Mervin Wyatt-Ras ta preocupa pa e calidad di cuido di nos salud na Aruba

 In AVP

Mervin Wyatt-Ras, parlamentario sirbiendo nos pueblo pa fraccion di AVP durante conferencia di prensa semanal di partido a expresa su preocupacion entorno e calidad di cuido di salud y a manda 14 pregunta pa minister Dangui Oduber. 
E parlamentario ta cuestionando e procedura cu ta sigui pa loke ta implementacion di e ley di Beroepen in de Gezondheidszorg (BIG) cu a ser aproba den Parlamento na anja 2014. Wyatt-Ras y su coleganan a skucha tur stakeholders promer cu a trata e ley y hasta a presenta amienda pa drecha e concepto di ley. Ora gobierno a cambia e mandatario encarga cu salubridad a lanta un comision pa implementa e ley y a surgi discucion y stagnacion den comunicacion cu veld. Parlamento a ser aserca dor di e actornan importante den salubridad, entre nan dokternan di cas, specialistanan, boticarionan, fisioterapistanan, dentistanan y AZV y a skucha nan preocupacion dia 12 di november 2018. Despues a reuni cu minister y a urgi’e pa envolvi e stakeholders y pa traha riba in Kwaliteitsinstituut. Dicho  instituto ta ancra den e ley di calidad di cuido di salubridad cu a ser aproba dor di parlamento na december 2014. Ta di importancia pa uza standaard internacional renombra pa garantisa e calidad di cuido, muy en especial ora kier desaroya turismo medico. Den pasado gobierno di Avp tabatin deliberacion cu institutonan di Hulanda, Canada y Merca pa acredita. Por a compronde cu e gobierno aki ta den deliberacion cu otro paisnan. Segun Wyatt-Ras ta di importancia pa e ley di AruBIG yega parlamento. Ya ta  casi 10 luna caba. Y hasta por tende cu e stakeholders tampoco no a tende nada mas. Pesey mes e parlamentario ta mandando diferente pregunta dirigi na e minister. E ta puntra ki dia por spera e ley na parlamento, cuanto di e hobennan cu a studia medicina den region cu gobierno a priminti trabou a haya esaki? Cuanto di e hobennan basisarts a sigui studia pa specialisa y na unda? Si tin cu a caba cu nan opleiding caba pa bin traha como huisarts y cuanto ta studiando pa huisarts. 
Ademas Wyatt-Ras a manda preguntanan pa loke ta trata Spoedeisende hulp  na hospital. Den pasado e actual minister a critica Spoedeisende Hulp, sinembargo awor cu e ta minister tin kehonan. Pa loke ta trata e Huisartsenpost pregunta ta si e tabatin e efecto desea y ki tipo di keho ta ser encontra. Wyatt-Ras a manda pregunta tambe  regardando manpowerplanning. Cuanto dokter/specialista ya a ser coloca? Si ya nos por conta cu in oncoloog cu tabata haci falta y cu nos hendenan tabata keha cu no tin. 
Pregunta a ser manda tambe encuanto e proceso di renovacion di hospital. E minister aki como parlamentario a critica e minister anterior hopi, sinembargo no ta haciendo mucho. Con leu e renovacion di hospital ta y si tin investigacion andando of kico ta resultado di dicho investigacion. Recientemente un parlamentario Hulandes a critica masha con largo e mester a warda na Spoedeisende Hulp, con el a ser atendi y con e camber cu su esposo a drumi aden cu 6 persona no tabata adecuado. E informacion aki no ta duna in bon imagen di e calidad di cuido cu nos ta ofrese.
Finalmente e parlamentario ta spera cu e minister lo contesta su preguntanan.  

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search