Gerick Croes di Plataforma Hobennan Profesional a bisa durante votacion tumando luga pa Parlamento Europeo, cu pa nan ta un honor di por haci uzo di nan derecho di voto pa scoge un miembro di Parlamento Europeo.

Enfatisando riba e hecho cu na aña 2006, dos ciudadano Hulandes biba na Aruba, esta mr. Mike Eman y Benny Sevinger a yega te na Corte Europeo cu e pregunta hudicial, pakico esnan cu nacionalidad Hulandes biba por ehempel na Aruba lo no por a haci uzo di nan derecho di voto pa eligi un miembro pa Parlamento Europeo.

A trata e caso aki y a sali na fabor di esnan cu ta biba den e area di Caribe y awe ta forma parti di hurisprudencia caminda cu tur studiante nan di derecho ta siña. 

Cu esaki Croes a bisa cu e ta un derecho cu a bringa pesey tur ciudadano por haci uzo di e derecho aki di scoge un miembro pa Parlamento Europeo.

Ideal lo tabata si algun dia nos lo tin un arubiano, yiu di tera tambe riba lista pa por tin como escogencia como Parlamentario. Un ehempel mas recien di e balor agrega di e derecho aki ta e fondo Europeo di enseñansa caminda Parlamentarionan tin di bisa riba e diferente fondonan cu pais Aruba, Sint Maarten of Corsou por bin na remarke pe, pero tambe e representacion di esaki. Sumamente importante pa nos tin un voz cu lo mester resona pa nos islanan den reino.