fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 No por permiti Hulanda kita autoridad di poder hudicial di Aruba bou ningn circunstancia

Algun luna pasa Minister di Husticia a reuni cu e comision di asuntonan di husticia parlamento a presenta  un rapport riba e reunion cu a tuma luga recientemente na Bonaire cu a laga preocupacion grandi di kico ta pasando, mirando intencion di gobierno Hulandes, pa practicamente tuma over maneho di husticia na Aruba y otro islanan.

Miembro di fraccion di AVP, Robert Candelaria, a mustra cu tin hopi preocupacion pa un documento cu e delegacion Hulandes a presenta durante di e reunion aki, caminda decisionan importante cu ta regarda top di polis di Aruba, lo perde nan poder y  caminda Hulanda lo bay ta esun cu ta dicidi.

Ya caba tin un protocol existente cu a bin ta funciona den bon forma pero awor di repente gobierno Hulandes kier trece camio den saki loke sigur no ta na fabor di Aruba.

Candelaria a sigui mustra cu  desde 2001 tin un protocol vigente cu a bin ta funcionando den tremendo forma y caminda en berdad ta rekeri cierto adaptacionna mirando cierto desaroyonan cu tin tanto na Venezuela pa loke ta criminalidad internacional.

“ Loke ta preocupa mi persona mas tanto ta hecho cu semper e cooperacion entre paisnan di Reino, a bay bon ya cu tur pais a duna su aporte a base di su profesionalnan y kendenan a bin ta haci un bon trabou sin cu tabatin diferencia grandi den e forma con ta atende cu asuntona hudicial.

E documento cue Hulandesnan presenta  a lanta hopi preocupacion cerca nos tur cu a forma parti di e comision di husticia di parlamento y nos tur ta di acuerdo cu e documento presenta pa delegacion Hulandes,  ta inaceptabel.

Mi  a keda hopi preocupa cu desaroyonan ta bayendo den direccion caminda si plan hulandes wordo aproba, esaki lo nifica cu nos Korspchef ta perde autoridad, e lo nifica cu nos Ministerio Publico, Procurador General ta perde autoridad, y lo ta mesun caso pa Minister di Husticia.

Loke ta straña mi ta cu despues di a chek cu coleganan di cuerpo di polis si den pasado tabatin un documento oficial riba mesa den cual Hulanda ta bisa  puntonan cu e lo kier bay ehecuta,kier tuma over, un tipo di cooperacion den un forma asina, ta nunca bisto.

Semper tabatin desaroyonan caminda si no yega na un bon palabracion cosnan por a bay den un direccion robes y cosnan lo schuif mas den direccion di Hulanda, pero semper nos por a mustra Hulanda cu nos ta profesionalnan, cu nos ta ‘on top of it’  cu locual nos ta bezig cune.

Gobierno tambe ultimo añana sr Dowers a haci un bon trabou, mantene tur cos den un relacion asina stabiel,  cu modelo Aruba di  RST, ta esun di mas miho.

El a funciona, el a duna fruta y semper a busca si un forma con por drecha e relacion un tiki mas y pa aworaki di ripiente cu nos tin un gobierno nobo, cu nos a haya un documento di e forma aki riba mesa, cu ta bisando pa laga Hulanda tuma cosnan ak over, e a preocupa mi, mas aun pasobra si tene cuenta cu loke ta pasando cu Venezuela, cu dia pa dia ta birando mas y mas cayente, nos por tin aworaki den Reino, un midimento di forsa di ken ta bay ranca y pusha mas duro.

Net awor nos mester ta schouder cu schouder y laga nos actua como un frontera y nos deal cu e situacion aki como partnernan den Reino y no como competidonan den Reino, Parlamentario Robert Candelaria a mustra.