Logronan importante di 4 aña di gobernacion

 

cover

  • Control di e crisis y restablece confiansa
  • Reduccion di BBO
  • Introduccion di Reparatietoeslag
  • Aumento di salario minimo
  • Regreso di KLM, di Carnival Cruise Lines y reapertura di Valero
  • Restora e bon relacionnan den Reino y crea perspectiva nobo pa Reino. Extra balor pa cada miembro.
  • Buskeda intensivo den busca posibel candidatonan pa Aruba Aruba. Esaki tabatin como resultado cu be refi neria a keda habri mucho mas largo y 600 hende a keds cobra mas largo.
  • Sostenibilidad di Finanzas Publico
  • Reduccion di defi cit di gobierno
  • Restructuracion di Siguridad Social
  • Crea un plataforma pa cambionan dor di e instituto Dialogo Social
  • Reforma di e sistema di pensioen pa mandatarionan
  • Reforma di e sistema di pensioen di empleadonan publico
  • Introduccion di Ley di Pensioen General
  • Reforma di e sistema di AOV
  • Trece bou control finanza di AZV
  • Economisa den deduccion di hipoteca
  • Convence Hulanda pa participa den refinanciamento den debe externo, contra un interes bou.
  • Mantene rating di pais Aruba den temponan dificil

1. E Comienso

comiensoGabinete Mike Eman a tuma rienda di pais Aruba na fin di october 2009. E gobierno di AVP cu a caba di sinta tabata hopi consciente di e problemanan cu famianan na Aruba tabata pasa aden pa por a sobrebibi. Consciente tambe di e problemanan cu negoshinan tabatin pa por a wanta cabes riba awa. E relacion cu Reino tabata bou presion grandi. Pilar number uno di nos economia, nos turismo, tabata den un caida formal segun cifranan di AHATA. Partnernan strategico manera KLM y Carnival Cruises a bandona Aruba. Valero a stop su operacion. E refineria a anuncia di lo cera su portanan cu tur su consecuencianan pa economía di Aruba. Desempleo di miles di mama y tata di famia tabata loke tabata spera Aruba y e gobierno nobo. Un scenario scur. Mester a hisa manga di camisa y cuminsa traha diligentemente. No tabatin tempo pa perde. Durante di su formacion, Gabinete Mike Eman a wordo confronta cu e hecho cu delaster un fondo social tabata den un situacion sumamente alarmante. AZV, SVb y APFA tabata den un situacion financiero sumamente malo. A bin cu un plan integral pa combati e crisis cu tabata azota Aruba. Durante formacion di gobierno a papia cu mas di 70 representante di tur nivel di e poblacion. E conclusion tabata cu e situacion na Aruba tabata uno masha precario.

Relacion cu Hulanda restora y KLM ta bek na Aruba

Dia cu Gabinete Mike Eman a huramenta, secretaria di Estado pa Asuntonan di Reino sra.Ank Bijleveld tabata presente, mescos tambe Prome Minister di Antiyas sra. Emily de Jongh-Elhage, dunando cu nan presencia nan aprobacion na e gobierno nobo. Sra.Bijlveld den su discurso a demonstra sin ningun reserva su alegria cu e cambio di gobierno. Despues di un periodo largo di discusion y disunion cu e gobierno anterior, Hulanda y Antiyas a sinti cu cosnan ta bay drecha pa miho. Esaki a resulta di ta asina tambe, pasobra cu algun luna despues di reunionnnan intenso Gabinete Mike Eman a logra trece KLM bek na Aruba. Na e ocasion aki Minister di Transporte Hulandes di e tempo ey Camiel Eurlings a bisa cu gobierno Hulandes tin gran aprecio y respet pa e gobierno nobo. “Nos ta contento cu e cambio di gobernacion”. Un miho relacion cu Reino Hulandes ta na bentaha di cada un riba e isla aki.

Back to top

2. Aumento di Onderstand y introduccion di “schoolkinderentoelage”

Ya den su prome shen dianan di gobernacion Gabinete Mike Eman a cumpli cu su promesa di campaña hisando onderstand cu 25%. Esnan di menos recurso a bay atras cu mas di 28% den e añanan anterior y ta pa e motibo aki cu e actual gobierno a hisa onderstand y a introduci e “schoolkinderentoelage” di 100 florin pa luna pa muchanan di famia cu ta cobra onderstand. Di e forma aki gobierno kier contribui na trece un balanza den e situacion socioeconomico di pais Aruba. Na 2011 a redobla e schoolkinderentoeslag.

Back to top

3. Pensioen general y Flex AOV

E ley di Pensioen General a keda introduci na 2012, despues di a haya aprobacion unanime den Parlamento. E ley ta encerca cu 70% di e pueblo trahado cu no tin un pensioen, desde prome di januari 2012 ta cuminsa aporta na esaki hunto cu nan dunador di trabou. Ora nan yega edad di pensioen nan por gosa di un entrada mas husto despues di a sacrifica hopi aña di nan bida trahando duro pa hiba economia di e pais aki dilanti. Hunto cu e pensioen general obligatorio a keda introduci e Flex AOV tambe. Pensioen General y Flex pensioen ta acuerdonan logra den Dialogo Social cu partnernan sindical y gremionan comercial. Dor cu e ley ta wordo introduci den fase cada un di e gremionan ta acepta nan responsabilidad. E ley ta ofrece e oportunidad pa cubri partnernan di esun cu ta cera e seguro di pensioen den caso di fayecimento. E ora e viudo of viuda ta haya banda di su pensioen di viuda of viudo un entrada adicional te e dia cu e mes cumpli 60 aña. Flex AOV ta brinda e oportunidad pa e persona cu yega edad di pensioen por scoge pa no tuma e pensioen na e momento ey, pero pa lage aden y ta haya asina 7% pa cada aña cu e no ta haci uso di dje. Esaki ta bay te 5 aña.

Back to top

4. Reparatietoeslag

reparatietoeslagDia 1 di januari 2011 Gobierno di AVP a introduci e asina yama reparatietoeslag (recuperacion di poder di compra). Un entrada adicional pa tur empleado cu ta gana menos di Afl. 2500,00 pa luna. Durante Dialogo Social a keda constata cu bida ta dificil pa esnan cu un entrada bou di Afl. 2500,00 pa luna. Inflacion causa pa BBO y prijsnan di petroleo a afecta e poder di compra na Aruba enormente durante e ultimo añanan. BBO ya caba a wordo reduci na mita te 1.5%. Na fin di 2012 a entrega un ley na Staten pa aumento di e reparatietoeslag. Pa 1 di januari 2013 e reparatietoeslag a wordo aumenta di Afl. 75,00 pa luna pa Afl. 100,00 pa luna pa esnan cu un salario minimo. E ta sigui un ‘gliding scale’ te pa esnan cu un entrada di Afl. 2500,00 cu tabata Af.25,00. E suma aki ta bira Afl.50,00 awor. Den Dialogo Social a constata cu ta dificil pa analisa cuanto di e reduccion di BBO a yega na e consumidor y cuanto a keda den e cadena comercial y sirbi eynan tambe un proposito di yuda negoshinan tene nan cabez riba awa den temponan dificil. A dicidi cu pa yuda esnan cu entradanan margina y modera ta bon pa haci algo cu sigur ta yega directamente cerca nan. Asina a nace e koopkrachtreparatietoeslag cu ta poni den e programa di gobernacion di Gabinete Mike Eman. E haltura di e toeslag a cuminsa di Afl. 900,00 pa aña pa un persona cu ta gana minimumloon te cu Afl.300,00 pa aña pa un persona cu ta gana Afl. 2500,00 pa luna. Si tin mas cu un persona den cas cu ta gana un salario den e categoria aki nan tambe ta bin na remarca pa e toeslag. Den un cas cu 2 hende cu ta gana un entrada minimo, esaki ta nifica un adelanto di Afl.1800,00 pa aña cu ta Afl.150,00 extra di entrada pa luna den e cas ey. E cifranan aki awor a bira Afl. 1200,00 pa aña pa esnan cu tin un salario minimo y Afl. 600,00 pa aña pa esun cu un salario di Afl. 2500,00 pa luna. Esaki ta haci cu si tin dos minimumloner den un cas e total na reparatietoeslag ta bira Afl. 2400,00 pa aña.

Back to top

5. Tarifa di awa y coriente

tarifaGobierno di Aruba pa medio di su programa di gobernacion a stipula un maneho energetico pa e empresanan estatal di utilidad pa e producion y distribucion di awa y electricidad. E vision cu e maneho ta encera cu producto y servicio na e consumidor ta di un calidad halto, continuo, sostenibel y cu tarifanan responsabel, cu accento riba energia alternativo pa menos emision di CO2, SOx y NOx pa nos medio ambiente, como tambe elimina dependencia riba petroleo. Mundialmente cambio den prijs di petroleo ta e factor cu mas ta afecta e tarifa di awa y electricidad, y aki na Aruba unda cu fuel oil ta e primordial combustibel utilisa pa producion di ambos no ta un excepcion.

Back to top

6. Turismo

turismoTurismo cu tabata den un decadencia total a wordo restaura. Cu regreso di KLM, Carnival Cruise Lines y un aumento significativo di vuelonan y gateways, awe turismo di Aruba conoce un crecemento substancial. Durante ultimo 3 aña por a mira un crecemento den e cantidad di turistanan cu ta yega nos isla. Cifranan te cu april 2013 ta mustra un crecemento di 4.3% den e cantidad di bishitantenan. Cifranan di hotelnan tur ta mustra crecemento: Porcentahe di ocupacion 3.6%, ADR 2.0% y Revpar 3.5%. Maneho di Gobierno y en especial di Minister di Turismo ta pa nos crece na un manera modera den e cantidad di turista. Mester crece mas den calidad cu den cantidad y e resultadonan ta mustra cu ta logrando e meta aki tambe. E aña aki Aruba ta bay tin un record di riba 700 mil turista crucero y nos no lo conoce un off season, ya cu den e temporada aki nos isla lo conta cu riba 100 mil turista crucero. E datonan aki ta di sumo importancia teniendo na cuenta e estudio realiza pa Universidad di Aruba cu ta mustra cu e bishitantenan crucero ta laga entre 120 pa 170 Dollar atras den nos economia. Mirando e cifranan aki nos por spera cu e aña aki aproximadamente 30 miyon adicional den nos economia. Minister Otmar Oduber for di 2010 a crea e Tourism Council. Un persona su so no por logra tur cos, experiencia di un grupo di experto den turismo ta hopi importante pa haya nan conseho, critica y sugerencianan pa bin cu logronan grandi y mehora nos industria di turismo. Pesey e mandatario a tuma e decision di crea e Tourism Council.

turismo2Un aspecto hopi importante di maneho di minister Otmar Oduber ta e diversificacion di nos turismo. Nos isla no por keda dependiente di un solo destinacion, ya cu nos ta keda vulnerabel pa loke por pasa na e pais en cuestion. Pesey for di inicio el a enfoca riba diversificacion, concentrando hopi riba Latinoamerica y Europa y por mira e resultadonan specialmente di e promer caminda cu constantemente tin crecemento di dobel digito for di e diferente destinacionnan Latinoamericano. Un di e logronan di mas grandi riba tereno di turismo ta e independisacion di ATA. Despues cu pa mas di 25 aña y bou diferente Gobierno a purba independiza e oficina di turismo, na 2011 esaki a bira un realidad y awe 2 aña despues, Aruba por ta orguyoso di e bon resultadonan cu ATA SG ta dunando. Tambe na 2011 Logo oficial di Aruba a keda introduci. Despues cu pa añanan largo no tabatin un imagen unico y unifica di nos isla na nos diferente mercadonan, a logra dos aña pasa pa lanza un solo imagen di Aruba na nivel mundia cu ta representa nos isla cu e diferente colornan. Awe hasta lineanan aereo local ta resalta cu e bunita logo di Aruba den aire.

Logo di Aruba ta trece union

logo_arubaTambe na 2011 Logo oficial di Aruba a keda introduci. Despues cu pa añanan largo no tabatin un imagen unico y unifica di nos isla na nos diferente mercadonan, a logra dos aña pasa pa lanza un solo imagen di Aruba na nivel mundial cu ta representa nos isla cu e diferente colornan. Awe hasta lineanan aereo local ta resalta cu e bunita logo di Aruba den aire

Back to top

7. Salubridad Publico

Monitor di Salud

E monitor di Salud ta duna un bista den e situacion di salud y di tur loke ta determina salud. E ta haci un maneho basa riba datonan posibel. Aruba a haya su prome Monitor di Salud, loke ta algo grandi.

Bus di Salud y IBiSA

salubridad2Mas di 6 mil hende a wordo samina gratuitamente den e Bus di Salud. Nan a haya un saminacion PP (Prevencion Personal). Despues di e saminacion nan por a haya un bista di e factornan di riesgo pa salud y a haya conseho riba nan forma di biba y con biba saludabel. Cu e accesibilidad amplio aki pa cu Prevencion Personal Aruba ta cana dilanti den Reino. Hulanda ta boga pa haci e PP accesibel pa tur ciudadano. E Bus di Salud ta un proyecto di e instituto nobo pa biba activo y saludabel, Instituto Biba Saludabel y Activo, IBiSA.

Departamento di Salubridad Publico (DVG) a wordo amplia

E lucha contra dengue ta un reto grandi pa Departamento di Salubridad Publico, e autoridad riba salud publico na Aruba. DVG ta cana dilanti den desaroyo di maneho. Departamento di Salubridad a traha riba fortifi ca e organisacion y compilacion di un buki di Organisacion, den cual e responsabilidad y competencia di tur funcionario ta describi den forma cla.

Conferencia Pan Americano riba Obesidad

Experto, profesional y ministernan di salubridad publico di hopi pais di e Americanan y Europa ta comparti conocimento multi disciplinario, e miho practicanan y network. E aña e comferencia PACO III ta tuma lugar na Aruba un bes mas. Minister Visser a papia den nomber di Reino Hulandes durante un reunion di Nacionnan Uni over e lucha contra obesidad.

Aruba, miembro asocia di PAHO

Aruba a logra di haya su lugar dentro di Pan American Health Organization (PAHO), un evento emancipatorio cu cu ta marca un ampliacion di e Status Aparte den e organisacion di salud di e hemisferio occidental.

Dr.Horacio Oduber Hospital ta wordo amplia y renoba

salubridad1Pa percura pa e hospital tin un futuro duradero gobierno y otronan envolvi a dicidi pa introduci’The 2037 HOH Masterplan.’ E prome fase di e renobacion ta cuminsa den e lunanan nos dilanti.

Renobacion di cuido na San Nicolas

Na Instituto Medico San Nicolas (ImSan) ta bin un centro di oncologia na unda komt radioterapia y terapia kimico cu ta haci posibel trata pashentnan cu tin cancer.

Cuido di adictonan a wordo reorganisa y modernisa

A bin cu un Centro di Motivacion nobo pa adictonan cu ta bou curatela. E mehoracion di cuido di adiccion, tanto preventivo como terapeutico, ta marca un fortifi cacion den e cuido mental di Aruba.

Deporte y movecion ta haya mas atencion

salubridad3Deporte, movecion y salud ta wordo conecta cu otro den e vision nobo di salubridad. Esey ta e motibo cu e organisacion gubernamental pa promocion di deporte y movecion a bay over den IBISA. E evento ‘Cyclovia Educativo’ ta tuma lugar a base regular na Aruba. Participacion ta birando mas y mas grandi. Conscientizacion pa loke ta salud, nuticion, deporte y movecion a haci un cambio grandi na Aruba. Hendenan ta hopi mas consciente di loke nan ta come, cu nan mester haci mas deporte y biba saludabel.

Back to top

8. Seguridad

seguridad1Siguridad na Aruba ta un tema esencial. Pa combati criminalidad Ministerio di Husticia a bin cu un Unidad Canino K-9 completo, cu cachonan y nan handlers specialisa den rastreo di hende. Pa yuda ora hende perde, pero tambe den yuda busca malhechornan cu ta trata di scapa di man di Husticia. E cachonan aki por haci surveillance y rastreo di droga y hasta di cellular. Special ta cu e cachonan ta wordo entrena y prepara casi ful na Aruba mes pa trainernan profesional . Pa percura pa esnan cu a wordo sentencia keda bon vigila KIA a haya mas empleado. Beveiligers a gradua na mei 2013 despues di un curso di un aña hopi intensivo, incluyendo un stage, unda a exigi e maximo di nan. Mas agente di seguridad den KIA ta nifica mas oportunidad pa brinda presonan actividadnan y cursonan cu ta contribui na nan rehabilitacion. Pa prome biaha den historia Minister di Husticia a manda algun persona cu no a cumpli cu cu reclassering bek pa KIA pa completa nan sentencia. Un decision cu ta haci cu otronan ta percura pa mantene nan mes na e areglo cu nan tin cu reclassering pa no mester cay cera atrobe. A pone mas polis na trabou. A structura y modernisa e curso pa polis . Tambe a bin cu un grupo nobo di polis pa Aruba (N2) cu tin un funcion extra de provee seguridad como un cuerpo cu ta duna apoyo na Cuerpo Policial. E prome grupo a gradua y ta trahando caba, ofreciendo un miho seguridsd pa pueblo di Aruba. Ministerio di Husticia a percura pa un expansion di e Unidad Motorisa di Polis cu brommernan special di marca Harley Davidson. Cuerpo di Bombero y Rescate a haya dos spuitwagen, combinacion cu materiaalwagen y un materiaalwagen nobo cual a wordo construi special (cu instruccionnan di Brandweer di Aruba) na e fabrica Mericano Rosenbauer, cumpliendo asina cu e necesidanan local y di un cuerpo di bombero moderno.

Enseñansa Obligatorio ta keda introduci

seguridad2Tur hoben di 4 pa 16 aña mester bay scol. E ley aki tabata “on hold” pa hopi aña. Durante e actual gobierno a pusha pa su aprobacion y introduccion. Esaki ta un paso importante den e cumplimento cu e Acuerdo di Derecho di Mucha di Nacionnan Uni. Bureau Leerplicht ta supervisa y guia cumplimento di e ley. Leerplicht ta yuda tene muchanan for di caya, evita y controla e fenomeno di “drop outs” y ta conscientisa mayornan riba e derecho di nan yiunan.

Formacion Social

Tremendo iniciativa di Gabinete Mike Eman Formacion Social ta yuda hobennan scoge pa nan futuro riba e caminda corecto
seguridad3Na 2011 e prome grupo di hoben a cuminsa cu nan trayecto di Formacion Social. Un proyecto social cu tin atencion completo di gobierno y cu a wordo accepta unanimanente den Parlamento di Aruba. Formacion Social tin su impacto positivo pa henter Aruba y specialmente pa e hobennan masculino di Aruba entre 18 pa 24 aña cu no tin trabou, no ta bayendo scol ni tampoco tin un diploma. Pa evita cu e inactividad por pone nan bay e caminda robez, gobierno a bin cu e iniciativa aki pa asina brinda oportunidadnan nobo na hobennan riba nos isla. E prome grupo di 20 hoben a cuminsa na aña 2011. Nan a sigui un trayecto di 4 luna den MariniersKazerne pa haya nan training. E training aki ta encera disciplina, con anda cu otro, formacion fi sico y tambe ta pone atencion necesario riba temanan educacional, riba norma y balornan y consenshi social. Despues di e cuatro lunanan aki e hobennan aki ta bay pa e siguiente fase cu ta un curso di 4 dia pa siman durante ocho luna pa asina nan por haya un trabou despues. Durante e periodo di enseñansa aki e hobennan ta pasa tur diaranson un dia den MariniersKazerne. Tres grupo di hoben a atende e trayecto. Di esnan cu a termina e trayecto exitosamente a haya trabou y otronan a scoge pa sigui curso pa bay mas leu.

Protocol firma entre gobierno y partnernan social

E puntonan di accion ta contene temanan importante cu ta regarda Aruba henter. Prome cu 1 di september un comision di coordinacion ta wordo institui pa realisacion di un plataforma di siguridad. Esaki ta consisti di Kustwacht, Polis, Aduana, Inmigracion, AAA y APA.

Back to top

9. Dialogo Social

Prome Minister Mike Eman “Dialogo Social ta esencial den tuma decisionnan clave”
dialogo_socialManera cu a wordo priminti den campaña Gabinete Mike Eman a introdui e plataforma Dialogo Social. Durante e gobernacion anterior gremio y otro institutonan a pidi na varios ocasión pa por dialogo cu gobierno. Un peticion cu nunca A wordo honra. Mirando e importancia di dialogo y peticion di lidernan sindical, dunadornan di trabou y otro institucionan, Gabinete Mike Eman a institui e Plataforma importante Dialogo Social. Aki temanan c uta na interes di Aruba y e comunidad riba un base amplio ta wordo trata, discuti, delibera te yega na un consensus. E necesidad tabata existi pa bin cu un maneho balansa pa asina tin un clima di confiansa entre partnernan social y gobierno y tambe cu ta existi e deseo pa tin un reparticion husto di gasto y entrada pa asina yega na un maneho presupuestario cu ta tanto saludabel como sostenibel. Loke a caracterisa henter e proceso di dialogo social ta e respet mutuo cu a domina henter e curso di negosacionnan cu ta tuma lugar. E dialogo social riba su mes ta un caso unico cu por wordo cataloga como historico den cronica di pais Aruba. Nunca antes gremionan, partnernan social y gobierno a debati cu otro den forma habri sirbiendo interes di e pais aki y su hendenan manera a sosode den e periodo cu ta tras di lomba. E ta un refleho di e forma habri cu e gobierno aki ta para den comunidad. A yega na varios consensus den e diferente Dialogonan cu a tuma lugar den e añanan cu ta tras di lomba. Reparatietoeslag, solucion pa e situacion financiero den AZV, AOV y APFA, Reformanan fiscal den e sistema di pensioen di empleadonan publico como di mandatarionan, cu tabatin impactonan grandi, reduccion di prijs di awa y coriente, pasonan importante tuma pa mehora e poder di compra y mucho otro decisionnan di sumo importancia. Dialogo Social a demostra su derecho di existencia.

Back to top

10. BoAruba, un joya di un programa

Comunitarismo den tur aspecto
boaruba1
boaruba5
Programa BoAruba ta encera diferente proyecto cu tin su enfoke tanto riba tereno di infrastructura como social, educativo y deportivo. E proyectonan BoBario, Renobacion di Bario, Pinta Bo Bario y Deporte den Bario cu ta resorta bou di plan total BoAruba tin un meta comun: mehora calidad di bida di tanto e comunidad Arubano como e producto Aruba. E actividadnan extenso ta implica inversionnan grandi pa drecha e aspecto fisico di Aruba.
Ta construyendo camindanan nobo, ta revitalisa centro di Playa y San Nicolas den tur sentido, scolnan y e barionan tur rond Aruba ta wordo drecha. Henter comunidad di Aruba ta wordo envolvi den e programa BoAruba cu pesey mes a haya e nomber indicativo aki. Edificionan den y rond di caya grandi a y ta wordo restora. Centro di ciudad di Aruba ta kedando cla y ta kedando fantástico.

boaruba3E tram ta coriendo treciendo turitsnan crucero pa caya grandi. Proyectonan cu ta regarda e infrastructra ta den construccion caba y otronan ta planea pa wordo construi den e periodo nos dilanti. E caminda di cuatro via (vierbaansweg) ta wordo construi den e añanan nos dilanti, ta construi un ringweg rond di centro di Oranjestad, e edificio monumental di Corte a wordo restora completamente lagando intacto su estilo original y ta den wordo entrega. E “Binnenhof” tras di Bestuurskantoor ta den construccion mescos cu e edificio anexo di Bestuurskantoor. Watertoren na Playa a keda cla y esun na San Nicolas ta wordo reconstrui. E edificio mas bieu di Aruba Willem III Toren lo wordo renoba mescos tambe Fort Zoutman. E cas di Gobernador ta haya un restoracion completo pa wordo converti den un museo. E area rond di Lagoen na Playa ta wordo desaroya y ta birando un centro di recreacion. Containernan di Playa ta muda pa Barcadera y e sitio ta wordo converti den un parke di diversion, un luga pa landa y pa eherce deportenan acuatico. Cu participacion di e habitantenan y gruponan di interes, Gabinete Mike Eman ta mehora un gran cantidad di bario na Aruba. Parti di esaki ya ta den ehecucion caba. Barionan ta hayando iluminacion, asfalt, trottoir y polis di bario ta haci su entrada bek den e barionan. E deporte sumamente popular PannaBol bou guia di hobennan deportista ta wordo hunga dor di grandi y chikito den bario y na scolnan cu masha entusiasmo.

boaruba2Pintamento di casnan di pueblo dor di hobennan di e bario mes ta den pleno ehecucion. Esaki ta wordo haci den cooperacion cu FCCA. Un proyecto masha bunita mes. E interes di parti di e hobennan pa pinta e casnan den nan bario y haya a cambio un entrada modesto ta grandi.

Comunitarismo

boaruba4Cu e programa BoAruba Gabinete Mike Eman ta realisando comunitarismo den tur aspecto y tur sentido di palabra. Comunitarismo ta pone accento riba e necesidad pa balansa e derechonan y interesnan individual na esnan di henter e comunidad y ta argumenta cu indivoduonan ta wordo forma dor e cultura y balornan di nan comunidad. Practicando comunitarismo na Aruba Gabinete Mike Eman ta trece bek norma y balornan cu ta haci un comunidad loke e mester ta. Un comunidad caminda e habitantenan mes ta percura pa nan bario y pa otro. Ta duna un man unda mester y ta contribui na su bario ora esaki ta wordo pidi di dje. Un Aruba prospero y uni ta unda e prosperidad ta cana paralelo cu e bienestar di cada ken.

Pa mas informacion tocante BoAruba – www.boaruba.com

Back to top

11. Green Aruba – Vision pa 2020

greenaruba1Na aña 2010 Aruba a organisa su prome conferencia riba energia berde, Green Conference I. Un evento magistral cu tabata un exito grandi. Vice Prome Minister Mericano Al Gore tabata e orador principal na e conferencia aki cu a atrae participanten di tur parti di mundo. Aruba den luz berde, luz di speransa. Gore ta masha preocupa cu medio ambiente y a bin pa comparti su preocupacion cu Aruba. E conferencia a enfoca riba uso di energia alternativo pa rescata e mundo aki pa generacionnan cu ta bin. Banda di e icono Al Gore e conferencia a conta tambe cu presencia di e prome astronauta Hulandes Wubbo Ockels di TU Delft y e orguyo di Aruba Edward Cheung. Na 2011 Green Conference tabatin su Mahestad Willem-Alexander como orador principal y na 2012 Presidente di Carbon War Room Jose Maria Figueres. Green Aruba a marca pauta den e region aki. Resultadonan di Green Aruba ta bisto. TNO a establece su mes aki. Goberono di Aruba a cera acuerdo cu Carbon War Room pa haci haci independiente di combustibel fosil na 2020.

Centro di estudio TNO y pais Aruba ta traha hunto pa haci di Aruba un pais duradero

tnoNa final di e conferencia exitoso “Green Aruba II” den presencia di Prins di Oranje – awe nos Rey – e acuerdo di cooperacion entre pais Aruba y TNO a keda firma. E centro di estudio TNO Caribe cu a habri na Aruba ta uno bentahoso pa Aruba cu lo sirbi e comunidad aki den tur sentido di palabra. Meta di e acuerdo firma aki ta pa haci di Aruba un pais duradero. Mientrastanto TNO Caribe ta completamente envolvi den e desaroyonan duradero di Aruba, manera realisacion di un asina yama ‘smart community’ den e bario di Kibaima, instalacion di panel solar na EPI, conscientisacion di e comundidad riba uso di energia berde, estudio avansa riba bio-alga y mucho mas. TNO ta brinda trabou na yiunan di tera cu ta trahando riba varios proyecto mas cu ta na bienestar di Aruba. TNO a scoge pa establece su mes na Aruba pasobra Aruba ta un partner stabil y Aruba por sibri como un hub pa Latino y Medio America.

Carbon War Room

greenaruba2Gobierno di Aruba y Carbon War Room ta haci compromiso pa transforma Aruba den uno liber di combustibel fosil.

Na Río de Janeiro Gobierno di Aruba y Carbon War Room (CWR) – e iniciativa mundial funda pa e empresario Britanico Sir Richard Branson y un grupo mas di empresario – a anuncia un alianza pa cambia e isla Aruba den uno cu ta draai 100% riba energia duradero. E anuncio aki a wordo haci diaranson 20 di juni 2012 na e cumbre di Nacionnan Uni Rio +20. E partnership aki ta haci di Aruba e prome economia sostenibel na mundo cu tanto Carbon War Room como e New American Foundation trahando hunto pa diseña y implementa un strategia integral pa por haci e transicion di e economia en general e prome na mundo. Aruba tin beinto na abundancia, un solo cayente y un lama cu olanan grandi.

Back to top

12. Di tres pilar economico

ditrespilar2Na cuminsamento di luna di mei 2013 na Aruba e conferencia ‘Europe Meets the Americas” a wordo teni. Un evento sumamente exitoso. Mas di 250 empresa a inscribi y tabatin riba 750 participante. Meta principal di e conferencia, mustra e companianan cu ta participa riba e posibilidadnan cu Aruba ta brinda haciendo uso di e bentahanan cu e tin dor di e relacion cu Reino, di e posicion strategico, e siguridad y stabilidad di Aruba como un epicentro entre e continentenan, a wordo logra. Aruba Gateway e idea visionario di Prome Minister Eman a capta atencion di tur presente. Durante Europe Meets the Americas kier a midi e factibilidad di e concepto Aruba Gateway. Esaki a keda demostra. Aruba por mira den e concepto aki e di tres pilar economico. Aruba mester haci inversionnan importante pa haci e concepto aki un realidad. Parti di loke gobierno kier realisa cu e concepto Aruba Gateway ta cu Aruba ta bira e centro di inteligencia, ‘Centre of Excellence’ na unda por haya tur informacion. Un compania na Colombia cu kier exporta flor of un cu kier exporta material di construccion pa Hulanda y no sa cu ken e tin cu atende, por acudi na e centro di excelencia na Aruba cu tin tur e informacion necesario cu ta haci di Aruba e loket unda empresanan ta acudi prome bay direccion Europa. Di otro banda por mira e mesun proceso aki caminda Aruba ta e loket pa companianan di Europa of Hulanda cu kier bay den direccion di Latino- America, Centro America of Caribe. Nan ta atende nan peticionnan via Aruba cu lo profesionalisa su mes den conocimento di mediacion pa trece partidonan hunto. Tambe Aruba por ta e vitrina caminda cu cierto proceso por wordo desplega pa mira con nan ta funciona. Durante e conferencia a resalta cu Aruba mes ta scoge e direccion di un desaroyo sostenibel den caso di energia y social economico pa fortifica e posicion di Aruba como mediador.

ditrespilar1E puntonan fuerte di Aruba ta legio. Su posicion geografico bentahoso, su infrastructura di calidad halto su aeropuerto moderno, e bon facilidadnan portuario y tambe di telecomunicacion, hendenan bon studia cu ta papia e idioma di e paisnan envolvi y cu ta conoci cu e cultura regional, un gobierno stabil y e siguridad hudicial cu Reino ta brinda. E concepto Aruba Gateway ta ofrece oportunidadnan nobo, no solamente pa Aruba pero tambe pa e mundo empresarial di Hulanda y di otro partinan di Europa y Latino America. E conferencia ‘Europe meets the Americas’ tabata e lugar perfecto pa empresario y inversionista por a topa cu otro y cera acuerdonan.

ditrespilar3

E cantidad di MOU’nan firma ta ilustrativo pa un di tres pilar economico pa Aruba.

Back to top