Dialuna mainta a habri cu un reunion di Parlamento cu Minister di Enseñansa Rudy Lampe discutiendo riba e tema Tra’i Merdia. Parlamentario Michael Lampe di AVP a splica cu awe pa prome biaha a haya un spliciacion di e vision di Minister riba con e kier atende cu e “Naschoolse Opvang/Tra’i Merdia“ despues di su declaracionnan haci durante e reunion.

Minister dr. Rudy Lampe a duna un splicacion riba con e ta mira e diferencia entre Tra’i Merdia y Enseñansa riba su mes. Den algun punto el a menciona cu e ta sinti cu enseñansa mester ta atendi den un un otro forma. Den su bista Tra’i Merdia tampoco ta algo e ta mira cu ta atende na e forma mas eficiente na e momentonan aki. Peocupacion ta lanta siguramente pa esunnan cu ta traha den e veld, por a sinti cu Minister tin un vision unda cu e ta papia di “Trendnan” mundial unda hobennan mester tin espacio den oranan di atardi pa atende cu nan mes un tempo y con pa yena esaki.

Parlamentario Michael Lampe ta sinti cu den e contexto ey profesionalnan cu sa e trabou a sinti cu Minister no ta “In Touch” cu esey lo ta e necesidadnan real cu ta biba den e veld. Esaki ta un punto cu a sali hopi cla awe. Di nan banda a pidi Minister pa ta mas envolvi,sinta y dialoga cu esunnan cu ta atendiendo cu e muchanan aki, cu ta haciendo un trabou importante den e “Naschoolse Opvang” pa asina e por sinti miho kico ta e necesidadnan real di nos como isla chikito.

Ta asina cu e Minister por tin un vision grandi, por tin un vision riba trendnan mundial cu otronan ta bisa, cual ta algo cu mester tene na mente, pero mester por trece esaki realmente na e necesidadnan di bo comunidad, di acuerdo cu Michael Lampe.

Un otro punto cu tambe a bin dilanti ta si acaso na momento cu elimina e Tra’i Merdianan, cu si e no lo afecta aun mas e crisis social cu nos ta pasando aden. Michael Lampe di su banda a bisa cu e Gobierno aki ta bisa tur ora cu hende/mucha mester ta central den tur e guianan cu ta necesario. Mirando e situacion social cu nos tin, guia ta algo cu no por falta, tin cu trece guia pa nos muchanan y Tra’i Merdia hustamente ta esaki. 

Michael Lampe ta di opinion cu ta net un ampliacion den e sosten y trabou di Tra’i Merdia ta locual cu mester bin. Mehora e sitema di Tra’i Merdia, dunando un empuhe tras di trabou cu nan ta haci. Aunke locual cu por mira actualmente ta lo contrario y cu ta mira cu e Minister di Enseñansa kier disolve Trai Merdia. Claramente e no ta na beneficio di niun hende na e forma cu e ta awo akinan y no ta yuda fortifica e situacion social cu nos ta aden awo tampoco.

FIN