fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Inflacion causa pa medida riba cuminda di cas ta 14% y riba fruta 32.6%

Parlamentario Benny Sevinger ta mustra cu mas y mas pueblo ta sinti e efecto di a wordo gaña durante di campaña electoral, pa un gabinete Wever Croes cu sin ningun tipo di consideracion, ta castigando pueblo practicamente tur dia y tur luna.

Usando cifranan oficial di Centraal Bureau Statistieken, esta CBS, e miembro di fraccion di AVP ta bisa cu canando den pueblo, por scucha e efecto nos solamente financiero pero tambe emocional di hendenan cu a spera algo otro di e gobierno actual, cu a priminti asina hopi awo bin duna asina poco.

Sr Sevinger a mustra cu a priminti pueblo solucion sin medida, a priminti reduccion di prijs di awa y coriente, aumento di salario minimo, reduccion di edad di pensioen, importacion di gasolin mas barata, un cantidad di cos cu gabinete Wever Croes no a cumpli cu nan y no tin pensa di cumpli cu nan tampoco.

“Ora cu nos scucha hendenan papia di e situacion cu nan ta pasando aden, e ta confirma cu e actual gobierno simplemente a castiga pueblo no solamente pa su mal maneho, pero pa su falta di vision di por bin cu algo cu ta  beneficia tur hende.

Ta bon mi usa aki e rapport di CBS di luna di Juli cu ta un rapport oficial, caminda ta duna e berdad di e situacion actual cu pueblo ta wordo confronta cune pero tambe e sector comercial.

Pa loke ta e rapport di Juli, CBS ta mustra cu inflacion riba cuminda di cas, esta den casi d famia, a conoce un aumento di inflacion di 14.6% mientras cu cuminda na restaurant, servicio di catering y otro negoshinan, a conoce un inflacion di 11.8%.

No ta Benny y AVP ta bisa, pero ta cifranan oficial di CB y tur hende por bay riba nan website pa mira tur e informacionnan aki.

Pa colmo y pa haci e situacion un tiki mas dificil pa hopi famia, CBS ta mustra cu pa loke ta fruta, esaki a conoce un aumento di inflacion di 32.6% cu ta haci cu hopi cas di famia practicamente no por cumpra esakinan mas mirando e amento di prijs cu el a  conoce ultimo tempo.

Origen di e inflacion aki ta dor di e medidanan cu gabinete Wever Croes a introduci contra su propio promesanan haci na pueblo cu cosnan lo bira mas barata, cu lo percura pa pueblo biba miho y trankil pero a haci net lo contrario.

Awor e mesun CBS aki ta mustra den su rapport cu na 2017 un persona adulto bibando su so, tabatin mester di un entrada di 2066 florin  na salario pa biba sin dolor di cabes pero awor na 2019 y dor di e inflacion causa pa medidanan di gabinete Wever Croes, e persona aki mester di 2379 florin pa e pasa e luna.

Esaki ta un aumento di 313 florin cu e no tin  pero tin cu saca su som pa mira con e ta cumpli cu su debernan financiero y riba otro terenonan, tur causa pa e inflacion crea pa maneho di e gobierno actual.

Si nos tuma loke CBS ta publica pa loke ta un entrada aceptabel pa un famia di cuater persona, cu ta dos mayor y dos yiu, ta  mustra cu na 2017 un famia asina tabatin mester di un suma di 4338 pa e cubra su gastonan di tur luna.

Sinembargo despues dos aña di gabinete Wever Croes, e mesun famia di cuater aki na 2019 tin mester di un entrada mensual di 4997 florin pa cumpli cu su obligacionnan financiero di tur luna, cu ta un aumento di 659 florin.

Esaki ta resultado di dos aña di gobernacion di gobierno di Evelyn Wever Croes y Otmar Oduber y ainda nan no ta cla cu medida, ya cu tin diferente scenario cu ta trahando ariba pa mira con gobierno ta bay sigui ranca placa for di pueblo y ta medidanan cu ya ta wordo anuncia den forma masha fini mes pa entre otro e Prome Minister mes den diferente declaracion duna na prensa,” Parlamentario Benny Sevinger a declara.