Otmar Oduber a pasa test sicologico???

 In AVP

Miembro di fraccion di AVP, sr Arthur Dowers ta mustra cu yen di sorpresa a tuma nota di nombracion di un director nobo pa Serlimar. 

“Prome a sacrifica un miembro di management team, a humiy’e pa despues bisa cu nada a bai robes.

A priminti amigo di un amigo e stoel pero e persona no kier a baila e tono cu gobierno ta toca y a scohe pa mantene su integridad na luga di un posicion na Serlimar.

Locual a straña tur hende ta  cu ta bisa cu a pre-selecta 3 persona for di e 16 candidatonan cu a solicita y a bin resulta cu ta mr. Davelaar a score mas halto den su ‘psychologische test.’

Awo pueblo ta curioso pa sa y lo ta bon si un hende por sali y splica, ta con e cos aki ta traha anto.

Paso si ta pa bo carga un funcion di Director ta bo ‘psychologische test’ ta esun cu ta conta, mi ta kere cu awo mi ta compronde, ta di con nos gabinete actual, ta asina desfuncional.

Ni un a pasa un test sicologico pa goberna ningun departamento y mi mester conclui awor cu e director ta mas academicamente y sicologicamente miho prepara cu e minister mes.

Tumando na cuenta cu majoria di minister no a pasa nan screening tampoco, mester conclui cu awor ARUBA tin un gobierno cu no ta capacita y manera nos tur por mira, nan no tin conseshi of no ta traha manera un profesional cu consenshi lo traha.

Mester cuminsa exigi cu Aruba su gobernantenan tambe ta pasa ‘psychologische test,’ paso asina so nan lo por traha pa pueblo,  cu ketu bay ta wordo engaña den campaña pa despues wordo abusa ora cu forma gobierno di politiconan sin preparacion nececario pa ocupa nan cargo y sin screening, sin test sicologico y sin consenshi.

Ta un berguensa cu no por haña un hende aki na Aruba pa opera un compania local pasobra e actual gobernantenan ta ‘politiek verziekt’ y ta sconde tras score di un test sicologico.

Ora argumento caba ta cuminsa papia barbaridad.

Prome ta bisa ta pa motibo cu e local a pidi mas salario y ta claro cu esaki ta fantasía pasobra no ta director ta pone of defini su salario.

E gobierna actual mester bira serio y stop di tuma pueblo di Aruba haci, pasobra tempo di couchi boilo a pasa,” Parlamentario Arthur Dowers a mustra.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search