Prome Minister tin cu aclaria miho su ‘amistad’ cu Schotte ora e papia di integridad

 In AVP

Na momento cu scucha declaracion di prome minister Evelyne Wever Croes kende kier laba man di su amistad cu ex prome minister di Corsou, Schotte, e ta mustra  malo ora cu e kier hinca otro asuntonan den e amistad aki.

Arthur Dowers, miembro di fraccion di AVP ta lamenta cu na luga di aclaria su relacion cu Schotte kende a wordo condena na tres aña di prison pa diferente delito serio, Evelyne ta hinca otro casonan pa trata di mustra cu e ta santo, sin carga responsabilidad propio.

“Aki pueblo por bolbe scucha un prome minister kende ta determina pa malusa tur posibilidad cu e por haya, pa culpa otronan di su propio fracaso di su decisionnan.

Un parti Evelyne ta condena hasta su amigo cu a wordo haya culpabel di corupcion pero no ta splica e rol cu Schotte a hunga den su campadi 2013, ora cu personalmente a core cu e persona aki riba su auto di campaña, a wordo acompaña pa bay vota y bishita diferente urna hunto.

Ta algun aña caba e casonan contra di e ex prome minister di Corsou ta andando pero nunca e lider di MEP por a hustifica of aclaria e amistad cu e tin cu e persona aki y kisas hasta e rol cu e persona aki a hunga den su campañanan politico.

Evelyne tin un amigo cu a wordo condena no solamente pa corupcion pero tambe pa labamento di placa, pa su rol c’un persona liga den mundo baho y nunca prome minister publicamente a distancia su mes di e persona aki.

Awor ta bunita cu e lider di MEP ta grita cu e ta contra corupcion y ta hinca nomber di otro hende den su intento pa libra su mes di cosnan cu e mes tabata parti di nan y awor kier mustra di  no sa kende e hendenan aki tabata of kico nan tabata haci.

No mester lubida cu prome minister Wever Croes tabatin otro persona gran amigo di dje, kende tabata wordo sospecha den contrabanda di baranan di oro, un caso cu nunca mas a wordo aclaria y kende lo tabata wordo busca pa husticia Venezolano, esta e conocido ‘Toro.’

E tipo Toro aki tambe a core campaña cu prome minister, para banda di dje den jeep,  sosteniendo e lider di MEP  y nunca mas Evelyne a splica e tipo di amistad aki pero si ta papia di integridad manera cu semper e tabata recto.

No solamente Schotte y Toro prome minister a haya su mes envolvi cu nan mientras cu ta hendenan cu tabata bou di un of otro investigacion pero tambe pueblo ta corda e caso famoso di transaccionnan bancario caminda un compania Irus Crius  cu tabata ricibi miles di florin sin c’un dia e por a hustifica of aclaria esaki.

Despues a trata di mal interpreta un publicacion di parti di Corte pero caminda nunca e por a hustifica su rol den henter e asunto aki, apesar cu den varios medio di comunicacion a wordo publica recibonan di e transaccionnan aki.

Segun Evelyne e ta contra corupcion y su gobierno ta pro integridad pero den su gabinete tin un otro minister cu tabata amigo intimo di un persona cu a wordo condena na Merca pa trafico di droga  y loke ta mas serio, tabata meti den negoshi di bende arma cu teroristanan.

Ta bon pa prome minister corda c’un gobernante no por ta  envolvi cu hendenan cu reputacion dudoso anto despues kier pretende cu no tin hende mas integro cu su persona,” Parlamentario Arthur Dowers a mustra.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search