Nel Oduber tin cu corda cu Betico Croes a bise den su cara cu e ta mediocre

 In AVP

“Baha prome cu boso sink Aruba” ta un expression historico, proclama pa e fundador y lider di Partido MEP den felis memoria, Betico Croes pero cu awe atrobe ta haya gran nificacion, pa motibo di expression ridiculo haci pa un politico mediocre.

Melvin Tromp di Partido AVP ta kere cu na momento cu Nelson Orlando Oduber, kende ta cuidando stul pa su yiu minister, tin dilanti y cataloga lider di AVP di ta un politico mediocre, Nel ta lubida sup asado politico.

“Ta hopi curashi Nel aki mester tin, ya cu loke lider di AVP a haci siman pasa, tabata di bishita hospital pa pone su mes na altura di tur loke ta tumando luga den hospital, pa brinda tur trahado den prome cuido un boost moral pa sigui cumpli cu nan obligacionnan ya cu henter comunidad ta confia riba nan.

Ora cu Nel kier yama lider di AVP pa un politico mediocre, e tin cu corda di con pueblo a core cu su gobierno na 2009, ora cu el a laga un disaster atras, laga e pais den problemanan financiero formal, lagando fondo di pensioen na rand di bancarota, lagando scolnan cu casi tabata cay den otro riba alumno- y maestronan.

Esey ta e gobierno di Nel, e MEP di Nel, cu a practicamente nombra tur pero tur miembro di su famia den un of otro departamento di gobierno, hincando su yiunan den compania di telecomunicacion y kende un di nan awe ta minister di salubridad. Di telecomunicacion pa salubridad, confirmacion di e vision di MEP.

Awor for di nada Nel Oduber ta kere cu e tin cu Sali bin dilanti y bin critica y cuestiona e hecho cu lider di AVP por a bishita dr Horacio Oduber Hospital lubidando cu esey ta bisa mucho mas di su actual lider di MEP y su propio yiu cu ta minister di salubridad, cu tur otro cos.

Pa algun luna pa no bisa aña, Nel a fungi como experto pa gabinete  Wever Croes mescos cu su ex coleganan di Partido y gobierno manera Edison Briesen, Rudy Croes y Nilo Swaen tambe a haci, hayando compensacion caminda Hulanda tabata pidi pa baha gastonan pero ningun kier a bay cas.

Awe Nel Oduber kier bin papia di mediocrecidad, lubidando cu e expression di ‘politica mediocre’ ta su ex lider y fundador di Partido MEP,  Betico Croes  den felis memoria, a bise den su cara y dilanti henter pueblo loke e tabata kere di su capacidad como politico y gobernante.

“Boso baha, prome cu boso sink Aruba” ta e expresion cu Nel a haya den sala di parlamento, caminda Betico a bise bon cla, con malo Nel ta gobernando e pais aki y kico e ta kere di e capacidad politico di Nel.

Ta un expresion cu lo keda marca den historia politico no solamente di partido MEP pero den historia politico di nos pais, ya cu nunca antes y despues, un lider politico a yega di bisa un hende di su Partido, con malo e ta kere cu e ta como politico.

Pesey Nelson Orlando Oduber, ora bo persona kier yama cualkier politico  cu e ta haci politica barata y cu e ta un politico mediocre, semper bay bek den bo memoria y corda riba difunto Betico Croes a bisa bo straight den bo cara, no tras di bo lomba pero den publico pa tur hende sucha y compronde,” Melvin Tromp di AVP a declara.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search