fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Parlamentario Michael Lampe semper dispuesto pa contribui a forma parti di concierto na beneficio di Bahamas

Diadomingo atardi a tuma luga e concierto “Revive, Restore, Rebuild the Bahamas” na Paseo Herencia pa asina yuda colecta donacion pa nos isla ruman di Bahamas. Pa cu e ocacion aki parlamentario Michael Lampe ta conta cu maske Datapanik tin algun tempo di no ta activo pero pa un causa noble asina aki ta mas cu na su luga pa brinda sosten y pone nan mes disponibel pa forma parti di e concierto.

Como comunidad tin cu yega hunto p’asina yuda na momento cu mas mester di nos. Diferente artista, gruponan musical y tur cu di un of otro manera a forma parti di e concierto aki, a haci’e sigur di curason pa asina logra donacion necesario pa yuda Bahamas reconstrui nan Isla.

Datapanik no a duda, a acepta di biaha, a uni na tur e otronan y mesora a cera e banda bek p’asina duna e miho di nan mes durante nan presentacion na Paseo Herencia. Artistanan manera entre otro Ataniro cu a lanta e publico na inicio p’asina pone un bon vibe y for di eynan e otronan tambe a tene e concierto riba un ambiente di hermandad, solidaridad y  positivismo pa yuda mas cu por esnan di Bahamas cu ta pasando den un tempo hopi dificil y como isla di Aruba lo sa di brinda e yudansa p’asina nan lanta bek riba pia mas pronto posibel. 

Aplauso grandi a bay na tur cu a sostene e yamada y cu tabata t’ey presente pa brinda nan sosten como artistanan invita, boluntario y organisadonan. Di su banda Michael Lampe ta sumamente contento di a forma parti di e evento mirando su vinculo estrecho cu e tin actualmente cu Universidad di Bahamas pa cu proyectonan musical/cultural.Deseando nan forsa, pa nan por reconstrui cu e aporte di nos isla tambe.