Minister Presidente no por duna bon ehempel si e mes ta mal ehempel

 In AVP

Miembro di fraccion di AVP, Benny Sevinger diamars mainta den conferencia di prensa a mustra cu den siman cu a pasa, por a scucha for di comunidad, cu Aruba tin un di e gobiernonan mas desproporcional cu el a yega di conoce. 

Segun sr Sevinger cu dia cu e actual gobierno a yega na forma, tabatin un reunion den Parlamento cu Parlamentarionan cu ta sostene gobierno, tabata euforico cu nan si ta bay haci tur cos, nan lo ta transparente y cu nan lo bay cera tur hende di partido AVP. 

“Mi a bisa nan e tempo ey cu mi tin mas cu 20 aña, 11 aña den Parlamento, 8 aña como Minister caminda mi a mira hopi bin y hopi bay. 

Mi a bisa nan tambe cu ora mi mira e formacion di e gobierno aki, e tres partidonan RED, POR y MEP, mira e personanan cu a bay sinta riba stoelnan di Minister, sin cu tabata conoce e parlamentarionan nobo cu a drenta, mi a bisa cu e gobierno aki no tin ningun agenda, caminda nan no a presenta ningun agenda di kico nan ta bay haci pa bay haci pa comunidad. 

Unico conclusion cu mi por a saca e tempo ey, tabata c’un grupo di bandido a uni pa bay horta un banco anto e banco ey ta pueblo di Aruba, esta e caha di gobierno aki. 

Awor nos ta tres aña leu y Benny Sevinger ta haya rason di e grupo di bandido aki. 

Mi a bisa esaki ya cu durante e ultimo tres aña cu a pasa, no a por a mira diferente cos straño ta sosode rond di gobernantenan y tambe den Parlamento. 

Pero poco poco nos a cuminsa mira cu esakinan ta birando mas publico y lo mi duna diferente ehempel cu a sosode den ultimo tempo cu nos comunidad ta reacciona y ta ser bisa cu esaki no por di e forma con e hendenan aki ta gobernando e pais. 

Si nos cuminsa na Prome Minister, un persona cu supuestamente mester duna e bon ehempel con transparente y con ley mester ta di politica partidista y di politica cu ta hinca man den saco di pueblo y pone esaki den man di friends and family. 

Eynan caba ta cuminsa e problema caminda e Minister President no tin autoridad pa bisa ningun di su otro coleganan, cu e cosnan cu boso ta haciendo ey, ta cosnan cu no a cuadra den bon gobernacion  y cu ta conduci na corupcion. 

Pero con Prome Ministere por tin autoridad pa bisa su coleganan pa no haci esey caminda abo mes ta duna ehempel di firma contract cu bo tata su bureau cu bo mes ta doño di dje, pa miyones di florin. 

Con Prome Minister por splica pueblo cu bo ta duna bo propio tata contacto, caminda bo persona ta heredero, den futuro abo ta bay cobra e placa aki, miyones di florin y e ora ey cualkier Minister y cualkier Parlamentario ta pa nan cuenta, nan tambe ta busca y poco poco pueblo por cuminsa mira  cu esaki ta cuminsa haci daño,” Parlamentario Benny Sevinger a declara.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search