fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Pueblo tin tres aña na merced di un gobierno cu no tin vision y ningun perspectiva economico

Den tres aña di gobernacion di Gabinete Wever Croes, pueblo di Aruba a bin realisa y confirma cu e tin un gobierno cu no tin vision y uno cu ta sin perspectiva, miembro di fraccion di AVP, Mike de Meza a declara durante conferencia di prensa.

Sr de Meza a sigui mustra cu Aruba ta un pais na e momentonana ki sin perspectiva economico, ya cu nignun hende sa kico ta e plan di gobierno a corto of largo plaso y ta mustra cu practicamente Prome Minister Evelyn Wever Croes, ya caba a dicidi di pone e pais den man di gobierno di Hulanda.

“Realmente pueblo no sa kico ta bay pasa, ya cu ni Parlamento sa kico ta pasando den e relacion di gobierno di Aruba y esun di Hulanda y asina por menciona cantidad di otro asuntonan cu pueblo no tin nocion kico lo bay pasa cu esakinan.

Por ehempel ningun hende den pueblo sa kico ta pasando cu e refineria, caminda a permiti un compania miyonario manera CITGO, Sali for di un contract c’un balo di 350 miyon florin y laga e compania aki bay sin paga un debchi.

Prome Minister a anuncia un plan grandi di su persona y su gobierno, di huur e tankinan pa almacena crudo, cu companianan hopi interesa y lo a tene un destaho caminda a scoge un compania cu a duna e miho oferta pa despues di dia bin tende cu e compania aki no tin placa y no por cumpli cu exigencianan financiero stipula.

Turismo ta den un slump dor di e pandemia di covid pero ningun hende sa kico ta e vision di gobierno pa futuro, kico e ta bay haci y con lo haci esaki pero simplamente ta pensa unicamente den habri frontera pa trece turistanan pero sin splica si e tin un plan concreto con esaki tin cu tuma luga.

Tanto den sector turistico como den otro areanan comercial, tata- y mamanan di famia ta perdiendo nan trabou, ta of a bay cas caba sin cu nan sa kico futuro tin pa nan, ya cu gabinete Wever Croes mes no sa kico ta su futuro.

Riba dje awor un compania estatal, un compania di gobierno manera Triple A, ta dicidi di manda trahadonan cas den un forma irealistico, un compania cu mester ta ehempel pa otro companianan cu si ta luchando tur cu tin pa mantene cabes riba awa y trata di mantene su trahadonan mas tanto cu por na pia di trabou.

Aki un compania di gobierno, cu a gana miyones den ultimo añanan, cu a dicidi di busca ayudo di fase cu gobierno a ofrece, ta dicidi di manda trahadonan cas den e forma mas inhumano cu por tin, sin mustra ningun clase di convivencia cu su trahadonan.

Den tur esaki Minister Dangui Oduber ta keto, ta grita un banda cu su gobierno lo no permiti esaki, un fraccion di MEP cu tambe a bisa cu nan lo no tolera y retironan aki pero awor ta para bira cu e proceso di retiro ta continua y cu gobierno no tin algo di bisa den e proceso aki.

Pero ta e gobierno aki a papia cu e tin e ser humano central pero den e proceso di retiro di trahadonan di aeropuerto, ta parce cu gobierno tin su deurwaardenan central, esunann cu ta hiba carta di retiro pa trahadonan di aeropuerto, mientras cu Dangui no kier bin Parlamento pa duna pueblo informacion concreto.

Ta tristo pa constata con tur dia tin meternan di awa y coriente ta wordo corta, hasta na cas di famianan caminda tanto mama y tata a perde trabou, sea termporalmente of definitivamente pero e unico convivencia cu gabinete Wever Croes ta mustra cu e hendenan aki, ta un Prome Minister cu a bay cu vacacion na Miami, gosando cu e tin entrada y na mes momento cu e ta pidi tur hende pa keda cas y no Sali riba caya.

Den e sector di educacion, problemanan ta continua practicamente tur dia, caminda Prome Minister a haya formula pa retira un Minister cu a declara cu den su gobierno tin ministernan cu a comete actonan corupto pero ta laga un Minister di Educacion cu tin tres aña causando problema den educacion, sigui haci su locuranan manera cu e ta desea.

Riba tur esaki pueblo tin un Prome Minister cu tin e curashi di bin dilanti  den conferencia di prensa y bisa pueblo pa no worry, si den parlamento dos frraccion cu ta sostene su gobierno, a tuma decisionnan ilegal, practicametne bisando cu e ta sostene e tipo di cosnan aki.

Ta cu e tipo di declaracionnan aki pueblo ta compronde bon bon di con Prome Minister a dicidi di core c’un Minister manera Marisol, kende a bin dilanti y denuncia cosnan ilegal cu ta tumando luga anteriormente den su ministerio y cu tin mas minister di e gobierno aki, meti den e bagamunderianan aki,” Parlamentario Mike de Meza a declara.