Manifestacion Nacional 12 di April venidero unda Pueblo kier vocifera malcontento masalmente!

 In AVP

Un grupo di hende a bay cana caminda legal pa un protesta pa dia 12 di April. Esaki ta dirigi riba un mal contento pa e gobernacion actual.

Tony Geerman ta un di e personanan cu a bay entrega e peticion. E ta comenta cu nan a bin pidi un permiso pa manifesta pasobra pueblo ta mal contento.

Canando rond den pueblo, por ta realisa cu nan ta desapunta y nan ta defrauda. Den e ultimo eleccion, nan a bay un eleccion cu puro engaño. Tur loke nan a priminti pais Aruba, nada no a wordo cumpli. Nan a bisa cu nan ta bay baha awa y coriente, tampoco no a sosode.

Tur hende di baina nan por mantene nan cabes riba awa. Tin cu traha duro pa sobrevivi. Asina aki no por sigui cu un gobierno cu a tuma pueblo haci di gran forma y ta exigi pa bin cu un eleccion mas pronto posibel. Nan a wordo engaña y e votadornan ta completamente defrauda.

Ta spera un manifestacion masal. Ta warda henter pueblo di Arub bin y manifesta nan malcontento dia 12 di April proximo. Ta sali dilanti di ex DOW pa 4’or di atardi. For di 2’or caba lo bay aglomera eydilanti pa sali den gran forma, demostra nan mal contento pa tur loke ta e ultimo acontecimentonan cu ta tumando luga na pais Aruba.

Manifiesto na gobierno

Riba e dia ey ta exigi pa prome minister bin tuma e manifiesto, pasobra e nan kier pa bin ricibi e manifiesto, pa asina demostra nan cu nan a engaña e pueblo di Aruba den e ultimo eleccion y tur locual cu nan a priminti, no a cumpli. Di e forma aki, ta rasonnan mas cu suficiente pakico nan ta manifesta.

Canando den pueblo

Geerman a splica cu e ta un hende cu ta cana tur caminda. Hasta e hendenan cu a vota pa nan, ta sinti nan mes defrauda y desapunta y cu ta un eror hopi grandi cu nan a comete, pasobra na e momento nan aki, nan no ta haya oido for di gobierno. Tur loke a priminti, nan a wordo engaña. Nan ta cla tambe pa subi caya.

Recent Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search