Parlamentario Robert Candelaria ta alerta riba benta di propiedad y/of terenonan estatal

 In AVP


Algun dia caba ta siguiendo di cerca un movecion straño, dudoso of cuestionabel cu Gobierno di Aruba kier ehecuta cu propiedad y/of terenonan estatal. Den un entrevista cu Parlamentario Robert Candelaria, el a splica cu entre otro companianan cu ta propiedad di Utilities cu tin terenonan erfpacht manera entre otro NV ELMAR, WEB y otronan.

Terenonan erfpacht ta duna espacio pa por construi y cu derecho pa tanto aña riba e tereno. Pero Gobierno di coalicion ta bin cu un plan mas pa purba mustra cu tin cumplimento cu Hulanda pa locual ta trata e begroting. Tur esaki den e afan di evita “aanwijzing”. Un desicion descabeya un bes mas y cu tur consecuencia riba lomba di e pueblo atrobe.

E plan di Gobierno

E tereno erfpacht ta bende cu e compania cu ta riba dje caba, haciendo e eigendom y asina produci miyones pa gobierno. Acosto di e gasto aki, riba e companianan cu tin cu bay paga riba un tereno cu nan tin caba como erfpacht, cu ta bay cay riba ami y abo den prijs di awa y coriente cu aumento drastico pa camufla cu nan a cumpli cu Hulanda.

Identico ta locual ta pasando cu ATA segun Robert Candelaria, caminda ta papia di e unico pilar economico ainda, kier kita placa for di dje pa pone den presupuesto y bisa Hulanda cu a cumpli. Consecuencia di tur e desicionnan aki ta, cu ta sigui perhudica turismo negativamente y Aruba e unico cu lo sufri. 

Incomprendibel

Segun parlamentario Robert Candelaria e ta incomprendibel ta con ta tuma algo for di e companianan aki cu ta erfpacht pa añas, cu derecho riba erfpacht pa hopi aña mas, ta tume y bende bek na mes un compania, kita miyones di e compania, caminda pueblo lo haye ta paga riba tur e gasto/ impuestonan cu a aumenta caba, djis pa tene Hulanda contento y no haya aanwijzing. Sin laga afo cu tur cos pa nan ta falta di partido AVP, nan miho excusa.

Tempo pa transparencia y seriedad den e hendenan aki tin cu yega. Solucion real tin cu bin. Aumentando gasto, keda sin corta gasto di e centenares di amigonan y famia cu nan a hinca den servicio cu ta cobra cantidad grandi di placa y di otro banda pueblo ta sclama cu e no por mas. Nan ta djis subi un par mas di nan hendenan, no hopi.

Muestra di desicionnan robes a costo di nos pueblo

Ta perhudica companianan estatal na mas di un forma pareu. Na prome instante cu nan a drenta gobierno, nan a ranca dividendo, a manda nan bay fia placa y awo e tereno cu nan tin caba pa añas ta bisa nan duna Gobierno e bek pa e bira bende bo e bek. Ta incomprendibel cu e companianan aki cu ta doño caba di e terenonan como erfpacht. Ta cosnan cu NO tin sentido.

Parlamentario Robert Candelaria ta apunta e hecho cu si ta tuma e medidanan aki pa paga debe lo ta otro. Pero ta sigui aumenta gasto, cera contract cu simpatisantenan y sigui tuma hende den servicio pero ta tuma desicionnan descabeya pa financia e gastonan aki, cu e engaño cu ta pa cumpli cu Hulanda. Pero ora cuestiona e fechorianan aki , ta culpa gobierno anterior, bo NO ta serio!

E castigo contra pueblo tin cu caba

Prijsnan ta keda subi, pueblo no por paga mas ta hinca mas y mas famia den situacion doloroso cu efectonan social cu kier evita. Tin cu tuma desicionnan awo enbes di keda perhudica pueblo y busca otro pa culpa. Tin cu Stop. Tin cu corda cu Elmar y tur otro ta empresa nan, tin cu saca e placa di un caminda, ta di unda otro e ta bay sak’e cu ta di su clientenan. Pueblo tin cu bay paga ainda aun mas pa algo cu no ta necesario. Empresa tin e tereno caba, no sa si acaso e terenonan aki lo a para como garantia na fiansanan haci den pasado, pero con ta bay haci di modifica e tereno di erfpacht pa eigendom ta pregunta cu Parlamentario Candelaria tin, pero locual ta un hecho cu no por ta, cu empresanan cu tin tereno den nan poder caba ta bay, ta bay bende tereno bek, pa pueblo paga. No por y menos pa wanta Hulanda contento pa no haya un KB.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search