Nos di oposicion ta wordo guia pa e bos di pueblo

“Awe nos ta habri un aña parlamentario nobo, Aña Parlamentario 2018-2019 y pa nos fraccion di AVP ta sumamente importante pa democracia keda bibo pa asina Parlamento por funciona.
Nos tin un Presidente di Parlamento cu otro signatura pero esey no kiermen cu nos derechonan tin menos balor y pa nos ta importante cu locual nos tin cu vocifera tambe haya luga den e parlamento aki.
Tin hopi espacio pa mehoracion y ta spera cu no pasa manera aña pasa cu na varios ocasion caminda nos por a mira cu nos no ta haya punto di ordo, of cu nos reunionnan pidi no ta wordo yama, of cu ta purba intimida nos di oposicion. Nos ta wordo guia pa e bos y deseo di pueblo, ta hopi topico no kier papia di dj’e cu ta pasando den pueblo. Por spera cu nos lo ta eyfo tanto den pueblo como den medionan di comunicacion pa asina tambe informa nos pueblo debidamente locual ta nos punto di bista como fraccion di AVP,”  Parlamentario Jennifer Arends Reyes ta declara.