fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Inspector Robert Candelaria Situacion di bala den Cuerpo Policial ta algo IMPOSIBEL!

 Cuerpo Policial Aruba actualmente ta den situacion tenso y inaceptabel for di momento cu a informa cu nan municion ta na un nivel asina abou cu mester a pidi ayudo di hermana isla Boneiro, mientras ta pidi investigacion riba kico ta e tumando luga. Robert Candelaria ta di opinion cu locual cu ta pasando ta sumamente lamentabel y imposibel di acepta.

E ta bisa cu no por t’asina cu un Cuerpo Policial cu t’ey pa mantene ordo y regla di nos pais, mester papia si nan tin bala si of no. Loke ta pasando, Robert Candelaria ta bisa, ta confirma loke el a bin ta vocifera for di momento cu e minister aki a sinta, esta cu e no tin prioridad. Na mes momento tambe ta cuestiona ta con e Minister aki por percura pa tin un helicopter, cu ta costando miles pa dia, mientras lo basico necesario no ta regla. Ta papiando di algo cu Polis mester di dje na su koppel, basis uitrusting, no ta ekipo nobo moderno of caro, ta papia di locual ta basico na momento cu bo bira polis y esaki no tin placa p’e of no a keda regla.

Locual por a compronde ta cu e situacion aki ta tumando luga for di 2 aña caba, te awe no por saca afo unda y/o ken a faya den e situacion aki, tampoco unda e placa y e balanan a keda, cu ta algo inaceptabel.

Minister Andin Bikker ta comete FAYO grandi un tras di otro.

Parlamentario Robert Candelaria ta para riba e hecho cu no tin un mando policial cu ta cla, no ta cla con of dor di ken e organisacion ta keda guia, lagando espacio habri si ta esun actual si of no, bo ta haya e tipo di situacionnan aki. P’esey e ta keda insisti riba nombra un Alto Comisario pa e Cuerpo Policial di pais Aruba.

E persona cu ta encarga cu e departamento cu tin cu percura pa tin material pa traha cun’e, e Minister aki a keda suspendi den e proceso aki algun luna atras, mientras a keda demostra cu e no tabata tin nada di haber cu e sucedido pero a opta pa no pone bek den funcion y clear su nomber. Mientrastanto e situacionnan aki ta keda ripiti.

Polis semper a keda motiva, maske durante añas a confronta cu falta di material, nan semper a bin bek traha pa mantene siguridad pa asina tur cos sigui draai, ta locual Robert Candelaria ta remarca como ex Polis e mes.

Si cualkier cos pasa na e momento aki, e ta sigur cu tur polis lo ta riba caya, nan tin nan arma, na conoce nan autoridad y nan lo actua corectamente, ta locual Parlametario Candelaria ta afirma.

Cuanto tempo mas?

Cuanto tempo mas Polis tin cu improvisa, tin cu sigui pega cos aki y laga cos sigui draai, mientras cu e Minister cu tin cu percura pa claridad y material ta bisa cu miho bin cu helicopter awo akinan, confirmando asina cu e no ta compronde nada di e trabou ni su prioridadnan cu e ta encarga cun’e. Mientras e polisnan tin cu keda basha awa den biña, inventando maneranan nobo pa keda opera. Polis tin cu bisa ta Basta!