fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Reapertura na 30% di capacidad lo ta e ‘normal nobo’

Miembronan di e Comision Fiho di Turismo di Parlamento tabata di bishita na facilidadnan di Aeropuerto Internacional Reina Beatrix caminda nan a haya un recorido y a ricibi splicacion riba e proceso con lo ricibi e bishitantenan. Mescos cu den henter e cadena turistico, aeropuerto tambe a prepara su mes pa ricibi e bishitantenan di mihor forma pa asina garantisa e especto di salud. “Aunke cu tin hopi procedura y reglanan nobo pero e pregunta cardinal ta keda: con ta garantisa tambe e parti di salubridad di esunnan cu ta traha den aeropuerto pero tambe esunnan cu bishitantenan lo tin contacto cu nan,” Parlamentario Richard Arends a declara na salida di e terminal.

Como oposicion responsabel nos mester ta realistico y trece preocupacionan dilanti riba loke ta spera nos e lunanan nos dilanti. E reapertura di frontera aunke cu ta algo sumamento positivo, no ta bay keda pa nos sin reto pa nos mesun hendenan, ni tampoco sin reto pa comercio y pa e recuperacion economico riba su mes,” Richard Arends miembro di fraccion di AVP a declara. “Aeropuerto lo opera na 30% pa e aña aki ainda y e vuelonan planea tambe lo ta 30% di nan capacidad normal. Un recuperacion largo y lento no mester wordo hasi mas largo, mas lento y mas dificil. Akinan Gobierno tin un rol importante pa duna e sosten necesario,” e la declara na salida.

E asina yama carchi di imigracion, cu mester wordo yena pa e bishitante digitalmente, no ta funcional ainda un siman prome cu apertura di e fronteranan. “Nos tur ta sali for di e punto di bista cu e bishitante ta yena e carchi aki cu tur frankesa y honestidad, pero esaki no ta un garantia cu esaki ta wordo yena corectamente,” e parlamentario a bisa. Mientras cu tin testnan delinea na aeropuerto pa ora cu bishitantenan yega y un staf medico presente, no ta un secreto cu hopi biaha un test hasi un dia por sali negativo y algun dia despues positivo. Internacionalmente esaki ta un recurencia tanto na Europa, Latino America pero tambe na Merca.

“Ta di elogia cu tur actor den turismo, aeropuerto,  hotel- y restaurantnan ta hasiendo nan maximo esfuerzo ta mantene nan mes na reglanan di higiene. Pero nos tur sa cu distanciamento social ta keda un reto,” e la bisa. “Den noticianan internacional nos por a mira cu na Schiphol tabata imposibel pa mantene e rij di 1.5 meter y esey cu buelonan ta hopi limita mes. Tambe TSA na Merca a señala cu e protocolnan no ta funcionando pa nan por eherce e controlnan necesario.” Esakinan ta preguntanan pertinente cu a wordo hasi, mirando cu e situacionan por ta aplicable aki na Aruba tambe no solamente na aeropuerto, pero tambe den sector hotelero cu por wordo poni responsable pa nan bishitante. 

No ta conoci ken lo cubri e gastonan relaciona cu e bishita di e turista, ora cu a pasa tur test satisfactoriamente na entrada, pero toch resulta positivo of mester bay den cuarentena of isolacion. “Hopi biaha bishitante nan ta paga na vacacion adelanta, no solamente su hospedahe, pero tambe tours, estadia y cuminda prepaga. Ainda no tin claridad si esakinan lo wordo rembolsa y cua instancia lo hasi esaki,” e parlamentario a ilustra. “Esaki sigur ta hasie mas fastioso pa un turista bishita nos isla y e asunto di seguro cu ta cubri COVID-19 ainta ta confuso.”