fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Richard Arends: Ta felicita Banco Central digitalisacion di sistema di pago ta un realidad

Recientemente Banco Central di Aruba a anuncia cu nan a sera un aliansa cu equensWorldline cu lo suminstra infrastructura pa hasi un sistema di pago instantaneo posible.

“Na januari 2019 nos por bisa cu Aruba ta drenta den sistema di pago digital,” Parlamentario pa fraccion di AVP y ex-minister encarga cu Asuntonan Economico, Sr. Richard Arends, a declara. “Palabranan di elogio na e ekipo Banco Central ta na su lugar pa nan empeñonan pa hasi esaki un realidad.”

 

E reto di mas grandi pa modernisa nos sistema di pago tabata digitalisacion di nos sistema di pago, di cual e-commerce ta forma un parti di dj’e. Aña pasa a cuminsa cu creacion di un road map pa modernisacion di nos sistema di pago cu lo mester a resulta den creacion di un solo plataforma digital interbancario.

Cu e aliansa aki y remplaso di e sistema actual di clearing & settlement Aruba ta drenta den un era nobo den su desaroyo economico caminda pagonan lo tuma lugar den real time entre diferente banconan comercial.

“E-commerce cu ta basa riba un sistema di pago digital ta bira asina un realidad a partir di januari 2019,” Sr. Arends a declara.

 

E creacion di un solo plataforma digital interbancario ta mehora eficiencia y ta garantisa e level playing field pa tur esnan cu ta participa den nos economia. Como legislador Parlamento tin un rol den esaki hunto cu Gobierno, pero tambe sector comercial y bancario tin un rol di igual importancia.

“Sin nan contribuicion esaki lo no ta posible,” Sr. Arends a bisa. “Ta trata aki di un hecho historico unda cu lo wordo demostra cu digitalisacion ta acelerador di progreso economico.”

 

Digitalisacion di Aruba su sistema di pago ta forma parti di e plan strategico 2016-2020 di Banco Central di Aruba y for di Parlamento nos lo keda monitoria e inicitivanan aki pa sigui avansa riba e tereno aki y contribui for di un aspecto legislativo, Sr. Arends a conclui bisando.