Dr. Alex Schwengle, un hoben profesional dedica, un specialista di pulmon, cu entusiasmo a acepta e reto pa drenta arena politico y subi e lista berde. Maske cu saliendo for di su profesion y carera e desicion tabata dificil, e hoben sali di curason di Savaneta, ta di opinion cu riba e plano gubernamental e lo por logra mucho mas pa loke ta trata bienestar general di nos pueblo y pa su pais en general.

Di hoben caba semper Alex a gusta politica y despues cu el a sigui studia, el a keda cu interes pa politica. Dokter Schwengle a caba su VWO aki na Aruba pa despues studia medicina na Vrije Universiteit na Amsterdam. Despues di a traha como huisarts y tambe poortarts na Aruba, dokter Schwengle a sigui studia specialisando su mes den pulmon. Desde januari 2010 dokter Alex Schwengle ta traha den dr.Horacio Oduber Hospital. E tin varios estudio haci y publicacion riba su nomber den revistanan cientifico. Den su trabou na hospital, el a demostra su don di lider dor di yuda lanta cuatro comision y tin asiento den algun di nan. Un di nan ta e Asociacion di Specialista den servicio di hospital di cual e ta presidente. Tambe e ta co-fundador di e Comision di Oncologia. Dokter Alex Schwengle ta yiu di Regina (Ina) Schwengle-Lopez, procedente di Brazil, y Agripino (Ping) Schwengle di Savaneta. Alex ta casa cu Janine Schwengle-Quant, docente den enfermeria na EPI, Unidad Salubridad y Servicio. E pareha tin dos yiu, un yiu muhe di 12 aña y un yiu homber di 10. Alex Schwengle tin un ruman muhe, kende hunto cu henter su famia grandi tambe ta sostene su candidatura shen por ciento.

Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search