Minister Rudy Lampe no tin respet pa Parlamento

 In AVP

Ta un hecho confirma cu Minister di Enseñansa no ta respeta decision di Parlamento y no ta ehecuta un mocion cu Parlamento a aproba pa loke ta su maneho di e Sistema di DPS y ta haci loke cu e kier con cu e kier, lider di fraccion di AVP, sr Marlon Sneek a mustra.

Manera cu sr Sneek ya caba den pasado a yega di atende minister Lampe riba su intension pa sigui cu su maneho pa pone DPS den un fundacion y awor a bolbe mustra cu e Sistema di Lampe ta di no come e pisca den un solo tiro pa tur hende ripara, per ta cortando e pisa, esta DPS na mochi y poco poco ta anulando e decision tuma pa Parlamento riba e particularidad aki.

‘Nos a wordo informa di un reunion cu a wordo yama diarnanson dor di DPS cu esunnan cu ta traha na Tra’i Merdia pero caminda tin cu mustra cu Tra’i Merdia tin su dircectiva cu ta maneha e grupo aki caminda ta e bestuur aki DPS mester a sinta cu nan pero caminda por a mira cu minister ta manda su discipulonan haci esaki.

Durante di e reunion aki DPS a duna e grupo  cu a atende e reunion aki, nan ‘bonus’ di fin di aña caminda a informa nan tur cu entrante prome di januari 2019, a bisa e ‘huiswerkbegeleiders’ danki pa tur e añanan cu e hendenan aki a inverti den Tra’i Merdia pero cu entrante januari 2019, no ta bay tin mester di nan mas.

Na mes momento nan a informa tambe e lidernan di e centro cu entrante prome di januari 2019 te cu 1 di juli 2019, nan lo bay tin mester di nan, nan tabata traha di 2’or pa 6’or pero a bira cambia nan orario y durante di e periodo menciona nan tin cu bay traha di 3’or pa 5’or pero cu mujsicdespues di 1 di juli 2019, no tin trabou pa e grupo aki mas.

Pues maneho straño cu ta tumando luga sin cu  minister Lampe ta informa Parlamento y ta di carambola nos ta bin haya e tipo di informacionnan aki y no ta cos cu nos a inventa pero nos tin e carta cu a wordo entrega na esunnan cu a asisti na e reunion den cual reunion a informa nan cu maneho ta bay cambia.

Entre otro lo bay introduci  musica, arte y otro cosnan y cu nan lo no bay tin e parti di huiswerkbegeleiding mas.

Mi ta puntra mi mes si mayornan kendenan ta contribui, ya cu mester corda cu Tra’i Merida no ta completamente gratis ya cu mayornan tambe tin cu  contribui y hopi mayor tin nan yiu na Tra’i Merdia, banda di e desaroyo motorico, arte cu nan ta haya, especialmente e parti di huiswerkbegeleiding, awor tur cos ta indica mirando cu  ta manda esunnan cu ta duna huiswerkbegeleiding cas, pues esaki lo no bay tuma luga mas.

Pero tin cu puntra si a papia cu e mayornan,  a informa mayornan cu e parti caminda nan yiunan tabata haya huiswerkbegeleiding na Tra’i Merdia no ta bay keda mescos mas.

Pues por mira un biaha mas manehonan ad hoc, maneho dirigi pa manda un grupo di hende cas sin un opzeggingstermijn manera mester ta y atrobe cu ta mishi c’un structura, di cual for di Parlamento a pidi e minister  pa no mishi cu esaki pa garantisa cu lo tin continuidad den esaki.

Es mas, hasta a draai un proyecto ‘Nos Atardi’

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search