Pueblo no por bisa ‘sin miedo’ mas ya cu tin mas medida na caminda

 In AVP

Parlamentario Robert Candelaria di fraccion di AVP a mustra cu algun siman atras AVP  a trece na conocemento di pueblo cu gobierno tin algun medida mas na caminda pa pueblo.

“Aki mi no ta ni referi na e reforma fiscal cu ainda tin cu bini. Prome minister a anuncia esaki cu palabranan bunita, ora ela yega bek di Hulanda. 

Ela bisa cu nan a scucha pueblo y pueblo no kier mas medida. Pesey el a bisa cu nan lo busca otro alternativa. Loke e no a bisa ta cu nan lo pasa pueblo cu medidanan tog, pero cu nan lo sconde esaki pa pueblo no haña sa di dje.

Un di e medidanan indirecto cu nos a anuncia cu gobierno lo bin cune ta cu lo bende tereno di erfpacht cu empresanan estatal manera Elmar. 

Pa splica esaki di un manera simpel, si bo tin un tereno erfpacht, esey ta nifica cu bo por usa e tereno y construi riba dje cu tur bo derechonan como erfpachthouder. 

Awor gobierno a inventa un triki pa tog saca placa di e empresanan dor di bisa nan cu na luga di tin e tereno como erfpacht cu tur su derechonan, awor nan ta obliga pa cumpra e tereno cu nan tin caba pa nan bira doño di e tereno. 

Pero pa Elmar, esaki no ta nesesario den ningun sentido. Si e tin e tereno den erfpacht, e por haci tur loke e ta haciendo pa añanan largo riba e tereno caba. Pa bira doño di e tereno no ta cambia nada. E unico cos cu ta cambia ta cu awor mester paga un suma grandi na gobierno di Afl 17 miyon di florin. 

Esaki pueblo, ta un di e alternativanan cu prome minister tabata papia di dje. Loke e no a bisa bo ta, cu prome nan kier a kita e placa aki di pueblo na e caha den e supermercado y via otro tipo di impuesto. Awor na luga di duna gobierno e placa aki na caha di e supermercado, bo ta duna nan e mesun placa, pero na caha di Elmar, ya cu di un caminda e compania tin cu saca e suma di17 miyon bek! 

No ta medida esaki ta? Bo cartera no ta sinti esaki mescos?

E empresanan estatal mester haña e placa aki di un forma of otro. 

Na nos hermana isla, maneho robes cu fondonan y cobransa di empresanan estatal a pone cu mester a aumenta prijs di coriente extra pa e empresa no bati bancarota. Nos mester evita scenarionan asina na Aruba. 

Pues aki gobierno ta  bende pueblo un 6 pa un 9 meintras cu Prome Minister mes a bisa cu pueblo a bisa cu no kier mas medida y el a bisa pueblo cu esey ta ok. Awor nos ta mira cu tog ta saca e placa di pueblo, pero djis bo ta paga esaki na un otro caha. Banda di e bendemento di tereno erfpacht innsesario aki, gobierno ta obliga e mesun empresanan estatal aki pa paga extra dividendo. Esaki lo resulta den mas aumento di prijs. 

Esaki lamentablemente ta engaño elecoral of laga ya cu a priminti cu lo goberna sin medida pa haña pueblo su voto, pero ta mas manera di bin cu medida cu nan no por haña cu awor ta bin cu medida indirecto tambe,” Parlamentrio Robert Candelaria a mustra.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search