Mike Eman eligi como Vice-Presidente di ODCA

 In AVP

Durante e 22’ Congreso di Organizacion Democrata Cristiana de America (ODCA) e lider di AVP, Mike Eman a worde eligi unanimamente como Vice Presidente di ODCA pa e area di Caribe. Presidente di ODCA, Juan Carlos Latorre a expresa cu pa ODCA ta un honor tin Mike Eman, cu pa dos termino tabata Promer Minister di Aruba cu hopi exito y den cual su e passion pa e ideologia Humanista Social Cristian a reslta, den e comitee ehecutivo di ODCA.

Lider di AVP Mike Eman hunto cu Paralamentario Robert Candelaria a atende e conferencia di ODCA na San Jose Costa Rica. Na e conferencia a atende 23 partido di 20 pais di Sur y Centro America y Caribe. 

Durante e Congreso a adopta tambe un resolucion pa funda un instituto di innovacion, formacion y estudionan den scienia politico na Aruba. Den un foro cu lo worde teni na Boneiro proximamente lo trece  e institutonan scientifico asocia na partidonan miembro di ODCA hunto pa elabora entre otro riba e formacion di e instituto aki na Aruba.

Tanto e lider di AVP, Mike Eman como Parlamentario Robert Candelaria tabata hopi honra y contento cu e nombracion cu Eman a haya y e decision di Congreso di ODCA pa establece un centro di Innovacion y Formacion Politico na Aruba cu lo sirbi e nececidad di formacion politico pa 27 partido representando 22 pais. 

“Esaki ta algo hopi grandi paAruba. Cu nos Fundacionan di Formacion Digna Lacle Herrera y di estudionan scientifico, Fundacion Mito Croes, nos lo por crea un cooperacion synergico cu e Insituto Internacional aki di Formacion y Innocavion den Sciencia Politico esableci na Aruba”, Mike Eman a expresa. 

Eman: Durante nos gestionan den gobernacion nos a duna hopi prioridad na haci Aruba e centro di establecimento di institutonan di conocemento manera TNO, Rietveld Academie y cooperacion cu universidadnan manera entre otro Harvard, MIT, University of Pennsylvania, Universiteit van Delft, Universiteit van Leiden, Universiteit van Leuven, Rietveld Academie. 

Miembro di Parlamento Candelaria a bisa cu e reconocimento aki pa lider di Partido Mike Eman ta algo grandi pa Aruba y cu e hecho cu Aruba ta haya un cede di instituto di formacion hustamente na e momento cu ta sinti cu den mundo profundisacion y innovacion di poltica ta un nececidad pa ofrece visionan politico cu contenido y no populista ta hopi importante. 

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search