fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Sessionan di Tienda di ley lo continua januari 2020

Durante aña 2019 e huristanan den opleiding na Universidad di Aruba a logra atende hopi persona cu a acudi na Tienda di Ley na Cas di Partido pa haya asistencia huridico. Loke a resalta den e aña aki ta cu major asistencia a ser solicita pa casonan di belasting, labor y asuntonan relaciona cu permiso y naturalisacion y derechonan familiar y herencia.

Manera ta conoci hobennan di PHP ta brindando asistencia riba diferente tereno. Dependiendo di e contenido di e caso y experiencia di nos hobennan hurista den opleiding ta brinda e asistencia rekeri. Hopi demanda tin pa por ehempel bezwaarschriften contra di cobransa di impuestonan cu ciudadanonan ta concidera inhusto. 

Tin ciudadano ta acudi na Tienda di ley tambe ora cu nan confronta problema laboral. Dependiendo di e circumstancianan concreto ta brinda e asistencia na e ciudadano. Cu orguyo nos por bisa cu nos huristanan den opleiding a logra brinda asistencia efectivo den e casonan aki. Den cierto caso specifico trahadornan cu a wordo manda cas a hasta logra haya nan trabou bek. Pa nos esaki ta un logro y ta un satisfaccion inmenso.

Den aña 2019 e team di Tienda di Ley a sigui desaroya y miembronan a crece den experiencia, conocemento, academicamente y profesionalmente. E team por a conta cu graduacion di Gerick Croes pa su Bachelor of Laws y actualmente den fase inicial di su Masters of Law. Pa 2020 nos lo bai conta cu graduacion di Minorca Martis, Jessica Burgos y rumannan Wendrick & Wendert Cicilia den Bachelor of Laws y Juan Manuel Kelly den su di dos anja na Universidad di Aruba, tambe pa alcansa su Bachelor in Law. PHP awor tin un anja caba por conta cu sosten tambe di Victoria Sequera graduado Bachelor den Organization Government Arts and Science di Universidad di Aruba y recruit nobo Dorshon Salmon, studiante tambe na Universidad di Aruba.  

Pa 2019 den e dianan di Pasco e servicionan di Tienda di Ley ta keda suspendi te cu 11 di Janurai 2020. Plataforma Hobennan Profesional (PHP) y especialmente boluntarionan, hurista y abogadonan y nos huristanan den formacion kier a gradici pueblo pa su sosten den 2019. Ta desea pueblo un Pasco Bendiciona y un felis cambio di aña y hopi prosperidad, salud y crecemento profesional den 2020.