Benny Sevinger: Bio

Minister Benny Sevinger, e Minister proactivo di Infrastructura, Integracion y Medio Ambiente ta un politico progresivo. Cu su conocemento profesional y su vision e ta na servicio di Aruba for di tempo cu el a regresa di Hulanda den decada 90. E ta combina su educacion y experiencia den arkitectura, arte y mercadeo den e desaroyo y ehecucion di e vision di e gobierno actual cu diferente proyecto di infrastructura enfoca riba shete area: Renobacion Urbano, Renobacion y Expansion di Hospital, Expansion di Infrastructura, Edificionan di Gobierno, Scolnan, Barionan y Linear Park.

E Minister personalmente ta supervisa un Team di Infrastructura consistiendo di ingeniero, arkitecto y otro profesionalnan asisti dor di e tres departamento principal di obranan publico, manehando riba 80 proyecto cu ta forma parti di e vision BO ARUBA.

Como Minister tambe e ta responsabel pa Integracion y Medio Ambiente, implementando polisa y regulacionnan pa percura pa un maneho responsabel di e forsa laboral stranhero y nan participacion den e mercado di trabou local segun e demanda economico di e isla. E ta enfoca riba e aspecto humano di esnan concerni, pero na mesun momento ta resguarda e ley y recursonan Arubiano. Tambe ta establece un maneho responsabel y moderno di sushi riba e isla.

Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search