Interes politico di fraccionnan di gobierno a bira un obstaculo

 In AVP

Fraccion di AVP diamars mainta a presenta pa e reunion  publico pa trata presupuesto di Parlamento pero tambe e ley cu ta reglamente e reduccion di salario di Parlamentarionan pa e tempo di crisis aki.

Parlamentario Michael Lampe a mustra cu ta di lamenta e hecho cu mientras cu fraccion di AVP a bin pa atende e asunto serio aki y  regla tur asunto sin perde tempo, por a tuma nota cu dos fraccionnan cu ta sostene gobierno, esta fraccion di MEP y fraccion di MEP, tin diferencia di opinion serio.

“E situacion aki a crea pa un problema serio caminda den seno di fraccionnan cu ta sostena gobierno, no tin consensus riba e concepto di ley presenta pa  fraccion di MEP caminda lider di fraccion di POR, a dicidi cu e concepto aki no ta sirbi y esaki tin cu wordo tira den prullebak.

Nos di fracciobn di AVP ta haya e situacion aki totalmente for di luga ya cu na momento cu nos tin cu atende cu asuntonan cu ta toca interes general di nos pueblo, no por tin luga pa e tipo di weganan politico aki.

Ya caba nos tin hopi tata y mama di famia cu a perde nan salario, mas hendenan cu ta pasando den situacionnan dificil y e reunion aki mester a mustra e disponibilidad di miembronan di Parlamento, pa duna di nan parti tambe un sosten significante pa e situacion cu nos tur ta pasando aden.

Fraccion di AVP a presenta un amienda caminda lo pidi pa Parlamentarionan duna algo mas compara cu locual ya caba a wordo palabra y e situacion politico crea pa e dos fraccionnan geel y blauw, ta totalmente for di luga y ta algo di lamenta totalmente.

Den momentonan asina seriedad ta loke tin cu prevalece caminda interes  di pueblo, sigur mester ta riba tur otro asunto di partido y sigur asuntonan politico,” Parlamentario Michael Lampe a declara.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search