Preocupacion ta mas grandi despues di bishita Banco Central

 In AVP

Diaranson mainta fraccion di AVP a efectua un bishita na Banco Central relaciona cu e ley di presupuesto 2020 pero principalmente  pa scucha pensamento di e institucion aki pa loke ta e  ley cu gobierno ta yama reforma fiscal.

Lider di fraccion di AVP Marlon Sneek a mustra cu tabata un reunion sumamente importante caminda na salida el a declara cu e preocupacion di fraccion di AVP, awor ta mas grandi cu tabata e caso prome cu nan a sinta na mesa cu Banco Central.

“Nos a reuni cu Banco Central pa nos haya un bista di nan pa loke ta trata  e pronostico di Banco Central cu ta e institucion cu ta haci e pronostico pa loke ta crecemento economico.

Tin cu bisa cu nos a keda ainda mas preocupa ora cu nos a Sali for di e reunion pa motibo cu nan tambe ta mira cu internacionalmente en berdad tin cierto ‘comodities’ ta baha pero por mira cu e efectonan cu e pakete di impuesto ta bay tin, sigur ora cu ta papia di deviezenprovisie, caminda tin cu cambia placa pa por cumpra den exterior y ta for di esey nos ta biba, ya cu tur cos ta bin di afo y mester busca placa di afo.

Bo tin e combinacion di deviezenprovisie y e BBO na frontera y kisas e lo por yuda comercio na momento cu esunnan cu ta cumpra producto ‘on line’ tin cu paga un tiki mas y por crea un ‘level playing field’  pero ta sigur cu e ta bay tin efecto riba prijsnan y loke ta economia di nos pais.

Sigur ora cu nos mira e ultimo rapportnan cu Banco Central mes a scirbi, por mira cu ‘consumption’ ta bahando, pues hendenan no ta cumprando manera antes, hendenan no ta yegando banco facil pa haci prestamo, ta duna un indicacion caba con e reserva ey ta ya cu no tin placa pa haci e extra ey y cu e pakete di medidanan nobo ta bay tin su efecto.

Na luna di April e siguiente ‘forecast’ di Banco Central lo wordo publica y nos ta spera cu por haya un bista mas cla riba e desaroyo aki pero e preocupacion tambe tey cerca Banco  Central,” Parlamentario Marlon Snake a splica.

E lider di fraccion di AVP a sigui mustra cu pa loke ta trata e hecho cu gabinete Wever Croes no ta scucha di ningun instancia  cu despues di a tira bista riba e totalidad, ya cu Banco Central ta depende hopi  riba cifranan di ‘derden’ pa por yega na formula su rapportnan, fuera di e ‘survey’ cu nan ta haci, pero e preocupacion tey.

“No ta loke solamente tin awe riba mesa e ta tambe e hecho cu un djis nos lo tin un problema cu SVB caminda a tuma nota di declaracion di e Director di e departamento aki, cu 25 mil hende mester bin acerca pa asina por sigui custodia loke ta e gastonan  di SVB.

Tin problemanan cu AZV  y nos no ta mirando cu gobierno ta inclinando su mes den pensa kico e tin cu bay haci y esaki sin duda pa nos ta preocupante pa motibo cu nos sa kico a pasa na 2009 caminda e Prome Minister di e tempo ey, Nelson Orlando Oduber a bisa cu “tende’ki, ami ta bay mi ta bay, ora esun cu bin e bay wak con e ta atende cune.”

Awe danki na e trabou cu a wordo haci pa gobierno di AVP, nos a logra salba fondo di SVB, nos por a salba AZV y nos por a salba e fondo di APFA y awe nos ta mira cu ta bayendo den mesun direccion aki atrobe caminda atrobe nos tin un gobierno di MEP na mando, cu no ta asumiendo su responsabilidad y esey ta algo hopi preocupante pa nos fraccion,” Parlamentario Marlon Sneek a conclui.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search