Minister ta papia di crecemento di economia cu Banco Central ta mira otro

 In AVP

Na 2009 ora cu gabinete Mike Eman I a asumi responsabilidad den gobernacion, a bin haya un finansa publico desastroso, caminda pueblo su poder di compra tabata igual cu na e momentonan aki, esta cu placa no ta yega.

E tempo ey e situaciona ki a wordo crea pa e vision di gobierno di MEP, esta introduccion di BBO, cu a percura pa hopi problema den hopi cas rond Aruba y awe e mesun cos ta tumando luga, Parlamentraio Robert Candelaria ta mustra. 

“Siman pasa Minister di Finansa durante di un ‘openbare bijeenkomst’ a conta algun storia cu simplemente no ta duna pueblo speransa pa futuro ya cu realmente gabinete Wever Croes no ta duna  pueblo nada bek di tur loke el a ranca den ultimo dos aña.

Ehempelnan di aumento di forsa di compra real, ta ora a introduci ‘reparatietoeslag’ pa pensionadonan y hendenan cu sueldo minimo y esaki ta costa caha di gobierno 22 miyon florin. Ta placa cu gobierno di AVP a scohe pa no hinca den caha di gobierno mas pero pa saca pa drecha forsa di compra di hendenan cu mas mester di dje den nos comunidad. 

Ora cu a aumenta onderstand, nos por mira con esaki tambe ta un ehempel di con ta drecha forsa di compra di berdad. 

Papia di un cos no ta mescos cu hasi e cos ya cu ta keda bisa pueblo cu tin un mega debe pero no ta bisa nan na unda e placa a bay.

Ehempelnan ta tur e barionan y scolnan cu a wordo drecha, infrastuctura pero sigur tambe ehempelnan cu mi a caba di menciona cu placa a wordo laga den saco di esunnan cu mas mester di dje den pueblo. 

Awor nos ta mira unicamente medida pa financia ‘friends and family.’ 

Gobierno di Mike Eman a scohe pa institui ATA sui generis. Esaki ta nifica cu tur aña 120 miyon florin cu por a bay den caha di gobierno awor ta bay den man di ATA pa promove y mercadea nos isla pa promove nos pilar economico principal.

Por ultimo minister a bisa tambe cu den su opinion, economia ta bayendo bon y ta tene cuenta cu un calculacion di 1% di crecemento economico pa e aña binidero. 

Mi no sa riba kico e ta basa esaki y tambe mi ta cuestiona kico un posibel crecemento di ecomonia lo yuda pueblo, si ya e nivel di inflacion cu ta causando di hopi problema pa pueblo, ta rond di 5%. 

Minister ta spera un crecemento economico, pero cifras di Banco central ta mustra cu e expectativa general di consumidoran ta mas y mas negativo. 

Consumidonan ta spera cu prijsnan lo sigui aumenta den e siguiente e 6 lunanan, nan ta pensa cu economia lo bay menos bon y nan no tin confiansa mas pa inverti. 

Esakinan ta cifranan cu Banco Central a emiti pa e tercer kwartaal di e aña aki y nan ta liña recta contra tur loke Minister di Finansa ta mira pa proximo aña, “e miembro di fraccion di AVP, sr Robert Candelaria ta declara.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search