Protocol firma a mara minister na man cu pia y CAFT ta dicidi riba fondonan

 In AVP

Parlamento a ricibi e advise di CAFT riba e kwartaalrapportage cu a yega parlamento dia 25 di februari ultimo y atrobe por a tuma nota di prome minister Evelyne Wever Croes den diferente rueda di prensa haciendo hopi esfuerso trahando comunicadonan di prensa, bisando cu su gobierno a keda bou di cifranan, cu nan a cumpli, cu nan a gasta menos y minister di finansa a duna un imagen di e rapportage cu no ta cuadra cu realidad.

“Loke e dos ministernan no ta bisa ta nada mas y nada menos cu nan a fia placa extra y tin 20 miyon extra cu a wordo fia cu nan no a uza pero en todo caso a hisa si e asina yama ‘schuldquota’ y kier gaba cu nan a keda bou di nan budget.

Esaki simplemente no ta berdad ya cu ora cu mira cu e budget real ta loke gobierno ta haya na entrada pero awe nos por mira den e cifranan cu nos a ricibi, cu entradanan cu gobierno a presupuesta, no ta cuadra y tin menos entrada a drenta  den caha di gobierno y esaki tanto rapport di CAFT como tambe e rapport di Banco Central cu Summary of the monthly bulletin di december, cu ta mustra cu gobierno a keda atras den su ‘revenue’ esta entradanan, cu 13.9 miyon florin, esta cu e entradanan  a cay atras.

Pues manera cu nos a bisa durante di e debate den parlamento riba e presupuesto supletorio, Raad van Advies tambe a señala esaki, gobierno tin cu bay haya den e ultimo tres lunanan di 2018, e suma di 35 miyon florin y a puntra na gobierno si nan ta realistico cu nan lo ricibi e placa aki.

Awe nos tin cu señala cu gabinete Wever Croes no a logra esaki y awor por mira cu tin un buraco di 13.9 miyon florin y cu nan kier bay tapa esaki atrobe cu placa cu nan a fia creando asina mas problema financiero pa e pais aki.

Pues pa nos e ta un asunto importante ya cu nos a corda ora cu tabatin welga di hamber pa envolvimento di gobierno di Hulanda den asuntonan di Aruba, nos por corda con cla cu e actual prome minister Evelyne Wever Croes a bisa e tempo ey cu si su persona tabata prome minister di Aruba, e lo a subi avion bay Hulanda.

Awe cu e ta den e posicion pa haci esey, Evelyne no a subi ningun avion y ta via di skype Hulanda a pone firma un protocol y dia cu e protocol aki a wordo firma, nos a bisa cu a entrega autonomia di e pais aki, nos a bisa cu minister di finansa a wordo mara na man cu pia y mesora nan a Sali grita insistiendo cu esaki no ta berdad.
Ora cu nos mira awe e advies cu CAFT ta dunando riba e kwartaalrapportage, no a nada mas y nada menos un situacion caminda practicamente minister di finansa por bay su cas numa pasobra ta CFT ta goberna y ta CFT ta dicidi kico y con finansa di Aruba mester ta.

Si den pasado nos a yega di bringa pasobra supuestamente nos no por a dicidi aki na Aruba ken of ki ora ta cumpra un potlood, awe Aruba ta den e situacion ey.

Ora cu tuma nota di pagina 2 di e kwartaalrapportage, ‘de vierde uitvoeringskwartaalrapportage 2018 bevat geen uitputtings overzicht van dit tijdelijk begrotingsfonds’ y esaki ta e fondo di e crisisplan di gabinete Wever Croes,    y ta sigui mustra ‘vanwege de directe relatie met di Landsverordening is het van belang dat Aruba elk kwartaal rapporteert over de interne begrotingsfonds.”

Pues aworaki no ta solamente gobierno mester duna un kwartaalrapportage riba e situacion financiero di e pais, di kico pais a haya na entrada y kico el a gasta, pero awor riba cada fondo cu nos tin, mester rapporta na CFT.

E rapport ta sigui mustra cu ‘het CAFT acht om dezelfde redenen van belang dat Aruba met ingang van 2019, over alle begrotingsfondsen, elk kwartaal rapporteert.’

Pues aki ta engtre otro e tourism enhancmentfonds,  entre otro e groundbreaking cu a tuma luga diaranson pa e boardwalk na Malmok, kwartaalrapportage mester bin riba onderwijsfonds awo, kwartaalrapportage mester bin di e criminaliteitsfonds awo, kwartaalrapportage mester bin di e crisisplan begroting cu nan a traha, pues di cada cos cu gobierno haci.

Awor hasta ATA ta hinca den esaki y por spera un djis di WEB Aruba NV,  un djis lo pidi di Setar NV pues practicamente CAFT ta sinta riba stoel di gobierno!

Esey ta loke nos a bisa y cu e minister di finansa a wordo mara na man cu pia.

CAFT tambe ta mustra riba e suma di 20 miyon cu a wordo fia,  cu CAFT ta spera cu gobierno uza e placa aki pa baha e gastonan pa 2019 caminda a bisa gobierno, ‘er is vooralsnog 19.4 miljoen meer geleend dan nodig, om het financieltekort te dekken.  Het CFT adviseert om een eventuel 0 plus van de vastgestelling van de jaarrekening 2018, in te zetten voor schuldreduktie.’

Pues CFT a cuminsa actua manera ta stipula den e protocol  no ta articulo 14 di ley di CAFT  ta bay cambia pero protocol integral firma pa gobierno, ta bay wordo aplica riba gobierno aki.

Nan a entrega nos autonomia y awe CAFT ta dicidi kico ta pasa cu e 0 plusnan, unda e placa tin cu bay, kico tin cu haci cu nan y CAFT ta dicidi riba cada fondo di gobierno y gabinete Wever Croes tin cu cumpli ya cu ta esey ta loke prome minister Evelyne Wever Croes a firma cu Hulanda via skype,” Parlamentario Marlon Sneek a declara.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search