punto di orientacion sumamente importante pa direccion y contenido di enseñansa
  • Hende y comunidad ta ofrece e exigencianan di calidad na cual enseñansa den su obhetivonan, su funcionamento y su resultadonan, ta wordo midi. Na mes momento, e realidad di e mundo rond di nos cu su inovacionnan, oportunidad y influencianan continuo, ta un punto di orientacion importante pa e direccion y instalacion di enseñansa
  • Oportunidadnan igual pa tur riba miho enseñansa. Tur obstaculo den esaki, sea den forma di idioma, organisacion di enseñansa of seleccion indebido, ta wordo elimina
  • E maneho ta dirigi riba ofrece enseñansa di alta calidad. Instalacion di enseñansa ta funda riba visionnan cientifico como experencia practico. Enfasis den siña ta riba adkisicion di conocemento, habilidad, balor y actitudnan cu ta capacita e ciudadano pa soluciona e problemanan compleho cu ta manifesta awor y den fututo, di un forma adecuado
  • Bon conexion riba enseñansa na Hulanda
  • E grupo mas grandi di studiante Arubano, ta wordo admiti sin ningun problema na enseñansa avansa y ta sigui nan estudio exitosamente
  • Motiva e docentenan

to Top

 

17

 

  • Traha den enseñansa ta agradabel y gratificante. Banda di circumstancianan bon y un bon organisacion di enseñansa, docentenan ta wordo motiva personalmente y tambe como profesional, pa keda renoba y guia cada studiante maximalmente.

E cuatro añanan cu a pasa, a traha duro pa mehora e condicion fisico di e scolnan. E proceso aki ta wordo continua y termina den e periodo di gobernacion benidero. Cu esaki, ta cumpli cu un di e condicionnan principal pa traha riba direccion y contenido di enseñansa como base pa desaroyo duradero. E reto di mas grandi cu AVP kier entabla: reforma cualitativo di enseñansa.

Inverti den enseñansa nifica: inverti den desaroyo duradero di un Pais. Pesey ta usa entre otro, e rapport di UNICEF riba su resultadonan di nan investigacion. Manera ya menciona, lo colabora den forma estrecho cu tur actor pa realisa e reformenan necesario den enseñansa y promove e situacion den cual muchanan di Aruba ta crece. Gabinete Mike Eman-1 a pone un bon fundeshi y awor ta tempo pa tuma accion pa mehora enseñansa di forma integral y structural. Nos enfoke dentro di enseñansa ta move for di uno cu no ta conecta cu realidad di bida den nos comunidad, pa uno cu ta sali for di e realidad den cual nos hendenan ta biba. Den esaki e ta haci uso di e interes y caracteristicanan cu ta biba den nos comunidad multicultural, awor corta na midi y basa riba ambicion di nos hendenan. Enseñansa na Aruba lo haci uso concientemente di e abilidadnan Arubano; di ta multi-cultural, cosmopolito, ta dispone di talentonan enorme cu su cordialidad y hospitalidad extraordinario. Nos ta bay hala nos enfoke di atencion pa reproduccion di echonan di pasado, hopi bes ya obsoleto, pa di un forma optimal haci uso responsabel di e posibilidadnan cu ciencia, tecnologia, naturalesa, mundo y comunidad ta ofrece nos, na bienestar di un y tur.

Caracteristicanan importante di e maneho di enseñansa cu nos ta boga pe ta:

  • Enseñansa moderno cu ta inspira, eleva y completa cada ser humano. E modelo di enseñansa mester wordo adapta di tal forma cu e talentonan di e studiante Arubiano por wordo desaroya na forma optimal. Un modelo asina ta prepara e studiantena e miho manera riba su futuro, riba su bida den comunidad y den un mundo multicultural, diverso y suheto na cambionan rapido. Un bida cu ta exigi un manera di pensa multidisciplinario y sofestica. Enseñansa cu ta haci un apelacion riba talento y pasion, cu ta inspira y desaroya e talentonan di e studiante di forma completo
  • Reconocemento di e sentimento di honor y e capacidad autentico di cada hende. E sistema di enseñansa, e formacion di docente y e strategianan di enseñansa, mester wordo adapta pa reconoce e talentonan di cada studiante y, teniendo cuenta cu eventual limitacionnan, desaroya nan optimalmente
  • Enseñansa di calidad internacionalmente reconoci. E sistema di enseñansa ta garantisa cu enseñansa na Aruba ta comparabel cu esun miho den mundo. Tur hende cu a gosa di enseñansa na Aruba, mester ta capas pa por funciona di forma profesional y social manera tur otro persona na mundo cu a ricibi enseñansa di nivel halto. Relaciona cu esaki e conexion cu educacion superior na –entre otro- Hulanda, mester haya extra atencion
  • Enseñansa di relevancia social. Enseñansa ta e instrumento optimal, cu cual un sociedad por keda renoba y defende su mes. Enseñansa por cumpli cu e papel importante aki solamente, si e tin un grado di relevancia halto pa e individuo, economia, mercado laboral y e ambicionnan cultural y social di sociedad. Pa enseñansa por cumpli cu e papel importante aki, e maneho di enseñansa den e añanan cu ta

to Top


18

    • bin, mester ta dirigi riba realisa mehoracionnan cualitativo den e organisacion, den e contenido t e proceso educativo entre ocente y alumno. Esaki finalmente mester yega na un mehoracion significativo den e rendimento personal y social di enseñansa. Esaki ta e esencia di e maneho di enseñansa cu AVP ta para pe
    • Maneho Integral hubenil y pa hoben Educacion y enseñansa no ta responsabilidadnan exclusivo di mayornan of docentenan. E dicho: ‘It takes a village to raise a child’ ta completamente aplicabel.

19a

19b

to Top

 


3.4.4 Sostenibilidad di Salud Publico
Pa haci salud publico di cada ciudadano sostenibel na Aruba den e vision di AVP, ta imperativo cu nos tur ta bay biba mas conciente y mas activo. Den e periodo tras di lomba, gobierno a logra pone Aruba move literalmente. E maneho aki lo continua. Pesey cu den e periodo 2013 – 2017 ta di vital importancia pa keda ataca e problema di obesitas (sobrepeso). E meta central di AVP pa aborda salud publico tabata y ta pa preveni y/of reduci enfermedad y morto na Aruba a consecuencia di epidemia di obesitas y otro formanan di malesanan non-comunicabel (NCD’s) manera enfermedadnan cardiovascular, diabetes, cancer, enfermedadnan di pulmon y depresion. E lucha contra malesanan di infeccion manera dengue ta keda haya su debido atencion.

Na mes momento no mester perde for di bista cu salubridad ta mas cu ausencia di malesa. Hendenan saludabel ta menos ausente na scol of trabou, ta siña miho, produci mas y ta mas felis. Banda di prevencion di enfermedad, incluso trato adecuado, den e vision pa un bida mas saludabel y activo, ta scoge tambe pa “health promotion”, promocion di salud. Den e cuadro aki, gobierno den e ultimo periodo, a desaroya e Plan Nacional Aruba 2009-2018, pa combati sobrepeso y tur cuestion di salud relata na esaki, cu a keda unanime aproba den Parlamento di Aruba. E pueblo Arubano como resultado di esey, a bay move mas y biba mas saludabel.

Ta duna cuido na hopi luga y riba diferente nivel pa hopi organisacion: cuido curativo, cuido preventivo, cuido na cas, cuido di adiccion, cuido informal, medicina di empresa, cuido mental. Cuido duradero ta surgi dor di un cuido di prome liña fuerte. Un acceso continuo na cuido dirigi riba pashent, cuido generalistico di ayudantenan di cuido bon educa den prome liña, a resulta di ta hopi efectivo pa esnan cu malesa cronico, pa nos grandinan y esnan

19c

mas swak, pa e pashent menos mobil, y tambe pa e ciudadano saludabel cu ta wordo confronta cu un kebrante di salud temporal. Mas octer di cas, y tambe mas paramedico, manera GZ-sicologonan, dietista, expertonan riba tereno di movecion, sostenedornan den racti Nos ta combina esey cu nos trabou comunitario den e barionan, treciendo asina e cuido mas cerca di pueblo.

Nos partnernan internacional ta importante pa nos cuido. Hopi bes e colaboracion ta bon, y ta yega na resultadonan atractivo. Tog alta pa haci algun esfuerso den eficiencia ainda. Di e manera ey ta imperativo cu nos ta dirigi henter e cuido cu man firme. Nos a bay structura y concentra nos mes riba e tereno di salud mental. E cuido pa nos grandinan tambe ta un punto clave den nos programa di gobernacion. Di un entrada facilmente accesibel na e prome liña pa cuido den casnan di cuido responsabel. E tema entral den nos plan di accion den e cuatro añanan nos dilanti, ta mehoracion di calidad di cuido t promove di accesibilidad. Ya a eda suficientemente demostra cu nos ta haya cuido mas eficiente cu ta mes momento, cuido duradero.

AVP no ta lubida e cuido den nos hospital. Den ultimo añanan nos a traha duro pa prepara pa e construccion nobo di Dr. Horacio E. Oduber Hospital y expansion di cuido na IMSAN. Den e periodo 2013-2017 nan ta wordo ehecuta. E siguiente paso ta cu e pashent y mpleado tambe cuminsa ripara e bentahanan di e infrastructura nobo.

E esfuerso di eficiencia cu e sector di cuido di AZV tin cu bay ehecuta den e periodo benidero, mester conduci na un sentimento i bienestar mas halto. Cuido medico pagabel di calidad hopi halto ta esencial pa bienestar di un pais.

E organisacion IBISA y epartamento di Salud Publico, ta sigui cu nan maneho cu ta stipula e direccion den cual e cuido ta desaroya su mes.

Ehecucion ester bin den man di e campo social. IBISA, nos instituto di salud, lo keda guia e agenda di prevencion. Pasonan mportante den integracion di prevencion den nos bida diario, ta stipula caba. Adiccion ta toca hopi famia aki na Aruba y dor di usa substancianan di adiccion manera alcohol, drugs, mas y mas hoben ta debilita nan salud. E problematica social ta pidi un ccion integral y ta toca mas ministerio. Awor cu e cuido di adicto a wordo independisa dentro di algun fundacion na Aruba y awor asa riba e resultadonan di investigacion pa Universidad di Aruba y tin un imagen actual di e problematica, ta imperativo pa sigui onstrui y expande e cuido rond di e problematica di adiccion.


to Top

 

bus

 

bus2

autonomo mas, pero ta fungi den un grado incrementando, hunto cu otro sectornan manera Salud Publico, maneho hubenil y maneho di adiccion den realisacion di obhetivonan social. Ta mustra deporte mas y mas riba su responsabilidad social. Banda di ofrece un ferta deportivo, por ehempel cuido y educacion (deportivo) di hoben, ta stimula tambe movecion cerca diferente grupo meta. eporte por aporta mucho mas na soluciona problematicanan social cu ta e caso awor. Esaki ta exigi inversionnan den entre otro proyectonan di parti di gobierno, colaboracion y comunicacion for di un vision cla riba deporte.

Den e periodo 2013-2017 e Cabinet di AVP lo ehecuta un plan di maneho pa alcansa deporte cualitativo y bon accesibel riba tereno di competencia y deporte recreativo. Esaki mester resulta den un participacion creciente cerca e habitantenan cu atencion special pa hubentud.

AVP lo percura pa hubentud drenta den contacto cu programanan deportivo mas diversifica posibel; e structuranan di consulta dentro di e area di deporte ta wordo reforsa y e relacion entre ASU y COA mester wordo bon stipula pa hiba nos atletanan na un nivel mas halto.


3.4.5 Apoyo Social como contribucion primordial den cuido y bienestar
Apoyo social pa specialmente esnan vulnerabel ta den bista di AVP, un balor esencial pa percura pa mehora bienestar den tur segmento di comunidad. Gruponan manera hubentud, mayornan soltero, esnan menosbalido y nos hende grandinan, mester por conta riba gobierno pa apoyo necesario. Esaki ta encera: asistencia cualitativo enfoca riba cliente, refuerso cooperativo, actualisa legislacion manera asistencia social, hoben y grandi, aumenta oportunidadnan pa ingreso di e.o. esnan menosbalido y expansion di cuido familiar y asistencia posthospitalario.

Central den maneho pa 2013-2017 ta para e realisacion di un Centro pa Bienestar pa Hoben y Famia den cual e fundacionnan cu ta traha cu e gruponan ariba menciona, ta haya alohamento. Esaki den e cuadro tambe di e impulso pa eficiencia cu mester tuma luga, dentro di organisacionnan non-gubernamental activo na Aruba. E bentaha di e centralisacion di e departamentonan di algun NGO, ta ademas cu esnan cu ta cliente di diferente organisacion, mester wordo yuda miho y mas eficiente.


to Top

 

Banda di e Centro aki tin e implementacion di e Ley Calidad Cuido di Mucha cu ta para halto riba agenda di AVP. Banda di e Centro aki tin e implementacion di e Ley di Calidad den Cuido di Mucha cu ta para halto riba agenda di AVP. No solamente implementacion di e ley aki ta importante, sino tambe cumplimento di e calidad di e mucha mediante inspeccion, ta haya atencion den esaki. Lo investiga con participacion di mayor riba mercado laboral por wordo stimula mas aleu. Tambe lo pone atencion na cumplimento di e tratado di derechonan di mucha. A keda palabra cu durante e Cumbre Interparlamentario di Reino na Den Haag pa yuda implementa e derechonan di mucha pa introduci un defensor di mucha. Tambe lo sigui investiga kico e posibilidadnan ta pa haci e dianan na scol di e mucha, mas largo, di modo cu desaroyo di talento y oportunidad engrandece y tene nan ocupa.

Importante pa cada ciudadano ta tambe e echo cu tin atencion pa bienestar di nos bestianan y tambe pa nos medio-ambiente.


3.4.6 Maneho di Cultura como parti pa promove bienestar
Nos cultura nacional ta forma base di nos identidad y nos bienestar nacional. Den e periodo nos dilanti AVP lo bay emplea un maneho di cultura super activo. Cuminsando cu refuerso di atencion pa cultura den e programa di enseñansa. Ta bin un programa di les como parti di e curiculo di Ciclo Basico y Ciclo Avansa 1. Cu ‘Cultura Nacional’ den prome aña, ‘Cultura di area Caribense y su relacion cu Aruba’ den di dos aña y ‘Cultura Global y su relacion cu Aruba’ den Ciclo Avansa 1.

Atencion pa nos historia di cultura mediante realisacion di algun Museo. Na Oranjestad ta bin un Galeria Nacional y na San Nicolas ta bin un “Carnival Village” cu ta contene un Museo di Carnival, Museo di Deporte, Museo Industrial y un ‘Community Museum’.

Funda un Centro Cultural como platforma pa desaroya y stimula cultura, musica y arte, unda cultura nacional, tradicion y posibilidadnan moderno tecnologico ta topa otro. Meta di esaki ta e formacion di personalidad pa medio di arte y conserva identidad cultural den e sociedad cu mas y mas ta sigui modernisando.

Como apoyo di e artesanonan local, AVP kier funda un marca cu ta yama ‘Traha na Aruba’. Si cumpli cu cierto exigencianan di calidad, artesanonan

local y profesionalnan por usa e marca aki. Cu esaki e benta di nan productonan ta wordo stimula. Ademas, artesanonan local mester wordo envolvi ora di formula ‘public art’ tur caminda riba nos isla. Pa haci e maneho di cultura mas duradero, mester bin un Conseho Nacional pa Cultura.

Colaboracion cu Ministerio di Enseñansa ta deseabel pa duna forma na nos maneho di cultura dentro di enseñansa.


3.4.7 Maneho di inmigracion y un maneho di integracion activo
AVP ta boga pa un maneho humano y consistente pa cu e maneho di inmigracion. Den bista di e percepcion di bienestar, ta importante cu pa e Arubianonan nobo, eseynan ta esnan cu ta bibando un cierto cantidad di aña na Aruba, pa ehecuta un maneho di inmigracion consistente. Mundialmente paisnan cu un comunidad multicultural, ta para dilanti e reto pa cuida unidad y respet mutuo. Den pasado Aruba a conoce olanan di inmigracion. Un tercer parti di e poblacion Arubano, no a nace na
Aruba.

Aruba su diversidad ta un echo y na mes momento, e ta Aruba su forsa. Tur hende mester por haya e mesun oportunidad, irespeto su decendencia, riba bon educacion na scol, trabou y participacion digno den comunidad. Historia ta mustra cu inmigrantenan a contribui positivamente na nan pais nobo Aruba. E energia cu e migrantenan ta bin cu ne pa drecha nan propio posicion economico, ta beneficia Aruba directamente tambe, e.o. pa medio di rednan nobo y contractnan comercial cu ta wordo crea dor di nan presencia. Pa e motibo aki, AVP ta hiba un maneho di integracion activo pa stimula dominio di nos idioma y cultura.

Den vision di AVP, e maneho mester keda enfoca pa promove union social manera e programa BoAruba ta visualisa pa tur ciudadano aki na Aruba sinti nan mes envolvi den comunidad. E meta aki ta wordo promove ora migrantenan siña nos idioma y ta informa nan mes di nos cultura y na mes momento sinti nan liber pa ta nan mes y no sinti nan mes exclui: e asina yama principio ‘diversity within unity”.

AVP, sinembargo, kier haci un paso padilanti y stimula e balornan general cu ta mara na bon ciudadania, y cu esaki engrandece e sentimento di solidaridad cu Aruba y di bienestar cerca tur hende.

Den pasado tabatin pa otorgamento di permiso, un bentana separa pa Hulandesnan Europeo. E servicio di DIMAS, como tambe otro servicionan gubernamental, lo wordo coregi. Dentro di poco e edificio nobo di DIMAS lo wordo completa y lo bin mas espacio disponibel pa por bin cu un bentana nobo specialmente pa Hulandesnan Europeo.

 


to Top

 


3.4.8 Labor
Pa loke ta trata labor, e enfoke ta bay ta riba aumento di e participacion laboral local y productividad laboral dor di crea impulso pa tanto dunado di trabou como empleado. Pa cu esaki, e leynan existente lo wordo revisa y e leynan y reglanan di maneho necesario, lo wordo desaroya.


3.5 Continua cu desaroyo duradero

3.5.1 Durabilidad den tur cos cu nos haci
Durabilidad ta e guia den e programa di eleccion di partido AVP. Ora nos logra pone esaki den practica, no solamente e calidad di nos trabou y nos servicio y productonan ta mehora considerabelmente, sino tambe e manera con nos ta trata nos hendenan rond di nos. Finalmente, esaki ta conduci na un miho Aruba y ademas un Aruba mas competitivo.


3.5.2 100% suministracion di energia duradero
2020
Dor di e maneho di energia introduci na 2010 pa Gabinete Mike Eman-1, e percentahe di energia berde den 2017 lo subi te cu 70% di e demanda total di energia na Aruba. Bou guia di e companianan di ultilidad WEB y Elmar y cu yudansa di entre otro “Carbon War Room” y TNO, e di dos parke di molina di biento ta keda realisa. Ademas, banda di e parkeo na aeropuerto, lo studia mas localidad pa aloca panelnan solar. Tambe e ehecucion di un sistema di refrigeracion riba escala grandi, cu cua entre otro tur hotel, nos hospital y un cantidad di otro edificio grandi, ta wordo fria. E resto di awa por wordo usa pa cultura di pesca y pa agricultura y horticultura. Cu esaki Aruba por abastece den su propio productonan fresco na prijsnan mucho mas abou. Tambe tecnologianan nobo manera energia geotermico -genera pa calor di mundo – ta wordo evalua pa finalmente den 2020 , manera palabra durante e conferencia grandi di Nacionnan Uni riba cambionan di clima “Rio 20+” na 2012, e suministro di energia na Aruba lo ta 100% berde.

3.5.3 Durabilisa di seguridad social y cuido AVP ta di opinion cu den e periodo 2013 – 2017 e reforme di seguridad social mester wordo completa pa asina e penshiunnan como e AOV por keda pagabel den futuro tambe. Despues cu na 2010 a pone e prome stap pa e reforme di seguridad social a base di palabracionnan haci den e Dialogo Social, AVP ta sostene ehecucion di su di dos fase. Como cu e espectativa promedio di bida na Aruba a aumenta enormemente den e ultimo decada, ta necesario pa yega na palabracionnan adicional pa conserva su durabilidad manera ya acorda entre e

partnernan den Dialogo Social.

Tambe den cuido ainda tin desekilibro structural. Teniendo cuenta cu e populacion cu ta birando mas y mas bieu – cu ta encera gastonan mas halto pa cuido medico – e sistema di cuido na Aruba, igual cu na otro parti di mundo, mester haci un impulso di eficiencia.

3.5.4 Durabilidad di aparato gubernamental
AVP ta para pa un aparato gubernamental eficiente. Gobierno mester duna e bon ehempel y mester trata futuro di Aruba cu cuidou. E ultimo añanan a efectua e prome pasonan pa cu esaki. Un gran cantidad di ministerio y departamento a traha na organisacion di esaki. Den e periodo 2013 – 2017 e di dos face lo tuma luga. Aparato gubernamental mester ta mas eficiente y integro. Ambos aspecto ta haya prioridad den un gobierno di AVP na mando.
Importante pa durabilidad di e procesonan den gobierno, ta tambe cu e proceso di desaroyo den gobernacion ta continua.

Gabinete Mike Eman-1 a traha proactivo na promove integridad y calidad di e aparato gubernamental. Raport ‘Calidad’ (rapport di “Arubaanse Werkgroep Deugdelijkheid van Bestuur” Grupo di Trabou Arubano Bon Gobernacion) di 1997, adapta na realidad di e momento aki, y e raport-WODC di 2011, mester sirbi como inspiracion pa e maneho pa loke ta trata renobacion den e periodo di gobernacion.

E Gabinete aki a bin cu medidanan concreto pa reforsa e proceso democratico, sigura integridad di e aparato gubernamental, reforsa institutonan di supervision, profesionalisa y saca e aparato aki for di politica. AVP ta di opinion cu politica tin e deber prome cu tur cos, pa reforsa e confiansa di pueblo den democracia y confirma y reforsa e aparato gubernamental, unda mester.
20


to Top

 

finaldesaroyo administrativo mester haya un prioridad mas halto. Puntonan clave den e maneho ta:

1. Establece un Bureau interno pa Promove Integracion y amplifica e regulacion tocante integridad di ambtenaarnan;

2. Intensifica e reglanan di subasta publico dentro di gobierno;

3. Sigui traha riba Ley Partidonan Politico

4. Sigui suministra institutonan importante manera Raad van Advies, Rekenkamer y Centrale Accountantsdienst

5. Haci e maneho di gobierno mas transparente dor di comunicacion pa pueblo mas intensivo

3.5.5 Durabilidad den Finansa Publico
Den e periodo di gobernacion 2013-2017 un Gabinete di AVP mester tin como meta den 2016 alcansa un balansa structural den presupuesto.

Ademas, reglanan di presupuesto ta hancra den e Constitucion di Aruba, pa proteha comunidad pa cualke deficit nobo cu por surgi den gobierno. AVP lo percura cu e perspectiva economico y social cu a wordo crea den e periodo actual, keda mantene mientras e deficit presupuestario ta wordo reduci, sigui pa un quota di debe cu ta mengua. Den esaki e stipulacion di e ‘balanced budget rule’ den Constitucion di Aruba lo ta un instrumento unda efectonan di un reforme ya efectua, ta keda mantene.

E cuadro di gasto pa e cuatro añanan venidero, lo ta e nivel nominal di entrada manera stipula den presupuesto 2013. Reformenan cu ta supera esnan di AOV/AWW, AZV y APFA den consulta cu e partnernan social, y pa sostenibilidad di e fondonan, lo mester cuida esakinan. Entradanan ta wordo influencia den e añanan nos dilanti, pa e crecemento economico anticipa, miho cobransa di impuesto y simplificacion di e sistema di belasting. Entradanan mas halto cu loke ta anticipa, lo no conduci na gastonan mas halto, mientras cu entradanan mas abou cu a anticipa, tampoco directamente lo wordo compensa cu gastonan mas abou. Esaki ta crea perspectiva y espacio den maneho.

Simplificacion di e sistema di impuesto den combinacion cu reglamentacion den caso di responsabilidad pa impuesto, ademas lo percura pa un miho moral pa cu impuesto. Durabilidad den Finansa Publico, stabilidad den tarifa di impuesto y reglanan cla, tambe tin un efecto positivo riba e clima di inversion.


to Top

 

Tema central di e programa di campaña di partido AVP ta : stimula prosperidad y bienestar na un manera duradero. Traduci den e resolucionnan di maneho mas importante pa e periodo 2013 – 2017:

  • 2. Stimula Prosperidad
  • 2.1. Sigui inverti den ciudad y barionan na Aruba
  • 2.1.1. Green Corridor pa San Nicolas
  • 2.1.2. Rondweg Oranjestad
  • 2.1.3. Renobacion Oficina di Belasting bieu
  • 2.1.4. Renobacion di edificio bieu di DOW
  • 2.1.5. Muda waf di container pa Barcadera
  • 2.1.6. Desaroyo di e area cu ta e waf di container actual
  • 2.1.7. Cada bario na Aruba ta haya un “upgrading”
  • 2.2. Sigui construccion turismo
  • 2.2.1. Esfuerso pa eleva calidad
  • 2.2.2. Crecemento den mercado Latino Americano
  • 2.2.3. Comercialisa turismo como producto di conocemento pa medio di cursonan y servicionan di conseho
  • 2.2.4. Aumenta entrada pa camber
  • 2.2.5. Apertura Ritz Carlton
  • 2.2.6. Apertura hotel Caya Grandi
  • 2.2.7. Apertura hotel San Nicolas
  • 2.2.8. Mehora Airlift pa Latino-America
  • 2.3. Amplia pilar economico nobo
  • 2.3.1. Sigui traha riba Green Gateway
  • 2.3.2. Amplia ARINA cu yudansa di Centro Hulandes pa Promove Comercio
  • 2.3.3. Crea 1.800 empleo di balor halto den Zona Berde
  • 2.3.4. Desaroya un Green Zone Smart City y construccion di edificio Green Aruba
  • 2.3.5. Atrae minimo 50 empresa internacional en e Zona Berde
  • 2.3.6. Desaroya e Zona Franca na Barcadera
  • 2.3.7. Desaroya Zona Economico Special na San Nicolas
  • 2.4. Establece un centro di conocemento
  • 2.4.1. Tourism Center of Excellece
  • 2.4.2. Technical Institute Aruba
  • 2.4.3. Centro di Excelencia Energia Berde
  • 2.4.4. International Training Center for Maritime and Airline Industry
  • 3. Conserva tur cos cu nos haci
  • 3.1. Mehora Seguridad structuralmente
  • 3.2. Durabilisa Salud Publico
  • 3.3. Sigui actualisa enseñansa a base continuo
  • 3.4. Durabilisa cultura y ambiente social
  • 3.5. Consistent immigratie- en integratiebeleid
  • 4. Durabilisa tur locual nos haci
  • 4.1. Suministro di Energia
  • 4.1.1. Completa proyecto LNG
  • 4.1.2. Aruba 100% sostenibel den 2020
  • 4.1.3. Parke di Molina di Biento II
  • 4.1.4. Proyectonan Solar nobo
  • 4.1.5. Waste-to-energy project
  • 4.1.6. Realisacion Proyecto SeaWaterairconditioning
  • 4.1.7. Living Lab di TNO
  • 4.2. Seguridad Social
  • 4.2.1. Completa reforme di Seguridad Social
  • 4.2.2. Aumenta Ley Penshiun den cuadro di Penshiun General
  • 4.2.3. Adapta edad penshiun di biehes (AOV)
  • 4.2.4. Adapta penshiun den cuadro di Ley Penshiun General
  • 4.3. Reorganisa aparato gubernamental
  • 4.3.1. Efectua impulso di Eficiencia
  • 4.3.2. Aumenta grado di servicio
  • 4.3.3. Impulso di Transparencia y Integridad
  • 4.4. Finansa Publico
  • 4.4.1. Realisa un Presupuesto Balansa den 2016
  • 4.4.2. Balanced Budget Rule den ley

to Top

 

21

final-2
Den 27 aña di existencia di pais Aruba, AVP a demostra di ta ambicioso y ta traha desinteresadamente na desaroyo di nos pais. Den e añanan despues cu nos a haya Status Aparte, tempo cu Aruba tabata sufri bou di un recesion pisa, cu desempleo extremo, tabata AVP cu a crea un perspectiva nobo pa nos pais. Cu vision, dedicacion y perseverancia, e base a
keda funda den e añanan ey pa e sector turistico,e motor grandi pa nos economia. Ainda turismo ta e pilar mas importante pa prosperidad di nos economia.

Tambe den 2009 Aruba a pasa dor di un crisis pisa. Turismo a haya un sla duro y Valero a cera su portanan. Aruba a keda malamente afecta pa un crecemento negativo di 15% den menos di dos aña di tempo, masha cortico despues cu den e periodo di gobernacion prome cu nos, gobierno di e tempo ey a hisa impuesto den forma drastico, inflacion tabata haltisimo, e careteranan y e infrastructura di nos centronan residencial a deterioria y pa añanan largo nada no a wordo haci na problemanan structural importante, manera e prima di penshiun cu a sali for di man y un fondo di penshiun di biehes agota, di modo cu finansa publico tabata sumamente mal para.

Na e momento ey, AVP a lora manga y cu un vision transparente, un plan bon studia y un bon team, a sa di pone Aruba bek riba pia.

Sin embargo, trabou no a caba ainda. Den e cuatro añanan cu a pasa, a pone e base pa un futuro (ainda) miho pa Aruba. Turismo ta na drempel pa conkista un continente nobo, Latino-America, nos tin un pilar economico nobo den forma di un Green Gateway na bista y pa prome bes den historia di Aruba, tin perspectiva pa baha nos debe nacional..

Cu otro palabra:

final-text

 


to Top

 

25