fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Minister Bikker ta sconde fechorianan di su maneho

Minister di Husticia Andin Bikker tambe a haya critica for di Parlamentario Arthur Dowers. 

Pa e mandatario aki, sr  Dowers no tin palabra bunita pa describi su maneho, mas ainda despues, segun e parlamentario di fraccion di AVP, el a atrap’e ta gaña den Parlamento siman pasa. 

“Bikker mester realisa loke e ta scondiendo y e maldadnan cu e ta haci, ta bin sali na cla.

A uza miyones di florin di Hulanda y te ainda e situacion pa personal di Warda Nos Costa no a mehora y nan ta traha ainda bou di e mesun condicionnan deplorable y dificil.

Miyones di florin a wordo uza pa faborece hendenan yega na e gobierno aki y e trahadonan  mes a bira victima di esaki.”

Doweras a sigui mustera cu e mandatario ta sigui sconde, pasobra den Parlamento a pidi su persona pa habri e luga pa parlamentarionan por bay mira e situacion pero e mandatario no a ni contesta riba e peticion aki.

Arthur Dowers ta kere cu esaki ta simplemente pa no mira e fechoria cu e ta haci cu e empleadonan y a bisa Minister Bikker cu “maske con bon bo ta gaña, e realidad lo Sali y e momento lo yega cu lo demostra cu e placa di Hulanda a simplemente a bay den saco di su amigonan.”

E parlamentario miembro di fraccion di AVP  a finalisa bisando cu keda pendiente pasobra pronto tin mas cos dudoso cu lo sali na cla.