Plataforma Hobennan Profesional: Lectura “Leadership & new generation of politicians” lo conta cu dos orador cu lo inspira esnan presente

 In AVP

Diaranson 16 januari 2019 e plataforma di hobennan profesional (PHP) a anuncia cu nan projecto “Building knowledge 2019” lo consisti di un serie di lectura riba temanan moderno y di interes general. E prome di e serie di e lecturanan lo bai over “Leadership & new generation of politicians” cu lo tuma lugar 23 januari 2019.E lectura lo conta cu dos orador sra. Sharleen Tromp y sr. Karsten Klein (CDA). 

Sr. Karsten Klein a studia Bestuurskunde na Universiteit van Twente y despues traha como un beleidsadviseur di e Ministerio di finanzas. Entre 2006-2010 e tawata gemeenteraadslid pa CDA na Den Haag. Despues di eleccion di 2010 sr. Klein a eherce e funcion di wethouder Jeugd, Welzijn en Sport. Sr. Karsten Klein den futuro lo bai postula su mes como un potential miembro pa bira un parlamentario di ‘Europees Parlement’. Den su presentacion e lo elabora tambe riba e posibilidadnan nobo pa studiantenan di Aruba den Union Europeo y amplia riba e Erasmus Exchange Program.


Tambe lo tey como oradora sra. Sharleen Tromp. Sharleen Tromp ta un ‘certified personality expert, talent development coach & personal branding strategist’. E ta posee un bachelors degree den area di educacion y tambe e ta un masters graduate di ‘La Red Business Netork’ riba e tereno di coaching norma y balornan.  Sharleen ta creador di training y metodonan den instancianan educativo & facilitador di projecto di hobennan ‘CrossRoad’ cual ta enfoca riba desaroya talento. Su experiencia a hibe na asisti den coordina e seminario “ Masters of Excellence of leadership” cu e orador principal John Maxwell y tambe e prome Tedx Youth 2015 hasi na Aruba. Mas despues e la wordo honra pa ta orador den e “Chamber of Commerce Women’s Conference” di aña 2017. Como educador y coach di transicion e ta enfoca riba personalidad, descubri talento y desaroya esaki. E ta yuda e individuo compronde su potential, necesidadnan emocional, estilo di comunica y yude pa fortifica lasonan fuerte pa medio di e balor cu cada un persona tin como individual. Su pasion di mas grandi ta inspira y guia otro pa haya claridad riba nan propio ‘personal brand’ pa asina yuda crea y construi nan ‘legacy’.

Pa nos di Plataforma Hobennan Profesional e ta un orguyo di por conta cu e presencia di dos orador cu sigur lo inspira esnan cu lo tey presente. Den cuadro di esaki e invitacion ta bai na tur persona cu interes riba e topiconan cu lo wordo presenta y specialmente nos hobennan y YPs di Aruba pa asisti diaranson awor dia 23 januari 2019 na Cas di Cultura pa 7 pm- 9 pm.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search