Prome Minister Wever-Croes ta haci manera e no conoce negoshi di transporta oro

 In AVP

Ministerio Publico y RST a confisca un gran parti di oro y desde un principio fraccion di AVP a indica cu e cos aki ta sumamente straño. Na momento cu a confisca esaki, e prome minister di Aruba a bay para na banda di Venezuela bisando cu ta culpa Aruba di ta coopera p’e oro aki pasa.

Na varios ocasion Parlamentario di Fraccion AVP, drs. Arthur Dowers, cu e prome minister di Aruba tabata sa masha bon cu pais Aruba no a coopera ningun momento cu nada ilicito. E ta considera esaki como un traicion ora di a para na banda di Venezuela, na banda di esunnan cu ta meti den e oro cu ta di nan mes. Esaki ta di Venezuela y no di Aruba.

No sa si Evelyn Wever-Croes a haya parti di esaki, pero Fraccion di AVP nunca a haya esaki. “Loke si mi por bisa ta cu Wever-Croes ta esun cu tabata amigo di e persona cu ta trafica e oro”, segun Parlamentario Dowers. E fraccion a mira e persona aki para den un jeep cu Evelyn Wever-Croes, pasobra e ta su coordinador. Tambe a mira cu tin un ‘vestiging’ di e compania – cu ta transporta e oro – na oficina Evelyn Wever-Croes. Den henter e caso aki Evelyn Wever-Croes hunto cu e persona cu a haci e trabou akinan.

A ricibi un indicacion cu e persona aki no solamente tabata establece ey, pero tabata cliente di Wever-Croes y Ruiz unda nan ta recorde cu e tin di haci ‘aangifte’ di su BBO, BAZV di aña 2018. No bin bisa cu bo no conoce e persona aki, pasobra e ta bo cliente y bon amigo di boso. Fraccion di AVP no ta culpa e persona, pero ta culpa minister presidente cu ta haci como si fuera cu e no sa di e negoshi aki. Ta mustra cu e tabata ricibi placa di e negoshi. “Si ami tabata transporta oro y mi ta paga, abo ta mi abogado of consehero, ora e placa di oro drenta bo tambe ta haya parti di dje.” No bin gaña y proteha bo mes, pasobra e tabata bon na altura. Nunca e mester a bay contra pais Aruba, haciendo cu Fraccion di AVP tabata haciendo algo ilegal.

Un parlamentario cu ta trahando pa 1 aña y mey ta kere cu minister di husticia ta responsabel pa invoer, door y uitvoer di e pais aki. E no sa cu tin un ley special cu ta regarda trecemento di producto, door voer di producto y export di producto for di e pais akinan. Pa 1 aña y mey pueblo a tira placa afo p’e parlamentario aki ta den un stoel den Parlamento, firma un lista di presencia. El a pone cantidad di barbaridad cu minister Dowers a acorda 27 mil kilo di oro pasa. Tur esaki no tin nada di haber cu Parlamentario Dowers, kende ta dispuesto pa dun’e splicacion di leynan of materia cu e no ta compronde.

FIN

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search