Crisis plan social no ta efectivo dor di resta 10 MIYON florin

 In AVP

Parlamentario Mervin Wyatt-Ras den combersacion cu prensa a declara su duda den efectividad di plan di crisis social. Dicho plan a ser traha ora dos mucha victima di maltrato den man di nan padrastro a ser mata na un forma cruel, hasta a haya rasgo di uzo di cannabis.  

E minister a tuma esaki pa bisa cu tin crisis y lanta un fondo pa ricibi anualmente 18 MIYON y a priminti veld social y otro departamento cu ta traha cu hoben di duna nan placa. Sinembargo ora cu a yega momento di duna placa a bin cu criterianan y fundacionnan e ora no tabatin crisis mas paso instancianan mester a cumpli cu yen di rekistito pa haya placa.

Despues a surgi yen di caso di abuso di mucha cu a sali den medionan di comunicacion.

Esakinan no tabata crisis pa e gobierno paso te dia di awe e no a bin papia di esakinan.

Hasta a resta placa. Di e 18 miyon pa 2018 y 2019 a resta 10 miyon. 

Esaki ta mas cu a ser gasta. Por bisa cu gobierno a exagera. Tambe pa 2020 -2021 un suma semehante lo ser uza mientras gobierno ta presupuesta 18.6 miyon. Na final di dia lo resta 20.6 miyon. 

Esey ta netamente loke nos fraccion a bin ta bisa desde cu a introduci e plan menciona, haciendo comosifuera cu anterior niun hende no a traha den sector social. E puntonan principal cual ta registracion y cooperacion entre instancianan ainda no a ser traha riba nan. Ta awor ta bay instala sistema di registration. Mientrastanto mas cu 56 persona a ser nombre temporario pa cual Parlamento mester a reuni pa nan contract por a ser prolonga. Pa loke ta e presupuesto di crisisplan 2020-2021 Raad van Advies mes tambe ta trece padilanti cu e palabra crisis ta implica cu tin un situacion di urgencia y ta temporario temporario y ta pidi pa indica ki ora no lo tin crisis mas.

Dor cu e metanan di e plan ta di duracion largo esaki no ta cuadra cu un situacion di crisis cu ta temporario. Pesey Raad van Advies ta pidi pa duna mas y miho splicasion. Den ultimo dianan e asunto di e hoben cu a menasa na Colegio Arubano y e hobennan cu a kima skol a sacudi pueblo pero aki si no a declara niun situacion di emergencia ni di crisis. E minister ta keto keto. Awor aki cu subida di BBO y medidanan di belasting ta awor nos pais a drenta den crisis.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search