Mervin Wyatt-Ras: Ora habri frontera mester salvaguardia salud di nos pueblo

 In AVP

Dialuna den 2 comicion a reuni cu minister di Turismo y Salubridad
Pubico Dangui Oduber, minister di labor Glenbert Croes y director di
ATA Ronella Tjin Asjoe-Croes tocante diferente aspecto di turismo, salubridad y labor. Durante e reunion a duna splicasion cu
lo tin apertura di frontera di Aruba pa vuelonan of un soft opening
entre 15 juni y 1 juli venidero, awor cu tin o caso di COVID 19. Ta spera cu por lo maximo 2000 persona por drenta Aruba pa luna. RIVM lo duna consejo di kico
mester tin in place prome cu por start sali. Mester tin capacidad
ariba tereno di salud manera bon cuido di Hospital y ICU, tambe mester tin suficiente remedi. Aruba haya sosten di Hulanda di 21 profesional di Merca pa ICU. Tambe a aumenta e capacidad di ICU te 33 lugar. Hulanda a zorg pa 12 unit mas pa ICU. Ta di importancia un bon contact-
tracing pa cu turistanan y cuarentena mester ta bon regla. Segun WHO e risico di existencia di COVID 19 lo no disparce mas. Pues nos mester ta bon prepara. E “Tourism recovery plan” tin diferente scenario. AAA tin protocol. Protocol pre-arrival y post-arrival.
Negoshinan mester haya cello pa cumpli cu hygiene. Prome cu habri
frontera lo mester regla “thermal cameras”. Den caso tin sospecho cu un pasajero tin simptomanan lo manda e pasahero na un area special. Aki lo tin un “medical team” pa atende cu e pasahero, hasta lo por haci un rapid test. Despues e pasahero lo por sigui pa bai immigration. Tin un protocol den caso resulta for di e rapid test cu e pasahero ta COVID positive. Esnan cu a sinta rond e e pasahero ey lo mester drenta cuarentena.
En comparacion cu anja pasa lo tin hop menos turista.
Mervin Wyatt-Ras a mustra su preocupacion pa loke ta trata e “self reported health declaration” si esaki ta “betrouwbaar” of confiable.
Paso pa bin Aruba por djies bisa cu tur cos ta bon y ora yega aki,
Aruba lo tin cu haci hopi chekeo riba camera y midi temperatura pa
averigua.
Wyatt-Ras a puntra di cuanto hende e “medical team” y di cual
profesionalnan e team ta consisti. A puntra alabes pa protection pa e
personal di immigracion cu tin cu atende cu pasaheronan y e
trahadornan di limpiesa cu prome cu frontera a sera no a haya sosten di nan compania pa bisti proteccion. Wyatt-Ras a puntra alabes si lo bisti mondkapje paso tabatin discucion al respecto sin embargo den cantidad di pais ta normal cu ta usa mondkapje. Wyatt-Ras ta haya cu
mester por usa mondkapje.
Wyatt-Ras a puntra alabes con prepara hotelnan ta y en especial
trahadornan. Paso den hopi ocasion dunadornan di trabou ta na altura
di un procedura pero no ta pase door pa e trahadonan. Segun contesta
di e minister e protocolnan pa trahadornan lo ta alabes ariba e
website di COVID 19. Wyatt-Ras a expresa alabes su preocupacion pa
loke ta trata FASE y e hecho cu tin un cantidad di persona cu no a
recibí pago ainda di 950,- di FASE. Aki por a ser informa cu lo
versoepel un ke otro pa wak si mas persona lo por bin na remarca pa
haya yudansa, Ademas lo mester yuda zzp’ers.
Wyatt-Ras ta haya necesario pa habri frontera, en especial dor cu nos
economia ta depende grandemente di turismo sin embargo na mesen
momento nos mester proteha turista y tambe nos cuidadanonan. pa
salvaguardia salud di nos pueblo ta nos mester carga esaki y ta nos
mester keda sobreviví arriba e pais aki.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search