fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Tienda di Ley ta sigui brinda servicio comunitario den luna di mei 2019

Despues di e vakantie y dianan di fiesta tras di lomba, Plataforma Hobennan Profesional kier comunica na pueblo di Aruba cu Tienda di Ley lo continua brinando comunidad di Aruba cu conseho huridico sin costo. 

Hopi ciudadano ta bishita Tienda di Ley pa sea a busca informacion, pa haya asistencia den lesa documento huridico of wordo yuda pa yena esakinan. Cu grato placer e miembronan di Tienda di Ley ta yuda tur ciudadano cu mester di e ayudo aki. Plataforma Hobennan Profesional ta mira cu e oportunidad cu nos miembronan ta haya door di pone den practica loke nan ta hayando den nan estudio di Ley ta di balor agrega. 

Tienda di Ley lo continua cu su servicionan na comunidad diasabra di 3 ‘or te cu 5’ or di atardi. No solamente por aserca Tienda di ley cu casonan/preguntanan huridico pero tambe tin un team special encarga pa yuda ciudadanonan cu ta buscando trabou y cu mester traha CV of carta of simplemente kier aplica pa un trabou online. 


Miembronan di Tienda di Ley kier gradici comunidad pa e aceptacion y confiansa. E meta di Tienda di Ley ta pa continua yuda comunidad y sigui forma nos profesionalnan cu curason pa yuda comunidad. E invitacion ta pa tur ciudadano pa acudi na Tienda di Ley, diasabra 4 mei 2019 na Cas di partido AVP na Playa di 3 pm – 5 pm.