fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Violencia contra hende muhe na Aruba ta parse di ta bayendo den un direccion peligroso

Parlamentario di fraccion di AVP, Jennifer Arends-Reyes a tuma nota cu na Aruba tambe ta participa den e campaña internacional contra abuso di Nacionnan Uni ‘UNwomen’, cual ta un campaña cu ta lucha pa hendenan muhe y muchanan muhe. E campaña aki ta di 16 dia di activismo y conscientisacion pa henter e comunidad. El a cuminsa dia 25 di November pero ta terminando dia 10 di December, cual ta e dia internacional di derechonan humano.
Segun informacion di FPHDD na Aruba 1 den 3 hende muher a yega di experiencia un of otro tipo di violencia sea ta sexual of fysico for di un pareha intimo. Esaki sigur ta un statistica cu no por sigui acepta y pa e motibo ey mester kibra e silencio riba e topico aki.
Varios pais rond mundo, specialmente Europeo, tin extra facilidad y ley cu ta traha na beneficio y proteccion di hende muhenan, di cual ta inclui e topico di ‘sexual harassment’. E topico aki ta forma parti di e desigualdad di poder cu por existi entre hende homber y muhe, el a indica. Esaki ta conduci na un forma di violencia cu ta relata genero, pero den e caso aki hende muhe. Tin biaha e ta un corelacion directo cu discriminacion y tur esaki ta pa motibo di genero y ta bay contra di derechonan humano.

Aki na Aruba tin varios actividad manera e simposio specialmente pa e trahadornan social cu Fundacion pa hende muhe den dificultad a organisa. Pero mester duna un pabien na e fundacion aki, pero tambe otro instancianan y departamentonan cu ta haciendo trabounan valioso pa mitiga e fenomeno aki den nos comunidad.
Parlamentario Arends-Reyes ta kere cu e topico cu ta exigi e participacion y compromiso di tanto sernan femenino como sernan masculino, sector publico y sector priva.

Tin diferente violencia contra hende muhe rond mundo y ta parse cu esaki ta creciendo na Aruba te na un extremo cu a conose varios caso cu consecuencianan fatal. Tur caso di maltrato por tin un efecto grandi tanto pa gobierno, sector priva, salubridad, productividad laboral y bienestar general di nos hendenan. Pa motibo di esaki e ta di suma importancia pa sigui duna tipo di topiconan aki su debido atencion. Por ripara cu na 2012 Hulanda a ratifica e Tratado di Istanbul y a aproba esaki na 2015 pa Tweede Kamer. Pero na 2016 a implementa esaki y a tuma su tempo por a realisa esaki completamente.

Den articulo 1 di Aruba su constitucion a reconoce cu na Aruba no mag conoce discriminacion pa ningun motibo. No mag di discrimina niun hende su genero, pero tambe nos a ratifica e tratado di derechonan di mucha hunto cu Reino Hulandes na aña 1995. Pa paisnan cu ta parti di Reino e tratado di Istanbul ta uno importante pa  traha riba dje. E tratado aki ta rekeri entre otro inversion pa un centro di crisis cu ta disponibel 24/7, tipline, extra personal, asistencia huridico y financiero, pero tambe e compromiso politico pa realisa y sigur pa motibo cu e ta mara na condicionnan y control di Union Europeo.

Fraccion di AVP ta interesa den e topiconan aki unda cu kier mira accionan pa mehora esaki na beneficio di hendenan muhe. Violencia contra hende muhe por ta fisico, mental of sexual ta inaceptabel pero mescos cu tur otro violencia. Esaki no mester bira algo cu nos comunidad chikito ta tolera of acepta. Pa Parlamentario Arends-Reyes hende muhenan di Aruba ta e motor di nos famianan y p’esey nan ta importante den nos comunidad. Durante añanan e fraccion di AVP a trata e topico aki cu diferente persona y den diferente reunionnan di Interparlamentario di Reino, Interparlamentario di Latino America y Caribe. Y e compromiso ta keda pa sigui traha hunto na bienestar di hendenan muhe y lucha contra violencia contra hende muhe.