Nos ta keda critico pa vigila ayudo na muchanan victima di abuso y maltrato

 In AVP

Diamars a trata e presupuesto di e fondo “interim” of temporario di crisisplan 2020-2021. Esaki ta ensera un suma di 18.6 miyon florin. Fraccion di AVP a sostene e presupuesto aki. E fondo temporario aki ta encera un suma cu lo yuda ayudo y prevencion di esnan hoben y nan famia den caso di abuso, maltrato, violencia y negligencia. 

Segun Mervin Wyatt-Ras nos fraccion a aproba e fondo interim di 2018-2020 di 18 miyon florin caba di cual a resta 10 miyon sin usa. Raad van Advies tambe a indica esaki. Minister a bin cu un nota di cambio pa e 10 miyon aki pa “parkeer” e un rato. Den e situacion di COVID esaki ta un bon decision pasobra COVID ocasiona un situacion diferente y urgente.  

Jammer cu pa loke ta trata e presupuesto di DOW no a tene cuenta cu COVID y a laga e suma presupuesta mesun halto y hasta a bin un discucion tambe den prensa encuanto di 9 miyon pa drecha Arubahuis.  

Nos fraccion a haci mas di 100 pregunta por escrito y durante e reunion publico a sigui puntra a base di contestanan duna por escrito. Alavez tabatin por lo menos 15 pregunta cu no a ser contesta por escrito dor di minister cualnan a bolbe ser haci na dje durante e tratamento. 

Wyatt-Ras tabata critico durante e reunion y a haci uzo di consehonan di Raad van Advies. Paso e crisisplan ta supppose di ta temporario pa 2 anja y a bira 4 anja, wachtlijsten no a baha completo. Ainda mester warda 4/5 luna pa yega serca un trahado na Sociale zaken y na Voogdijraad lo tuma un anja pa baha e wachtlijst total. Buro Sostenemi tambe tin wachtlijst ainda. Clientenan te dia di awe ta ser manda di cashi pa muraya sin haya yudansa. Registracion cu ta necesario pa vigila y monitoria unda casonan a bai no ta in place ainda y coordinacion di ayudo tampoco. Trahadornan  cu a ser nombra como contractant ta temporario. Recientemente fraccion di AVP a sostene un propuesta pa por paga e contractanten. Di e 56 un cantidad di 53 no por a ser paga. 

Segun Wyatt-Ras ta necesario evalua si crisisplan tabatin e resultado of efecto desea. Eseynan ta preguntanan cu a haci minister y el a contesta cu pa medio di Census 2020 y investigacion di DSZ despues di Census, Unicef, onderzoek di Universidad por evalua efecto. En corto ta despues di un tempo por mira cambio. Wyatt-Ras a bin ta bisa esaki desde principio y ta pa es motibo ey e tabata critico pa bin cu un fondo semejante. Awor e ta haya razon. A crea un crisis pa pone placa y e resultadonan ta minimo. 

Raad van Advies tambe kier wak resultado y efecto. Wyatt-Ras ta lamenta cu e diferente fundacionnan cu a ser priminti di haya un yudansa financiero no a haya esaki mesora. A introduci un cantidad di criteria pa cumpli cun’e. 

Wyatt-Ras a lamenta e forma di proceder di sr. Tevreden durante e reunion. Fraccion di AVP no por a sostene e 2 mocionnan populista presenta. Tin di esnan cu ta sostene gobierno ta haci comosifuera cu sector social a nace ora nan a drenta politica. Sinembargo e realidad ta lo contrario. Den un mocion kier chek y skohe si e diferente di e profesionalnan cu a ser nombra pa medio di crisisplan por keda na trabou. Den e otro mocion ta desea pa bin cu un plan pa 10 anja. Esaki segun fraccion di AVP no por sin evalua. E metanan cu a stipula awor mes no a ser realisa, corda si pone meta pa 10 anja. Sin evaluacion y sin e efectonan logra esaki no ta un forma profesional di traha.  

En especial cu awor nos ta den un crisis real di salud, financiero y laboral cu mester intervencion de inmediato ta necesario evaluacion. Awor mester logronan concreto pa proteccion di nos muchanan. A pone casi 60 trahado extra y e resultado no ta uno desea paso nos muchanan ainda no ta haya e ayudo manera cu gobierno a priminti nos pueblo. Ainda nos muchanan ta keda so na cas, ainda tin hopi mucha cu hamber, nos centronan di cuido y Traimerdia no ta den forma optimo. A critica cu AVP no a haci nada riba tereno social locual no ta berdad. Gabinete Mike Eman a introduci e promer trahadornan social na skol, a lanta MDC, a introduci e promer psychologo na KIA, a institui buro Leerplicht, Sociale Vorming, mas trahado social pa buro Sostenemi y base legal pa e buro aki como meldpunt, e leerwerk traject di reclassering en jeugdbescherming pa sostene hobennan cu ta cai den criminalidad y cu ta bai sera, Paga Tino, Gang di Arte, a lanta Veiligheidshuis, a institui y fortifica Orthopedagogisch Centrum, a lanta Trai Merdia, a adapta ley di creche, a fortifica nos famianan, hisa bijstand, duna reparatietoeslag, etc. Tur e proyectonan aki a sostene nos famianan y nos muchanan pa nos muchanan lanta den un bon ambiente, cu nan mayornan tin suficiente placa den nan cartera pa pone pan ariba mesa di e famia. AVP semper ta para banda di nos pueblo. Semper a yuda esnan den necesidad. Parlamentarionan mester stop di haci weganan politico. Na e momentonan aki nos pueblo mester di politoconan serio cu ta traha na bienestar di nos pueblo. Wyatt-Ras alavez a haci preguntanan encuanto di FASE y ta spera cu no solamente 3000 persona por haya 950,- sino tur 25.000. E ta spera cu esnan cu no tabatin trabou ora Coronavirus a start y ta cai tussen wal en schip tambe por ser yuda. 

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search