fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Participacion di gremionan ta importante pa miho gobernacion

“Nos ta contento cu nos ta haya oportunidad di trece nos preocupacionnan dilanti pasobra ta hopi importante pa gobernantenan di un pais, tene cuenta cu pensamento di e pueblo.

Mas ainda OPPA como respesentante di e pensionadonan publico ta sinti cu cada bes decisionnan ta wordo tuma  dor di gobierno sin tene cuente cu e pensionadonan, tabata promer reaccion di Presidente di OPPA, Ivo Valdez despues di e Brainstorming. 

OPPA tabata un di e gremionan cu a participa den e brainstorming session organisa pa AVP, Fundacion Mito Croes y Fundaciona Digna Lacle Herrera. Lider di Partido mr. Mike Eman a dirigi e brainstorming cu un panel di colega y conseheronan, parlamentario Robert Candelaria, dr.mr. Rycond Santo do Nascimento, mr. Franky Hoevertsz, drs. Rene Herde y Carl Giel. 

A bira tempo cu e pensionadonan tambe mester tin algo di bisa den cualkier decision y esey ta un di e luchanan di OPPA pa duna e pensionadonan tambe un bos den decisionnan cu gobernantenan di futuro tin cu bay tuma pasobra gobierno ta maneha un pais, pueblo ta scohe gobierno di e pais democraticamente pero e democracia tin cu keda bibo y participativo.

Esey kiermen cu constantemente pueblo mester ta den dialogo cu e gremionan pasobra ta e gremionan a pone e gobierno eynan y hendenan cu ta representa den e gremionan ey, tin algo di bisa pa loke ta maneho di e pais.

E session di awe ta pone nos corda bek den pasado ora cu e tipo di dialogonan aki a tuma luga, caminda e tempo ey nos a haya participacion y hopi di locual nos a trece dilanti, e tempo ey a cambia y mi a yega di bisa na varios ocsion, cu nos punto di bista ta cu nos no ta wordo scucha.

Anto OPPA kier pa cualkier gobierno cu sinta, pasobra ta pueblo ta eligi su gobierno, pero scucha pueblo, pio ainda, pueblo ta scohe su representantenan y ta hendenan cu ta gana hopi cen pa representa e pueblo dignamente y esey mester tuma luga den un forma drechi.

Ban spera cu awo cu nos ta den aña di eleccion, ya nos ta haya oportunidad trece nos opinion dilanti pero cu nan por tene cuente cu e opinionan cu nos ta trece dilanti,” Presidente di OPPA, Ivo Valdes a declara. OPPA tabata contento di por a worde scucha y por a participa na e Brainstorming aki cu partido AVP y su hala scientificonan a organisa.