Intencion di Minister Rudy Lampe ta pa kita tur siguridad di scolnan

 In AVP

Diabierna merdia/atardi a tuma luga un manifestacion pa demostra disgusto/ mal contento riba e situacion andando cu Traimerdia. Parlamentarionan presente a ricibi e grupo di lidernan di Traimerdia cu a comparti cu nan kico tur ta locual cu ta e intrankilidad cu ta biba entre nan. Parlamentario Robert Candelaria a splica un poco mas kico tur ta locual a bin afo di e manifestacion aki.

Por a scucha for di e lidernan un preocupacion grandi, no solamente pa e cambionan cu kier introduci, pero tambe riba nan posicion huridico cu ta na peliger. Por a tuma nota cu cada biaha e situacion ta bira mas y mas grandi y cu no tin trankilidad den Enseñansa.

Robert Candelaria di su banda ta bisa cu biniendo di e banda di Siguridad y Husticia e no por a kere kico mas tin den su plan y cu e malcontento aki a uni hopi hende pa asina bin dilanti y trese nan disgusto na e Minister en cuestion.

“Mi a keda sorprendi na momento cu a sali na cla e intencion di Minister Lampe ta pa kita siguridad na e scolnan, ademas di e disgusto cu ya caba a bin dilanti na momento cu e bisa cu ta bay uni algun scol y elimina traimerdia” ta locual cu parlamentario Robert Candelaria a bisa.

Gabinete Wever Croes tin cu realisa cu na momento cu tur cos cuminsa na malo cu e Minister y cada bes ta keda resulta den problema, tension, rabiamento, fracaso ta momento pa re-evalua kico ta pasando den Enseñansa. Un cos por bay malo , pero TUR cos? Tin cu saca conclusion y Urgente!

Minister Rudy Lampe no a trese su vision dilanti, cu a trese cu ne intrankilidad. Ta hopi problema a surgi y mas na caminda mirando e manera scondi y sin trasnparencia cu e ta traha. Por a mira tambe cu no ta un fraccion so pero dos fraccion a sali hunto pa asina apela na e Minister pa bin cu claridad y mes ora. Remarcabel ta cu no tin y no a haya informacion for di Minister Lampe y esaki no ta awe pero ta peticion for di basta tempo atras y for di varios fraccion sin haya oido. Imagina esnan den field cu ta para ta pidi esaki den un manifestacion. Tur pa falta di comunicacion, caminda por a evita hopi problema pero e minister a opta pa warda te final sin duna claridad na su intencionnan y ta mustra di tin cos pa tapa creando incertidumbre.

Recommended Posts
Pregunta?

Manda nos un e-mail of message nos via Facebook. Danki pa e sosten.

Not readable? Change text. captcha txt

Start typing and press Enter to search