fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 SIMAR contento cu dialogo y a scucha preocupacion di otro sindicatonan

Sindicato SIMAR tambe a participa den e brainstorming session organisa pa AVP, Fundacion Mito Croes y Fundaciona Digna Lacle Herrera. Lider di Partido mr. Mike Eman a dirigi e brainstorming cu un panel di colega y conseheronan, parlamentario Robert Candelaria, dr.mr. Rycond Santo do Nascimento, mr. Franky Hoevertsz, drs. Rene Herde y Carl Giel. 

“Esaki no ta prome biaha cu SIMAR a participa den un forum asina, unda ta wordo dialoga riba diferente topico y nos como SIMAR semper ta haya hopi importante pa ora cu kier papia riba e topico di enseñansa, pa por tuma nos informacion cu nos tin pasobra nos diariamente ta den contacto cu veld di enseñansa, nos sa e retonan cu tin.

Loke nos a gusta den  e session di awe ta cu nos a dialoga y nos  tende di otro sindicatonan con nan tambe ta pasando den e retonan cu covid a trece cune.

Tin biaha bo ta pensa cu cerca bo e ta mas pio cu e otro pero ora cu wak e bon, e ta algo cu ta dal nos tur y nos por a wak akinan cu preocupacion cu nos como SIMAR tin, ta mesun preocupacionnan cu otro sindicatonan tambe tin den nan sectornan.

Tabata hopi bon pa waki cu nos a dialoga riba diferente topico, nos sa cu e retonan cu nos tin, no ta caba mayan pero dialogando, tendiendo di otronan kico nan ta hacienda of con nan ta experenciando, tambe por duna nos tips pa nos tambe bay bek den nos veld y wak conhutamente con nos por sigui bay dilanti.

Nos por bisa cu nos a haya oido awe caminda nos por a vocifera nos opinionnan y nos a dialoga riba dje pero pa cierto cosnan bo ni tin un opinion pa bisa cu esaki ta e miho solucion.

Pesey ta bon cu a wordo evalua, a tuma nota di e participacionnan y cu despues nos por wak con conhuntamente nos por sigui bay dilanti pasobra esey ta e parti mas importante  ya cu nos tin cu sigui bay dilanti y nos tin su surpasa e situacion cu nos ta aden y cu aunke e no ta facil, pero tin cu wak conhuntamente con nos tin cu sigui.

A atende tambe e Landspakket pero ta awe e gremio sindical a haya e Landspakket di gobierno    y nos por a tuma nota di dje pero nos no a bay hopi diep den dje te ainda como SIMAR pero den e session tabatin diferente preocupacionnan cu a bin dilanti y cerca nos di SIMAR, loke nos a trece dilanti ta cu e Landpakket tin hopi tabel cu hopi palabranan chikito, cu no ta hopi largo, cu no ta amplio y nos ta bisa cu e nadere toelichting nos lo kier sa con cada punto cu tin buta aden, lo wordo ehecuta despues.

Esey ta e parti cu nos di SIMAR ta sinti falta di dje ainda,” Presidente do SIMAR     Josephine Albertus  a declara. Nan tabata contento di por a worde scucha y por a participa na e Brainstorming aki cu partido AVP y su hala scientificonan a organisa.