Un mocion pa pidi sosten pa nos grandinan cu no tin suficiente entrada pa paga un centro di cuido priva

 In AVP

Parlamentario drs. Mervin Wyatt-Ras den su dissertacion durante tratamento di presupuesto di Salubridad a trece padilanti cu e ta contento cu minister a continua cu maneho di gobierno anterior pa loke ta trata e proyecto di IMSAN pa haci esaki un centro oncologico. Gobierno lo bai traha cu Baptist Health manera minister anterior a inicia y ora cu logra cu JCI acredita lo por sigui cu e trajecto di stimula turismo medico. 

Gobierno a continua cu ampliacion di eerste lijn y lo sigui emplea mas Praktijk Ondersteuners pa atende pashentnan diabetico y cu presion halto etc, dor di cual e referencia pa specialistanan lo por baha. Tambe ta implementando e leynan cu gobierno anterior a presenta den pasado y cu a pasa den parlamento, esta e leynan di Cuido di Calidad, di Cuido di nos Grandinan y di BIG. 

Asina tambe lo lanta e Instituto di Calidad pa evita discucionnan innecesario ora ta implementa ARUBIG. Na e momentonan aki minister ta den un impasse pa loke ta trata ARUBIG. Ta di importancia pa e bai bek na mesa cu stakeholders pa por logra haci posibel e mediconan, tambe esnan cu studia den region, por traha na Aruba, segun normanan cu ta garantisa calidad. IVA cu ta encarga cu inspeccion di salubridad mester haya tur sosten di gobierno pa haci un bon trabou pa garantisa cu ora tin keho esakinan ta ser trata debidamente y cu ta tenecuenta cu derecho di e pashent y natural tambe su debernan. 

Wyatt-Ras ta haya pa loke ta trata implementacion di e ley di Cuido di nos Grandinan ta necesario pa dunan sosten na esnan cu ta traha ariba esaki paso nos grandinan cu a cuida nos ora nos tabata chikito, mester por haya tur atencion. Pa e grandinan cu dor di e situacion na cas no por keda eynan y cu no por paga nan internacion den un ecasnan di cuido privapaso esaki a bira mas caro, ta necesario pa gobierno sostene e grandinan aki financieramente pa nan por ser interna. Aki ta trata di e grandinan cu kizas tin Alzheimer of tin un of otro tipo di dementia. 

Wyatt-Ras ta haya cu dor di nos lifestyle e cantidad di malesanan chronico ta creceiendo y cu gastonanan di AZV tambe ta sigui crece. Gobierno a hisa e BAZV  y a spera cu e landsbijdrage lo baha te bira zero sinembargo pa otro anja lo mester sigui cu landsbijdrage. Wyatt-Rasa puntra gobierno kico lo bai haci pa haya placa pa AZV y no a haya contesta satisfactorio. 

Wyatt-Ras a enfatisa pa ricibi un documento di minister cu ta regarda conclusionnan di e bestuurlijk overleg di 22 juni na Corsou pa loke ta trata cooperacion den Reino. Porfin a ricibi esaki. Wyatt-Ras kende tabata kwartiermaker pa e grupo di trabou di Salubridad unda cu parlamentonan a haci peticion na nan gobiernonan pa coopera cu otro y pa bini hunto a logra cu gobierno di Aruba a organisa 2 Health Care Conference. A logra pa goboernonan firma diferente MOU pa loke ta trata cooperacion entre Inspecties, International Health Organisation y tambe pa keda reuni pa asina stem af entre e paisnan, manera intercambio entre profesionalnan, compra hunto di medicina pa baha gasto etc.   

Minister mester ta menos arogante segun Wyatt-Ras y entrega documento pa ora nos como parlamentario tin reunion den Reino nos ta prepara di kico ta ser haci. 

Un otro punto cu Wyatt-Ras a atende ta e asuno di baby Luna. Fraccion di AVP a yega di presenta un mocion pa AZV haci cierto tratamento posibel pa babynan cu tin mester atencion especial y awor ta pidi minister pa sostene den e caso aki tambe. Paso a keda demostra cu e baby aki a biba y ta necesario mas yudansa. 

Wyatt-Ras a reacciona fuerte riba minister Oduber na momento cu e tabata menciona su nomber ora ta papia di LOTTO pa deporte. Aki Wyat-Ras a bisa e minister pa e stop di yora y atende cu e asunto y no purba tira lodo riba otro hende. E tin su caminda pa cana como mandatario y mester sinta na mesa cu nan. Tambe e parlamentario a haci pregunta encuanto di personanan cu bai den exterior pa tratamento medico pa traha un protocol pa trata e patientnan aki segun derechonan humano. Esaki a base di un mocion aproba den Parlamento. Minister no a contesta e pregunta aki. Asina por mira cu ta facil pa minister bin Parlamento, tira palabra pero no contesta cierto preguntanan.  

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search