fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Prome Minister tin 50 compania interesa den refineria Pero ta bira pone refineria riba un tipo di ‘vraag en aanbod’

Aruba tin un coalicion gobernando e pais sin pia ni cabes y tin preocupacionnan grandi ta reina den comunidad mirando decisionnan cu ta ser tuma, entre otro e status cu e refineria na San Nicolas ta aden na e momentonan aki, Parlamentario Mike de Meza di fraccion di AVP a declara.

“Fraccion di AVP a tuma nota cu Minister President kende ta Minister di Energia, Eveln Wever Croes, a dicidi di parti full e operacion di refineria, e posibilidadnan den dos parti, un di nan ta e terminal y otro ta e resto di e refineria.

Loke nos a ripara tambe, ta cu Minister Presidente practicamente a coy e dos posibilidadnan aki y practicamente a pone nan riba un sistema di “vraag en aanbod.”

Di con nos ta bisa esaki, ya cu Evelyn a pone e dos posibilidadnan aki riba un website, cu ta ArubaGovernmentAruba.aw caminda e ta busca interesadonan pa tuma contacto cu Aruba pa cu e refineria y e terminal.

E ora ta di puntra si e gobierno aki ta serio, ya cu netamente Evelyn Wever Croes ta e motor tras di e accion di ‘Ora Zero,’ el a priminti pueblo di Aruba cu si tin un porciento posibilidad pa habri e refineria, su partido lo cana e caminda ey.

Tambe el a sigura pueblo cu nan lo bolter tur piedra pa sigura cu e refineria lo habri su portanan bek, caminda tambe el a sigura cu su persona tin hopi interesado- y inversionistanan cu lo kier a bin Aruba pa inverti y habri e  refineria.

Awe despues di casi tres aña den gobierno, pueblo  por mira cu e gobierno aki ta uno di sin pia ni cabes, nan no sa kico pa haci y a dicidi atrobe di pone e refineria riba un tipo di ‘vraag en aanbod,’ loke ta un hilaridad.

Di con,? pa motibo cu Prome Miniserter a pone tres punto caminda un di e puntonan aki ta cu e ta buscando pa mira kende tin interes pa cu e refineria, si no tin interes pa e refineria y aki nos semper a pensa cu e tin companianan para den rij cla pa atende e asunto aki cu su persona y no cu Mike Eman.

Pues esaki ta un prueba cu nunca Evelyn tabatin un solo compania interesa den e rifeneria y aworaki e no ta papiando di 25 compania pero a menciona den su declaracion na prensa dialuna ultimo, cu e tin un total di 50 compania.

Ta ridiculo pa un Prome Minister cu ta bisa pueblo cu e tin 50 compania interesa den e refineria, anto e ta bay pone e refineria riba un tipo di ‘vraag en aanbod’  pa mira si ta haya uno interesa loke ta confirma cu e gobierno di Evelyn ta uno trahando sin pia ni cabes.

Otro punto ta cu na momento cu no tin ningun compania interesa   den e refineria, e lo tin tres ‘track’ caminda un di nan ta e refineria, e di dos track ta ‘petroleum related industries’ y aki pa gran sorpresa, Evelyn a usa como ehempel LNG.

LNG  ta nifica “liquified natural gas”  cu ta otro hilaridad grandi cu Minister President a comete ya cu na momento cu su gobierno a sinta, tabata estableci na Aruba e compania Hulandes, Gas Unie, cu ta un di e companianan  mas grandi na Europa y mundialmente reconoci.

Un compania cu ta di Reino Hulandes cu e tempo ey ya caba tabata trahando cu gobierno di Aruba y nan tabatin henter un plan cla pa bay ehecuta na Aruba riba un industria  nobo di LNG cu despues por a wordo usa den e refineria pero tambe pa produccion di awa y coriente y tambe otro productonan cu por wordo traha di esaki.

Netamente mesun Prome Minister Evelyn Wever Croes aki, a nenga na tres ocasion di sinta na mesa cu representantenan di Gas Unie, caminda e compania aki kier a traha un reunion cu Evelyn na Hulanda pero su persona a manda bisa cu e ta mucho druk.

Despues representantenan di  Gas Unie a bin Aruba pa busca forma pa reuni cu Evelyn pero aki tambe el a bisa nan na dos ocasion cu e ta mucho druk y no tin tempo pa sinta cu e grupo aki.

Gas Unie a bay for di Aruba y a mira mesora cu no tin seriedad den e gobierno aki di Evelyn y Gas Unie a dicidi di termina tur e trabou cu nan a bin ta haciendo, hopi trabou basta avansa riba diferente posibilidad di e proyecto di LNG aki.

Nan tabata practicamente cla pa presenta e proyecto, cuanto e ta bay costa y cuanto nan mes lo kier a inverti den e proyecto aki cu cooperacion di Hulanda.

Prome Minister Evelyn Wever Croes a termina cu e proyecto aki  y esaki depsues di a bisa cu  e ta buscando cosnan cu por wordo haci hunto den Reino Hulandes, e tempo ey no kier a sigui traha cu gobierno Hulandes, netamente pa motibo cu ta gobierno di Mike Eman tabata esun cu tabata trahando cu Gas Unie.

Awor scuchando e plannan di Prome Minister pa e refineria, ta di puntra si e  ta serio cu pueblo di Aruba ya cu ta pa pueblo di Aruba e ta trahando.

E di tres track cu Evelyn a pone ta cu si ningun hende ta interesa den e refineria. apesar cu el a caba di bisa cu e tin 50 compania interesa y tampoco tin interes den track 2,  esta petroleum related industries, Evelyn su gobierno tin un di tres posibilidad.

E track tres aki  lo bay over na busca un otro tipo di industria y ta eynan  Evelyn kier yega eventualmente, ya cu su gobierno simplemente no sa kico pa haci, pa e ora e bin bisa cu ta bay  mira kico ta bay haci cu e refineria.

Aki ta bon pa Prome Minister bin splica pueblo ta kende ta bay paga pa desmantelacion di e refineria, ya cu ta mesun persona aki a mal informa e tres fraccionnan cu ta sostene gobierno y a laga CITGO bay sin paga e suma di 320 miyon florin, cual suma tabata netamente loke tabatin den e contract cu si nan no cumpli, nan tin cu percura pa desmantelacion di e refineria,” parlamentario Mike de Meza a mustra.