fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister di Asuntonan social a pasa casi un tercera parti di su periodo den exterior

E esfuerso cu ta wordo haci pa miembronan di fraccion di MEP pa  yuda nan minister di asuntonan social sconde tras di argumentonan sin sentido relaciona cu e plan social di e gabineteWever Croes, ta algo asombroso.

Principalmente ora cu ta uza argumentonan sin sentido, maneha pa insultonan tradicional di partido MEP, ta confirma loke henter pueblo ta na altura caba, esta cu gabinete Wever Croes simplemente no por cumpli cu promesanan haci na pueblo di Aruba.

Ya caba tin e lista largo di promesanan haci durante di campaña electoral cu no a wordo ehecuta of cumpli pero hasta sinta den gobierno, no ta cumpliendo cu promesanan haci y e plan social ta un di nan.

Ni maske cuanto parlamentarionan y e minister di asuntonan social trata di hustifica e crisis social cu nan mes a crea y e falta di accion directo den nan maneho di e situacion social, ta un hecho cu awor nos hende nan a bai atras financieramente dor di medidanan y consecuentemente nan situacion social a bai atras sin cu tin ningin indicacion concreto cu algo ta wordo haci y kico lo wordo haci.

Pa colmo Glenbert Croes di MEP a publica un comunicado rebahando parlamentario di fraccion di AVP, drs Mervin Wyatt Ras pa su preocupacion expresa encuanto e falta di ejecucion di e plan di crisis y e lista di espera na Sociale Zaken cu di 2 luna a subi na 2 anja den e gobierno aki.

Ta haci comosifuera ta nan ta bai salba mundo y no kier admiti tur loke AVP a haci pa esnan vulnerable den nos comunidad saliendo for di e bestaansminimum  cu a ser calcula na 2161 florin. Ta mesun minister di asuntonan social actual, tambe a uza e suma aki den campaña electoral y a sigura votadonan cu MEP den gobierno, lo aumenta sigur e minimumloon.

Un aña a pasa y mescos cu tur otro asunto cu ta regarda pueblo,  e minimumloon no a wordo aumenta manera Glenbert a priminti.

Es mas, gabinete Wever Croes a percura pa mas problema financiero pa tur esunnan cu ta cobra minimumloon ora cu a introduci un pakete di medida di BBO y BAZV, hincando cantidad di famia den problemanan financiero cu na su turno ta trece problema social.

No tin indicacion tampoco cu gabinete Wever Croes por lo pronto lo trece cambio den esaki pero si pueblo lo bay wordo confronta cu mas medida den proximo lunanan, creando ainda mas problema social y financiero.

Na luga di cuestiona nan minister di asuntonan social pa e hecho cu e tin un suma di 17 miyon staciona sin cu el a haci uzo di dje pa su plan di crisis social, ta purba di silencia parlamentario Wyatt Ras y evita di atende cu e asunto directamente.

No por hustifica den ningun forma e hecho c’un gobierno cu a pidi y haya aprobacion di parlamento pa un suma di 17 miyon pa atende cu e crisis social cu tanto a papia di dje y un aña despues no tin algo concreto pa pueblo por ripara cu e situacion aki ta wordo atende manera mester ta.

Acerca ta bin e hecho cu minister di asuntonan social ya a pasa casi 90 dia den exterior, esta di biahe, cu ta casi un tercera parti di su periodo cu e ta minister y ta mas cu claro cu no tin plan social pa ehecuta, cu ainda tur hende  sperando riba e plan aki.

Na luga cu fraccion di MEP como representantenan di pueblo sali na defensa di pueblo cu ta sperando riba ehecucion di e plan di crisissocial aki, ta prefera di sigui atende asuntonan politico prome enbes di pone atencion na interes general di e pais.

Ya caba CFT tambe a haci remarca riba e forma con minister y gobierno a dicidi di ‘parkeer’ e placa aki un caminda sin cu el a wordo destina pa loke el a wordo pidi y poni riba presupuesto 2018 sin cu a haci uzo di dje.