Ministernan ta muisstil riba caso di abuso sexual di menor

 In AVP

Parlamentario drs. Mervin Wyatt-Ras durante conferencia di prensa di partido AVP a trece su preocupacion padilanti encuanto e caso di abuso di e menor di 12 anja dor di un chauffeur di bus di cual por a tuma nota cu su tata a dicidi di pone fin na su bida. E caso aki a sali den prensa, pues ta den publicidad y Wyatt-Ras a ricibi hopi comentario.

Aki Wyatt-Ras ta puntra su mes unda e ministernan di Gabinete MEPPORRED ta cu tanto a protesta y a instiga pueblo den pasado y hasta cu e actual minister presidente como parlamentario a tira blof cu asina e bira minister e lo pasa un ley di straf minimo di 5 regel den 6 minuut. Sin embargo ni foe ni fa ni di e ni di e minister di Asuntonan Social cu a declara Aruba den crisis social despues di un caso di abuso di dos criatura cu a perde nan bida. Awor atrobe tin bida cu ta ser tuma mientras nada no ta ser bisa ni haci dor di e minister di crisis social.

E minister Presidente y e minister di Asuntonan Social ta keto of muisstil y a bai skonde. Tambe ora esnan serca yega a comete maltrato y abuso di menor no a haci ni bisa nada. Esaki ta conta tambe pa e minister di Justicia cu a laga diferente abusador di menor sali liber. Esaki mientras cu den oposicion e ministernan aki tabata manera tiger pa sali na defensa di menor mientras awor cu nan ta den e posicion pa haci algo mas liher nan ta keto keto.

Aki por constata cu campanja ta un y gobernacion ta otro. Por menciona tambe fundacionnan cu antes tabata colecta firma pa entrega parlamento encuanto abuso di menor y es cu tabata pinta tur muraya cu Grafitti awe ta poeslief cu e gobierno aki. Gobierno a uza e oportunidad pa bin cu un plan social, ganjando pueblo cu gobierno anterior no a haci nada pa hubentud ni pa abuso di mucha.

Awor e gobierno aki ta ripara cu papia y ganja ta facil mientras cu ora cu bo ta traha cu casonan ta tuma tempo pa trece cambio. Pero esaki no ta parse cu nan lo admiti. Wyatt-Ras a ser aserca dor di varios ciudadano pa puntra kico e gobierno aki ta haciendo concreto den caso di abuso di menor, sinembargo e no por a duna un contesta paso e mandatarionan ta muisstil.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search