fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister Oduber ta tratando fraccion di MEP manera un ‘poppenkast’

No tin hustificacion cu gobierno a dicidi di cancela e reunion yama pa fraccion di MEP relaciona cu cobransa pa recogemento di sushi, pa e minister di infrastructura bin duna splicacion na Parlamento riba e decision cu el a dicdi di tuma pa introduci e conbransa aki entrante prome di juli di 2018.

Parlamentario Beny Sevinger di fraccion di AVP ta mustra cu parlamento ta un organo cu mester controla gobierno pero e desaroyo aki caminda ordo a bin pa no sigui cu e reunion, no por ta uno cu ta sali for di gobierno sin mas.

E forma con minister di infrastructura a atende cu e peticion di fraccion di MEP den expresionnan haci, ta confirma cu ta e minister y su coleganan di conseho di minister, ta determina cua reunion por sigui y cua reunion no por sigui.

“E ta algo serio y tristo con tur cos a cana y kico a sosode tanto paden como pafo di sala di parlamento e dia cu e reunion mester a tuma luga, cu a confirma cu lider di fraccion di MEP kende a tuma e iniciativa pa yama e reunion aki, a ser hala un banda y a wordo ordena pa cancela e reunion, cual reunion por a sigui su curso y e minister por a bin duna splicacion riba e maneho cu e kier hiba relaciona cu Serlimar.

Gobierno por a dicidi di cambia e decision, ya cu ta un decsion di e gobierno of di e minister di infrastructura pero na mes momento e no a cambia e situacion cu parlamento kier haya mas informacion riba e decision cu e minister a tuma, apesar cu el a haya casi dobel di e placa riba presupuesto di Serlimar pa 2018.

E pregunta cardinal cu kier a haci na e mandatario Oduber ta kico e kier haci cu e placa extra cu el a haya caba riba presupuesto 2018 pa Serlimar y kico e kier haci cu e placa cu cobrameno di sushi lo a produci ora cu e wordo introduci.

 

Ta na su luga  pa mustra con minister di infrastructura a hunga su wega di principalmente e fracion di MEP pero de proceso aki cu henter parlamento y ta net e gobierno aki na inicio a papia di un era nobo pa parlamento caminda ta duna e organo aki su respet y reconocimente cu e merece.

E anochi prome cu e reunion durante di un ‘coalitieberraad’  a tuma e decision cu lo cancela e reunion cu fraccion di MEP a pidi pero e mainta di e reunion por a ripara cu preparacion pa e reunion a ser tuma, luznan cendi, personal di parlamento cla pa e reunion y hasta por a mira trahadonan di minister di infrastructura, trece television den sala y presencia di algun consehero y coordinador di e minister den sala.

Hasta un coordinador di e minister a presenta c’un grupo di trahadonan di Serlimar pa asisti na e reunion y tur esaki despues cu e reunion a wordo cancela di e anochi prome caba.

Minister Oduber mes a duna acta di presencia, a duna declaracion na prensa despues sabiendo cu e mes a forma parti di e decision pa cancela e reunion e anochi anterior caba.

E cosnan aki ta bolbe confirma cu gabinete Wever Croes, ta dicidi tur loke tin cu pasa cu e tres fraccionnan cu ta sostene gobierno y no andersom y esak realmente a pone cu fraccion di MEP ta un ‘poppenkast’ cu minister di infrastructura ta hala cabuya y dicidi con y ki ora nan tin cu move y haci algo,” Parlamentario Benny Sevinger a mustra.