Lucha contra adiccion a bira perdida di salario di trahadonan den cuido contra adiccion

 In AVP

Gabinete Wever Croes tin un historial di ta un gobierno cu ta priminti pueblo algo y ta keda sin cumpli cu promesanan cu a wordo haci na  pueblo.

Parlamentario di fraccion di AVP, sr Robert Candelaria a mustra diahuebs mainta cu e actual gobierno ta priminti pa legalisa remedi, pero den practica ta purba legalisa plantacion di marihuana. Ta lanta e pregunta ta pakico gobierno ta haci esaki? 

E splicacion ta cu esaki ta of pa tene sponsor na liña y contento, of pa tene pas den un gobierno  dor di tene partner di coalicion na liña pa e gobierno no bay cas. 

“Hecho ta si cu sin cambio den e ley menciona, tur cos cu nan kier haci awor ta prohibi. No por bende e cuero prome cu mata e baca. Nos indicacion fuerte ta, cu gobierno sa cu e no tin mayoria den parlamento pa sostene e cambionan legal pa legalisa plantacion di cannabis, pero ta sigui tog. 

Si kier sigui kere den e promesa aki pa gana placa of pa mantene e gobierno na mando, be muy guest pero na esunnan cu ta kere cu nan lo gana placa facil cu cannabis, mi kier bisa nan pa nan sa si, cu nan ta gaña nan mes.

Loke nos ta haña hopi lamentabel ta e hecho cu e mesun gobierno di MEP-POR-RED aki cu ta trata na legalisa cultivo di cannabis cu nan NO a palabra cu otro den nan acuerdo di gobernacion. Loke si gobierno a bisa cu nan lo haci den nan acuerdo di gobernacion ta, cu nan lo yuda esunnan cu ta adicto di droga. Mi ta bolbe cita partinan di nan acuerdo.

  • “Di acuerdo cu recomendacion di Nacionnan Uni nos lo dedica 1.5% di nos presupuesto nacional na crea e infrastructura adecuado pa preveni y combati drogadiccion.”
  • “Rehabilitacion: Nos lo percura pa un biaha mas e cadena di cuido den adiccion lo ta e ehempel pa cuido aki na Aruba, manera esaki tabata. Iniciativa priva, iniciativa publico lo wordo reenforsa.”
  • “E cadena di cuido lo mester trece cu ne, cu esaki lo para e proceso/ciclo di degeneracion mental, spiritual, social y dependencia total cu adiccion ta trece cu ne. E cadena di cuido mester guia e adicto for di riba caya te na bira un ciudadano respeta y productivo den nos comunidad.” 

Realidad ta cu gabinete MEP-POR-RED a stop di paga salario di hende cu ta traha cu adictonan. A kita algun di trabou y asina por sigui menciona mas cos cu ta contradici loke nan a priminti pa cu e maneho di adiccion. 

Mientrastanto ta e hende ta keda perhudica. Su famia ta keda desampara y si no sigui yuda centronan cu ta yuda e adictonan pa sali di nan adiccion, ta comunidad ta keda desampara. 

Esaki ta djis un ehempel mas di con e gobierno di MEP-POR-RED di inicio a sali y priminti hopi cos bon, pero ta ehecuta lo contrario y asina ta perhudica e ser humano cu nan a bisa cu lo ta central. 

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search