fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 SDG 1 ta haci compromiso pa “no poverty” y na Aruba poverty ta bati na porta !

“Un di e metanan principal cu mundo a pone su dilanti pa e siguiente anjanan ta pa combati pobresa. E ta SDG # 1: No poverty” y na Aruba lamentablemente nos lo no por raporta positivamente riba e avance di e meta aki e ultimo dos anjanan”, e lider di AVP, mr. Mike Eman a expresa awe. 

Mr. Mike Eman a haci esaki durante un Conferencia di Prensa hunto cu dr. mr. Rycond  Santos do Nascimento, Presidente di Fundacion Digna Lacle Herrera caminda nan a anuncia e desaroyo di un Plan Aruba nobo di AVP. E marco di guia y referencia di plan nobo aki lo ta e 17 Sustainable Development Goals (SDGs) cu a worde adopta na United Nations. Dia 22 y 23 di juni Partido AVP hunto cu su fundacion y expertonan local y internacional den un “retreat” special a inicia e dialogo y refleccion riba Plan Aruba nobo y e asercamento holistico aki mr. Eman a splica.

ExPromer Minister Mike Eman mes a hiba palabra na United Nations den nomber di Reino na momento cu a planta e compromiso di e 17 metanan importante pa alcansa un mihor calidad di bida pa humanida y durabilidad sano di nos planeta y su naturalesa. Eman a splica cu den pasado su gobierno a enfoca hopi riba sera e diferencia cu tabata tin entre desaroyonan na Aruba pa asina por yega na un prosperidad mas duradero y hustamente comparti entre tur ciudadanoann y den cada region di nos Pais. Pesey a traha riba renobacion di barionan, centronan di ciudad, schoolnan y mehoracion di poder di compra. Y tur esaki den Dialogo cu comunidad.

Awor Eman ta splica e vision lo ta basa riba un asercamento holistico di tur e 17 metanan universal (SDGs). Esaki ta reguiri un dialogo intensivo y habri den comunidad, pasobra cu esfuerzo y un bon vision hopi lo por worde alcansa, pero ta bai tin tambe cosnan cu lo mester bai den otro forma. E ehecusion di un meta, por ehempel esun economico no lo por bai a costo di esun di medio ambiente of salud di nos hendenan. Lo mester traha cu creatividad caminda un meta ta fortifica e otro. Un economia y desaroyo basa riba e principionan circular, caminda un desaroyo ta sirbi e otro desaroyo y den e balansa aki ta logra e prosperidad social y durabilidad di nos naturalesa y planet. Pa esey e compromiso lo mester ta uno hopi cla y cu apoyo di gran parti di comunidad pa por realisa e prosperidad comparti dentro di margen di un desaroyo ecologico sano, positive y sostenibel.

Pa logra esaki mr. Mike Eman y dr Rycond Santo do Nascimento a splica cu Partido AVP hunto cu Funadacion Digna Lacle Herrera y Fundacion Mito Croes lodesaroya e vision aki di un forma democratico y participativo, usando metodonan cualitativo y cuantitativo pa compila e datonan necesario. Cu e meta aki AVP lo combina reunionnan den formato di Dialogo Social, Town Hall Meeting y Mil Voz cu ta incorpora tambe formatonan moderno digital cu diferente encuesta pa reuni datonan (metodo cuantitativo).

E Lider di AVP, mr. Mike Eman a invatisa cu e marco di referencia y obhetivonan universal di SDGs ta duna un bon cuadra pa bai traha e vision y Plan Aruba holistico aki. Si mira con SDGsnan, cu tabata desaroyando den un bon direccion y awor ta baiendo den un rumbo negativo cu Gabinete Wever Croes e ta haci e asercamento y e Plan Aruba holistico di AVP mas urgente ainda. Mr. Eman ta duna como ehempel: SDG 1; No poverty; SDG 2: No hunger; SDG 3: Good Health and Well-Being; SDG 4: Quality Education; SDG 7: Afordable and Clean Energy; SDG 11: Sustainable Cities and Communities. Si mira cuanto nos tabata haci pa avansa e metanan aki y con awor nan ta baiendo atras anto e urgencia pa e Plan Aruba di AVP ta hopi grandi, mr. Mike Eman a finalisa bisando.